Published:Updated:

மிஸ்டர் கழுகு: அவர் ஒரு எம்.எல்.ஏ-தான்! - எடப்பாடியைச் சீண்டிய செந்தில் பாலாஜி

எடப்பாடி பழனிசாமி, செந்தில் பாலாஜி
பிரீமியம் ஸ்டோரி
எடப்பாடி பழனிசாமி, செந்தில் பாலாஜி

ஒரு மாவட்ட ஆட்சியரின் கணவர் முதல்வரிடம் நிவாரண நிதியளித்திருப்பது சர்ச்சையாகியிருக்கிறதே... கவனித்தீரா?

மிஸ்டர் கழுகு: அவர் ஒரு எம்.எல்.ஏ-தான்! - எடப்பாடியைச் சீண்டிய செந்தில் பாலாஜி

ஒரு மாவட்ட ஆட்சியரின் கணவர் முதல்வரிடம் நிவாரண நிதியளித்திருப்பது சர்ச்சையாகியிருக்கிறதே... கவனித்தீரா?

Published:Updated:
எடப்பாடி பழனிசாமி, செந்தில் பாலாஜி
பிரீமியம் ஸ்டோரி
எடப்பாடி பழனிசாமி, செந்தில் பாலாஜி

‘‘தமிழகத்தில் ஆங்காங்கே திடீர் மின்வெட்டு ஏற்படுவதற்குப் பின்னால் ஒரு சிண்டிகேட் இருப்பதாகச் சொல்கிறார்கள்’’ என்றபடியே என்ட்ரி கொடுத்த கழுகாருக்கு கருப்பட்டி அல்வாவை நீட்டினோம். நம்மை ஏற இறங்கப் பார்த்தவர், அல்வாவைச் சுவைத்துக்கொண்டே செய்திகளுக்குள் நுழைந்தார்...

‘‘2013-ல் மின்துறை அமைச்சராக நத்தம் விசுவநாதன் இருந்தபோது, தனியார் நிறுவனங்களிடமிருந்து மின்சாரம் கொள்முதல் செய்வதற்கு, 2028-ம் ஆண்டு வரை ஒப்பந்தம் போடப்பட்டது. அதன்படி, ஒரு மெகாவாட் மின்சாரத்துக்கு குறுகியகாலக் கொள்முதல் விலையைவிடக் குறைவாக நிர்ணயம் செய்திருக்க வேண்டும். ஆனால், அ.தி.மு.க ஆட்சியில் ஒரு மெகாவாட் நான்கு ரூபாய் 91 பைசாவுக்கு நிர்ணயித்துக் கொள்முதல் செய்தனர். சுமார் மூன்று ரூபாய் 50 பைசாவில் முடிக்க வேண்டியதை திட்டமிட்டே அதிகரித்து நிர்ணயம் செய்ததால், அரசுக்கு வருவாய் இழப்பு ஏற்பட்டதாகச் சர்ச்சைகள் வெடித்தன. சத்தீஸ்கரைச் சேர்ந்த நான்கு நிறுவனங்கள், மஹாராஷ்டிராவைச் சேர்ந்த இரண்டு நிறுவனங்கள், ஜார்கண்ட் மற்றும் ஒடிசாவைச் சேர்ந்த தலா ஒரு நிறுவனம் மற்றும் தமிழகத்தைச் சேர்ந்த மூன்று நிறுவனங்கள் தமிழக அரசுக்கு மின்சாரத்தை அதிக விலைக்கு விற்று லாபம் பார்த்திருக்கிறார்கள். தமிழ்நாடு மின் உற்பத்தி மற்றும் மின் பகிர்மானக் கழகம் நஷ்டத்தில் இயங்குவதற்கு இதுவும் ஒரு காரணம்.’’

மிஸ்டர் கழுகு: அவர் ஒரு எம்.எல்.ஏ-தான்! - எடப்பாடியைச் சீண்டிய செந்தில் பாலாஜி

‘‘சரி, நஷ்டம் ஏற்படுவது தெரிந்தால் ஏன் விலையைக் குறைக்கக் கூடாது?’’

‘‘சரியான கேள்வி. ஆந்திராவில் சந்திரபாபு நாயுடு முதல்வராக இருந்தபோது சில தனியார் நிறுவனங்களிடம் அதிக விலைக்கு மின் கொள்முதல் செய்வதற்கான ஒப்பந்தங்களைப் போட்டார். ஜெகன் மோகன் ரெட்டி முதல்வரானதும், அந்தத் தனியார் நிறுவனங்களை நேரில் அழைத்துப் பேசி, விலையைக் குறைத்துப் புதிய ஒப்பந்தங்களை அமல்படுத்தினார். ஆந்திரா மாடலில் தமிழகத்திலும் நடந்துவிடுமோ என்ற அச்சத்திலுள்ள சில தனியார் நிறுவனங்கள், சிண்டிகேட் போட்டுக்கொண்டு சில வேலைகளைச் செய்ய ஆரம்பித்திருக்கின்றனவாம். தமிழகம் முழுவதும் ஆங்காங்கே மின்வெட்டு நடப்பதற்கு இதுவும் ஒரு காரணம் என்கிறார்கள். இந்த சிண்டிகேட்டை உடைத்து, புதிய ஒப்பந்தங்கள் போட்டால் மட்டுமே அந்தத் துறையை மீட்டெடுக்க முடியும் என்கிறார்கள் விவரமறிந்தவர்கள்.”

“ம்ம்... ஒரு மாவட்ட ஆட்சியரின் கணவர் முதல்வரிடம் நிவாரண நிதியளித்திருப்பது சர்ச்சையாகியிருக்கிறதே... கவனித்தீரா?’’

‘‘கவனித்தேன். நில விவகாரப் புகார்களில் சிக்கியிருக்கும் வடமாவட்ட ஆட்சியர் ஒருவரின் கணவர், சமீபத்தில் தனது நிறுவனத்தின் சார்பில் முதல்வரிடம் 25 லட்சம் ரூபாய் நிதியை வழங்கியிருக்கிறார். ஆட்சியரின் கணவர் நடத்திவரும் நிறுவனம், தனியார் இடங்களை அரசுக்கு விற்பனை செய்யும் நிறுவனமாம். மனைவியின் அதிகாரத்தை வைத்து, சென்னையைச் சுற்றிலும் இவர் வளைத்துப்போட்ட இடங்களைக் கணக்கெடுத்தால் பல நூறு கோடிகள் போகும் என்கிறார்கள். முதல்வரிடம் நிவாரண நிதி வழங்கிவிட்டு வெளியே வந்த அந்த நபர், ‘சி.எம்-கிட்ட பேசிட்டேன். என் மனைவிக்கு நல்ல டிபார்ட்மென்ட் கிடைச்சுடும்னு சொல்றாங்க’ என்று தனக்கு நெருக்கமானவர்களிடம் கூறியிருக்கிறார். ஆனால், இவர் வந்து சென்றபிறகு, டெல்டா பகுதி முன்னாள் எம்.பி-யின் உறவினருடன், ஆட்சியரின் கணவர் கூட்டு போட்டுக்கொண்டு செய்த வேலைகளைச் சிலர் முதல்வர் தரப்பிடம் போட்டுக் கொடுத்துவிட்டனர். முதல்வர் அலுவலகத்தில் ஏற்கெனவே பணியாற்றிய அதிகாரி ஒருவரின் துணையுடன், நெடுஞ்சாலை மற்றும் தொழில்துறைக்குத் தற்போது இடம்மாற்றம் செய்யப்பட்ட அதிகாரிகளை வைத்து சில காரியங்களை முடித்துக்கொள்ளப் பார்க்கிறாராம் அந்த மாவட்ட ஆட்சியரின் கணவர். முதல்வர் ஸ்டாலின் கவனத்துடன் இருக்க வேண்டும் என்கிறார்கள்.”

மிஸ்டர் கழுகு: அவர் ஒரு எம்.எல்.ஏ-தான்! - எடப்பாடியைச் சீண்டிய செந்தில் பாலாஜி

‘‘அமைச்சர் செந்தில்பாலாஜிமீது முன்னாள் முதல்வர் எடப்பாடி பழனிசாமி ஏக கோபத்தில் இருக்கிறாராமே?”

‘‘இருக்காதா பின்னே... ‘கொரோனாத் தடுப்புப்பணிகள் குறித்துப் பேசுவதற்காக, சேலம் மாவட்ட ஆட்சியரைச் சந்திக்க வேண்டும்’ என மே 24-ம் தேதி பழனிசாமி நேரம் கேட்டுள்ளார். மறுநாள் காலை 10.30 மணிக்கு வரச் சொல்லியிருக்கிறார் மாவட்ட ஆட்சியர். இதற்கிடையே, சேலம் ஆட்சியரைத் தொடர்புகொண்ட செந்தில் பாலாஜி, ‘நாளை காலை 9 மணிக்கு சேலம் மாவட்டத்திலுள்ள அனைத்துத் தொகுதிகளின் எம்.எல்.ஏ-க்கள் கூட்டத்தைக் கூட்டுங்கள்’ என்று உத்தரவிட்டிருக்கிறார். மே 25-ம் தேதி காலை 9 மணிக்கெல்லாம் கூட்டத்தை ஆரம்பித்துவிட்டார் செந்தில் பாலாஜி.”

“ம்ம்ம்...”

“கூட்டம் அன்று மதியம் 3 மணிவரை தொடர்ந்திருக்கிறது. கூட்டத்தைப் புறக்கணித்துவிட்ட எடப்பாடி பழனிசாமி காலையிலிருந்து மதியம் வரை ஆட்சியருக்கு போன் செய்தபடி இருந்திருக்கிறார். ஒருவழியாக மதியம் 3 மணிக்கு மேல் மாவட்ட ஆட்சியர் போனை எடுக்கவும்... ‘இப்ப உங்களைப் பார்க்க வரலாமா?’ என்று கேட்டிருக்கிறார் எடப்பாடி. போனில் ஆட்சியர் பேசுவதைக் கேட்டுக்கொண்டே ‘யார்?’ என அமைச்சர் கேட்கவும், ‘எக்ஸ் சி.எம்’ என பவ்யமாகப் பதில் சொல்லியிருக்கிறார் ஆட்சியர். உடனே, ‘அவரை எக்ஸ் சி.எம்-னு சொல்லாதீங்க. எடப்பாடி எம்.எல்.ஏ பழனிசாமின்னு சொல்லுங்க’ என செந்தில்பாலாஜி கடுகடுத்தாராம். அது எடப்பாடி பழனிசாமியின் காதிலும் விழுவே, பட்டென்று போனை கட் செய்துவிட்டார் என்கிறார்கள். இதையடுத்து ‘என்னைக் கேட்காமல் அவருடன் எந்தச் சந்திப்பும் நடக்கக் கூடாது’ என்று ஆட்சியருக்குக் கறார் காட்டிவிட்டுக் கிளம்பியிருக்கிறார் செந்தில் பாலாஜி. ‘பழைய பகையை மனதில் வைத்துக்கொண்டு என்னை அவமானப்படுத்திவிட்டார் செந்தில் பாலாஜி’ என்று தனக்கு நெருக்கமானவர்களிடம் புலம்பியிருக்கிறார் பழனிசாமி’’ என்ற கழுகாருக்கு குளிர்ச்சியான கேரட் ஜூஸைக் கொடுத்தோம். ஜூஸைப் பருகியபடி செய்திகளைத் தொடர்ந்தார் கழுகார்.

மிஸ்டர் கழுகு: அவர் ஒரு எம்.எல்.ஏ-தான்! - எடப்பாடியைச் சீண்டிய செந்தில் பாலாஜி

‘‘பா.ஜ.க தலைவர் ஹெச்.ராஜாவை நிதியமைச்சர் பி.டி.ஆர்.பழனிவேல் தியாகராஜன் விமர்சித்தபோதும், ‘மார்வாடிகள் பா.ஜ.க-வுக்கு வாக்களித்துவிட்டீர்கள்’ என அமைச்சர் சேகர்பாபு பேசியபோதும், பா.ஜ.க தலைவர்

எல்.முருகன் அமைதியாக இருப்பது கட்சிக்குள் சலசலப்பை ஏற்படுத்தியிருக்கிறது. ‘கட்சிக்காக நான் மட்டுமேதான் தொடர்ந்து கஷ்டப்படுறேன். என்னை விமர்சிக்கறவங்களைக் கண்டிக்கக்கூட ஒரு நாதியில்ல’ என்று தனக்கு நெருக்கமானவர்களிடம் வருத்தப்பட்டிருக்கிறார் ஹெச்.ராஜா. ‘பா.ஜ.க-வின் வேட்பாளர்களுக்கு 13 கோடி ரூபாய் கட்சியிலிருந்து நிதி சென்றதாக’ எஸ்.வி.சேகர் பொதுத்தளத்தில் பேசியபோது, அவரை அழைத்து எல்.முருகன் கண்டிப்பார் என்று எதிர்பார்க்கப்பட்டது. அதுவும் நடக்கவில்லை. இந்தச் சம்பவங்களையெல்லாம் பட்டியலிட்டு, ‘செயல்படாத ஒருவர் தலைவர் பதவிக்குத் தேவையா?’ என டெல்லிக்குத் தமிழகத் தலைவர்கள் சிலர் கடிதம் அனுப்பியிருக்கிறார்களாம்.’’

மிஸ்டர் கழுகு: அவர் ஒரு எம்.எல்.ஏ-தான்! - எடப்பாடியைச் சீண்டிய செந்தில் பாலாஜி
மிஸ்டர் கழுகு: அவர் ஒரு எம்.எல்.ஏ-தான்! - எடப்பாடியைச் சீண்டிய செந்தில் பாலாஜி

‘‘சரிதான்...’’

‘‘கடந்த இதழில், டெல்டாவில் 69 கோடி ரூபாய்க்குத் தூர்வாரும் டெண்டர் விடப்படுவதைக் குறிப்பிட்டிருந்தேன் அல்லவா, அதில் ஒரு அப்டேட். இதில் பெரும்பாலான பாசன வாய்க்கால்கள் தூர்வாரும் பணி, தி.மு.க சார்புள்ள ‘பந்தல்’ பிரமுகர் ஒருவருக்குக் கொடுக்கப்பட்டுள்ளதாம். வேறொருவர் பெயரில் டெண்டர் எடுத்து, தன் மகள் மூலமாக அந்தப் பணியை ‘பந்தல்காரர்’ செய்யவிருப்பதாகக் கூறுகிறார்கள். இந்த விவகாரத்தில் ஏற்கெனவே மாவட்டச் செயலாளர்களுக்கும் லோக்கல் எம்.எல்.ஏ-க்களுக்கும் இடையே கமிஷன் தகராறு நடைபெறுவதால், இப்போது பந்தல்காரர் விவகாரமும் சேர்ந்து புகைச்சலை அதிகரித்திருக்கிறது’’ என்றபடி சிறகுகளை உலுப்பிய கழுகார்,

‘‘மு.க.அழகிரி மகன் துரை தயாநிதி மனைவிக்கு சமீபத்தில் இரண்டாவது ஆண் குழந்தை பிறந்திருக்கிறது. பேரனைப் பார்க்க மே 27-ம் தேதி சென்னை ஆழ்வார்பேட்டையில் இருக்கும் மகன் வீட்டுக்கு வந்த அழகிரி, இங்கு யாரையும் சந்திப்பதில்லை என்று முடிவு செய்திருக்கிறார் என்கிறார்கள். தன்னைச் சந்திக்க முயல்பவர்களிடமும், ‘வீட்டுல கைக்குழந்தை இருக்குங்க. இப்ப வேண்டாம்’ என நாசுக்காகத் தட்டிக் கழித்துவிடுகிறாராம். அவர் மனதில் என்ன இருக்கிறதோ?’’ என்றபடி ஜூட் விட்டார்.

மிஸ்டர் கழுகு: அவர் ஒரு எம்.எல்.ஏ-தான்! - எடப்பாடியைச் சீண்டிய செந்தில் பாலாஜி
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

கழுகார் கான்ஃபிடென்ஷியல் நோட்!

இனிப்பு அமைச்சரைச் சந்தித்த கொங்கு மண்டல முன்னாள் அமைச்சரின் அண்ணன் தரப்பினர், ‘எங்கள் ஆட்சியில் நடந்த ஒப்பந்தப் பணிகளுக்கான பில் கிளியர் ஆகவில்லை’ என்று சொல்லியிருக்கிறார்கள். உடனே அதற்கு பர்சன்டேஜ் பேசி, கச்சிதமாக முடித்துக் கொடுத்தாராம் இனிப்பு அமைச்சர்.

 கொங்கு மண்டல தி.மு.க அறிமுக எம்.பி ஒருவரும், மீசைக்கார மூத்த அமைச்சரின் சகோதரரும் பிசினஸ் பார்ட்னர்கள். இதைவைத்து, அந்த அமைச்சரின் துறைக்குள் எம்.பி-யின் ஆதிக்கம் அதிகரித்துள்ளதாம். தன் ஏரியா அதிகாரிகளை அழைத்து, ‘எனக்குத் தெரியாமல் டெண்டர் உட்பட எந்தப் பணியும் நடக்கக் கூடாது’ என்று கறாராகக் கூறியுள்ளாராம் அந்த எம்.பி.