Published:Updated:

நேஷனல் ஹாட் பிட்ஸ்

சந்திரசேகர் ராவ்
பிரீமியம் ஸ்டோரி
சந்திரசேகர் ராவ்

காங்கிரஸின் புதிய தலைவர் விளம்பரத்துக்காக வாய்விட்டுச் சிக்கிக்கொண்டார் சுதாகரன் என்கிறார்கள் அரசியல் பார்வையாளர்கள்.

நேஷனல் ஹாட் பிட்ஸ்

காங்கிரஸின் புதிய தலைவர் விளம்பரத்துக்காக வாய்விட்டுச் சிக்கிக்கொண்டார் சுதாகரன் என்கிறார்கள் அரசியல் பார்வையாளர்கள்.

Published:Updated:
சந்திரசேகர் ராவ்
பிரீமியம் ஸ்டோரி
சந்திரசேகர் ராவ்
நேஷனல் ஹாட் பிட்ஸ்

கேரள மாநில காங்கிரஸ் தலைவராக, புதிதாக நியமிக்கப் பட்டிருப்பவர், கே.சுதாகரன். இவர் ஒரு மலையாள வார இதழுக்கு அளித்த பேட்டியில், ‘‘நான் கண்ணூரிலுள்ள பிரண்ணன் கல்லூரியில் படித்தபோது, காங்கிரஸ் மாணவர் அமைப்பான கே.எஸ்.யூ-வில் இருந்தேன். அப்போது எஸ்.எஃப்.ஐ அறிவித்திருந்த கல்லூரிப் படிப்பு நிறுத்தப் போராட்டத்துக்காக கோஷம் எழுப்பியபடி வந்த பினராயி விஜயனை நானே மிதித்தேன். அவர் கீழே விழுந்ததும், எங்கள் மாணவர்கள் சுற்றிவளைத்து அவரைத் தாக்கினார்கள். போலீஸ் வந்துதான் அவரை மீட்டுச் சென்றார்கள்’’ என்று கூறியிருந்தார். இந்தப் பேட்டி குறித்து முதல்வர் பினராயி விஜயனிடம் செய்தியாளர்கள் கேட்க, பலமாகச் சிரித்த அவர், ‘‘அவர் ஏதோ ஒருவிதத்தில் கனவு காண்பதை நான் தடுக்க முடியாதே... பினராயி விஜயனை மிதித்து வீழ்த்த வேண்டும் என அவருக்கு ஆசை இருந்திருக்கலாம். அன்றைய போராட்டத்தில் யாரும் என்னைத் தொடவில்லை, நானும் யாரையும் தொடவில்லை’’ என்று பதிலடி கொடுத்திருக்கிறார். காங்கிரஸின் புதிய தலைவர் விளம்பரத்துக்காக வாய்விட்டுச் சிக்கிக்கொண்டார் சுதாகரன் என்கிறார்கள் அரசியல் பார்வையாளர்கள். #கேரளத்து சீமான்?

நேஷனல் ஹாட் பிட்ஸ்

மகாராஷ்டிராவின் தானே தொகுதி சிவசேனா எம்.எல்.ஏ பிரதாப் சர்நாயக்கிடம், ‘நேஷனல் ஸ்பாட் எக்ஸ்சேஞ்ச் லிமிடெட்’ நிறுவனத்தில் நடந்த ரூ.5,600 கோடி மோசடி தொடர்பாக அமலாக்கப் பிரிவினர் விசாரணை நடத்திவருகிறார்கள். பிரதாப்பின் நிலங்களும் அமலாக்கப் பிரிவினரால் கையகப்படுத்தப்பட்டுள்ளன. இந்தநிலையில், மகாராஷ்டிர முதல்வர் உத்தவ் தாக்கரேவுக்கு, ‘‘எந்தக் குற்றமும் செய்யாத நிலையில், சிவசேனா எம்.எல்.ஏ-க்களும் அவர்களின் குடும்பங்களும் மத்திய விசாரணை ஏஜென்சிகளால் துன்புறுத்தப்பட்டு வருகிறோம். ஒரு வழக்கில் ஜாமீன் கிடைத்தால், உடனே வேறொரு வழக்கில் சிக்கவைத்துவிடுகிறார்கள். மத்திய விசாரணை ஏஜென்சிகளிடமிருந்து எங்களைப் போன்ற தலைவர்களைக் காப்பாற்ற வேண்டுமென்றால் பா.ஜ.க-வுடன் கூட்டணிவைக்க வேண்டும்’’ என்று கடிதம் எழுதிப் பரபரப்பைக் கிளப்பியிருக்கிறார் சர்நாயக். #முடியல!

நேஷனல் ஹாட் பிட்ஸ்

இந்தியாவிலேயே ஊரடங்குக் கட்டுப்பாடுகளை முழுமையாக நீக்கிக்கொண்ட முதல் மாநிலமாகியிருக்கிறது தெலங்கானா. அந்த மாநிலத்தில் தினசரி கொரோனா தொற்று எண்ணிக்கை 1,000 என்ற அளவிலேயே இருந்துவருகிறது. ஜூன் 20-ம் தேதி நிலவரப்படி, 17,765 பேர் கொரோனா சிகிச்சை பெற்றுவந்த நிலையில், தெலங்கானாவில் ஜூன் 20-ம் தேதி காலை 6 மணி முதல் இரவு ஊரடங்கு உட்பட அனைத்துக் கட்டுப்பாடுகளையும் நீக்கிக்கொள்வதாக அறிவித்திருக்கிறது சந்திரசேகர் ராவ் அரசு. மேலும், ‘ஜூலை 1-ம் தேதி முதல் பள்ளி, கல்லூரிகள் உள்ளிட்ட அனைத்துக் கல்வி நிலையங்களும் திறக்கப்படும்’ என்ற அதிரடி அறிவிப்பையும் வெளியிட்டிருக்கிறது மாநில அரசு. அதேசமயம், ‘மூன்றாம் அலை குறித்த கவலையின்றி இருக்கிறது அரசு’ என்று எதிர்க்குரல்களும் எழாமல் இல்லை. #மீளட்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism