Published:Updated:

ஒன் பை டூ

ஜி.கே.நாகராஜ் - பாலபாரதி
பிரீமியம் ஸ்டோரி
ஜி.கே.நாகராஜ் - பாலபாரதி

டெல்லியில் நடப்பது விவசாயிகளின் போராட்டமே அல்ல. அதை நடத்துவது இடைத்தரகர்கள்தான்.

ஒன் பை டூ

டெல்லியில் நடப்பது விவசாயிகளின் போராட்டமே அல்ல. அதை நடத்துவது இடைத்தரகர்கள்தான்.

Published:Updated:
ஜி.கே.நாகராஜ் - பாலபாரதி
பிரீமியம் ஸ்டோரி
ஜி.கே.நாகராஜ் - பாலபாரதி

வேளாண் சட்டங்களுக்கு எதிரான விவசாயிகளின் போராட்டம்..?

ஜி.கே.நாகராஜ் - விவசாய அணி மாநிலத் தலைவர், பா.ஜ.க

ஜி.கே.நாகராஜ்
ஜி.கே.நாகராஜ்

ஒட்டுமொத்த விகடனுக்கும் ஒரே ஷார்ட்கட்!

``டெல்லியில் நடப்பது விவசாயிகளின் போராட்டமே அல்ல. அதை நடத்துவது இடைத்தரகர்கள்தான். இவர்கள், விவசாயி களிடமிருந்து பொருள்களை அடிமட்ட விலைக்கு வாங்கி, மத்திய-மாநில அரசு உள்ளிட்டவர்களிடம் விற்பனை செய்து கமிஷன் வாங்குபவர்கள். குறிப்பாக, சிந்து நதியின் செழிப்பால் கோதுமை, அரிசியின் விளைச்சல் பஞ்சாப்பில் அதிகம். இங்கு ஆண்டுக்கு 5,000 கோடிக்கு மேல் இடைத்தரகர்களுக்கு மட்டும் வருமானம் வரும். இந்தச் சட்டத்தால் இடைத்தரகர்களின் வருமானம் பாதிக்கப்படுவதை அவர்களால் ஏற்றுக்கொள்ள முடியவில்லை. எனவே, பஞ்சாப் அரசின் தூண்டுதலால் டெல்லியில் இடைத்தரகர்கள்தான் போராடுகிறார்கள். இந்தச் சட்டத்தால் உண்மையில் விவசாயிக்குத்தான் லாபம் அதிகம். காங்கிரஸ், தி.மு.க., கம்யூனிஸ்ட் உள்ளிட்ட கட்சிகள்தான் திரித்துப் பொய்ப் பிரசாரம் செய்கின்றன. இந்தச் சட்டம் இயற்றப்பட்ட பிறகு, தமிழக விவசாயிகள் பலரையும் பல ஊர்களில் நேரடியாகச் சந்தித்தேன். அவர்கள் இந்தச் சட்டத்தை ஆதரிக்கிறார்கள்; வரவேற்கிறார்கள்!’’

பாலபாரதி - முன்னாள் திண்டுக்கல் சட்டமன்ற உறுப்பினர், சி.பி.எம்

பாலபாரதி
பாலபாரதி

``டெல்லியில் நடக்கும் விவசாயிகள் போராட்டம் என்பது இந்தியாவில் இதுவரை அரசியல் வரலாற்றில் நடக்காத போராட்டம். இந்தப் போராட்டம் எதிர்க்கட்சிகள் தூண்டிவிட்டு நடப்பதுபோல் மோடியும், பா.ஜ.க ஆதரவாளர்களும் சொல்வது கேலிக்குரிய வார்த்தைகள். உண்மை என்ன என்பதை மறக்கும், மறைக்கும் அரசாங்கத்தின் பிடிவாதம் இது. பெரும் உலக நாடுகளின் கவனத்தையும் இந்தப் போராட்டம் ஈர்த்திருக்கிறது. கனடா, அமெரிக்கா, பிரிட்டன், ஐக்கிய நாடுகள் சபை இப்படி நான்கு முக்கிய இடங்களிலிருந்தும் தங்கள் கருத்தை அழுத்தமாகப் பதிவுசெய்திருக்கிறார்கள். `விவசாயிகளின் பிரச்னையை உடனே கவனியுங்கள்’ என்று சொல்லியிருக்கிறார்கள். இந்தச் சட்டத்தை மத்திய அரசாங்கம் வாபஸ் வாங்குவதைத் தவிர வேறு வழி கிடையாது. ஏனென்றால், விவசாயிகள் தங்களின் குடும்பங்களோடு ஆறு மாதங்களுக்குத் தேவையான உணவுப் பொருள்களையும் எடுத்துக்கொண்டு வந்து, நெஞ்சுறுதியோடு தெருவில் உட்கார்ந்து போராடிக்கொண்டிருக்கிறார்கள். அவர்களின் போராட்ட உறுதியைக் கண்டு ஒட்டுமொத்த தேசமே வியந்துகொண்டிருக்கிறது. அப்படி இருக்கும்போது, வெறும் கையோடு அவர்கள் திரும்பிப் போக மாட்டார்கள். மத்திய அரசாங்கம் இப்போது, ‘விவாதிக்க வேண்டும்’ என்கிறது. விவாதத்தை நாடாளுமன்றத்தில் பிறகு வைத்துக்கொள்ளலாம். முதலில் சட்டத்தை வாபஸ் வாங்கி, களத்தில் இருக்கும் 1.20 கோடி விவசாயப் போராளிகளையும் குழந்தைகளோடு பத்திரமாக வீடு திருப்புங்கள். சட்டத்தை உடனே வாபஸ் வாங்குங்கள்!’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism