Published:Updated:

ஒன் பை டூ

பாக்கியராசன், முரளி அப்பாஸ்
பிரீமியம் ஸ்டோரி
News
பாக்கியராசன், முரளி அப்பாஸ்

தமிழகத்தில் தற்போது இருக்கும் அரசியல் சூழலில், மக்கள் ஒரு மாபெரும் மாற்றத்தை எதிர்பார்த்துக் காத்திருக்கிறார்கள்.

ரஜினி, அரசியலில் தவிர்க்க முடியாத சக்தியாக வர முடியுமா?

பாக்கியராசன் செய்தித் தொடர்பாளர், நாம் தமிழர் கட்சி.

“ரஜினி, மக்கள் மத்தியில் பிரபலமானவர் என்பதில் மாற்றுக் கருத்தில்லை. ஆனால் எம்.ஜி.ஆர்., என்.டி.ஆர்போல உடனடியாக ஒரு மாபெரும் வெற்றியைப் பெறுவதற்கான வாய்ப்புகள் ரஜினிக்கு நிச்சயமாக இல்லை. காரணம், எம்.ஜி.ஆரும் என்.டி.ஆரும் பல காலமாக அரசியலுக்கு வருவதற்கான அடித்தளத்தை அமைத்து, செயல்பட்டுக்கொண்டே வந்தார்கள். எம்.ஜி.ஆர்., தி.மு.க-வில் இணைந்து செயல்பட்டு வந்தார். ஆனால், ரஜினிகாந்த் பல காலம் அரசியலுக்கு வருவதைத் தவிர்த்துக்கொண்டேதான் வந்தார்; இப்போதும், ஏதோவொரு நிர்பந்தத்துக்காகவே அரசியலுக்கு வந்திருக்கிறார். இப்படி வருபவர்கள் நிச்சயமாக வெல்லவே முடியாது. எந்தவொரு மக்கள் பிரச்னைக்கும் குரல் கொடுக்காமல் இருந்துவிட்டு, திடீரென அரசியலுக்கு வந்தால் மக்கள் எப்படி ஏற்றுக்கொள்வார்கள். தவிர, கட்சியின் கட்டமைப்பை மேம்படுத்துவது, கொள்கைகளை மக்களிடம் எடுத்துச் செல்வது, வேட்பாளர் தேர்வு, பிரசாரம் செல்வது போன்ற பல பணிகள் இருக்கின்றன. அதனால், வரும் தேர்தலில் அவர் தவிர்க்க முடியாத சக்தியாக வருவதற்குக் காலமும் வாய்ப்பும் இல்லை என்பதே என் கருத்து!’’

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பாக்கியராசன், முரளி அப்பாஸ்
பாக்கியராசன், முரளி அப்பாஸ்

முரளி அப்பாஸ் செய்தித் தொடர்பாளர், மக்கள் நீதி மய்யம்.

“தமிழகத்தில் தற்போது இருக்கும் அரசியல் சூழலில், மக்கள் ஒரு மாபெரும் மாற்றத்தை எதிர்பார்த்துக் காத்திருக்கிறார்கள். 67-ல், 77-ல் நிகழ்ந்தது போன்ற மாற்றம் நிகழ்வதற்கான வாய்ப்பும் இருக்கிறது. இந்தச் சூழலில், ரஜினி போன்ற பிரபலமான ஒருவர் அரசியலுக்கு வருவதாக அறிவித்துவிட்டார். கண்டிப்பாக, அவர்மீது மக்களின் கவனம் திரும்புவது இயற்கை. அதேநேரம், அதை அவர் எப்படி முனைப்போடு எடுத்துச் செல்கிறார் என்பதைப் பொறுத்தே அவரின் வெற்றி அமையும். மக்களைப் பற்றிய புரிதல், அவர்களுடைய பிரச்னைகள், அதைப் புரிந்து செயல்படுவதில் வேகம், மாற்றம் குறித்த தெளிவான அணுகுமுறை ஆகியவை அவருக்கு வேண்டும். அதைவிட முக்கியமாக, ரஜினி அரசியலுக்குச் சரியானவரா என்கிற மக்களின் தேர்வில் அவர் வெற்றிபெற வேண்டும். இவையெல்லாம் நடந்தால், ரஜினி தமிழக அரசியல் களத்தில் தவிர்க்க முடியாத சக்தியாக நிச்சயம் வருவார்!”