Published:Updated:

ஒன் பை டூ

மனுஷ்ய புத்திரன் - விந்தியா
பிரீமியம் ஸ்டோரி
மனுஷ்ய புத்திரன் - விந்தியா

தி.மு.க-வைப் பொறுத்தவரை தமிழக பா.ஜ.க ஒரு செல்லாக்காசு.

ஒன் பை டூ

தி.மு.க-வைப் பொறுத்தவரை தமிழக பா.ஜ.க ஒரு செல்லாக்காசு.

Published:Updated:
மனுஷ்ய புத்திரன் - விந்தியா
பிரீமியம் ஸ்டோரி
மனுஷ்ய புத்திரன் - விந்தியா

அமித் ஷாவின் தமிழக வருகையால், உங்கள் கட்சிக்கு நெருக்கடி ஏற்படும் என நினைக்கிறீர்களா?

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

மனுஷ்ய புத்திரன், தி.மு.க தகவல் தொழில்நுட்ப அணி மாநில ஆலோசகர்.

``ஒரு கட்சித் தலைவர், அவர் கட்சிக்காரர்களைப் பார்க்க வருகிறார். அதைப் பற்றி தி.மு.க ஏன் கருத்து தெரிவிக்க வேண்டும்? காங்கிரஸ் மேலிடப் பொறுப்பாளர் தினேஷ் குண்டு ராவ் தமிழ்நாட்டுக்கு வருகிறபோது அதைப் பற்றி பா.ஜ.க., அ.தி.மு.க-விடம் ஏதேனும் கருத்து கேட்கிறார்களா? அமித் ஷா தமிழ்நாட்டில் ஏதோ மேஜிக் செய்துவிடுவார் என்பது போன்ற தோற்றத்தை ஊடகங்கள் ஏற்படுத்துகின்றன. மோடியே இங்கு வந்து பிரசாரம் பண்ணியும், தமிழக மக்கள் பா.ஜ.க-வை நோட்டாவுக்குக் கீழ்தான் வைத்திருக்கிறார்கள். அமித் ஷாவின் பிரித்தாளும் தந்திரங்களை எதிர்க்கட்சிகள் பல மாநிலங்களில் முறியடித்திருக்கின்றன. மகாராஷ்டிரா ஒரு சிறந்த உதாரணம். பீகாரில்கூட தேர்தல் மோசடிகளால்தான் ஆட்சியைத் தக்கவைத்துக்கொண்டார்கள். சமூகநீதிக்கு எதிரான பா.ஜ.க தமிழகத்தில் ஒருபோதும் வளராது. அமித் ஷா வருவதைப் பார்த்து இங்கு பயப்பட வேண்டியது அ.தி.மு.க-தான். மேலும், பா.ஜ.க-வில் பயங்கரமான உட்கட்சித் தகராறுகள் நடக்கின்றன என்றும், எல்.முருகன் கோஷ்டி, ஹெச்.ராஜா கோஷ்டி, குஷ்பு கோஷ்டி, பொன்.ராதாகிருஷ்ணன் கோஷ்டி எனப் பல அணிகளாக அதிகாரப் போட்டி நடப்பதாகவும் செய்திகள் வருகின்றன. அமித் ஷாவின் வருகை, அதைத் தீர்ப்பதற்காகவும் இருக்கலாம். இந்த கொரோனா காலத்தில், தமிழகத்துக்கு மத்திய அரசு ஒரு துரும்பைக்கூட கிள்ளிப் போடவில்லை. அப்படிப்பட்ட நிலையில் அமித் ஷா வருகையால் தமிழ்நாட்டுக்கு என்ன உபயோகம்? தி.மு.க-வைப் பொறுத்தவரை தமிழக பா.ஜ.க ஒரு செல்லாக்காசு!’’

ஒன் பை டூ

விந்தியா, அ.தி.மு.க கொள்கை பரப்பு துணைச் செயலாளர்.

``இந்தியாவின் எந்தக் குடிமகனுக்கும், இந்தியாவின் எந்த மூலைக்கும் போகறதுக்கு உரிமை உண்டு. அதுவும் அமித் ஷா இந்தியாவின் உள்துறை அமைச்சர். அவர், தமிழகத்துக்கு அரசுப் பணிகளுக்காகவும், அவரோட கட்சிப் பணிகளுக்காகவும் வருவார். இதில், அ.தி.மு.க கருத்து சொல்லவோ, அச்சப்படவோ எதுவும் இல்லை. தி.மு.க வேண்டுமானால் அச்சப்படலாம், அழகிரியைத் தள்ளிக்கொண்டு போய்விடுவார்களோ என்று. எங்களுக்கு என்ன நெருக்கடி? ‘மக்களால் நான், மக்களுக்காகவே நான்’ என்று வாழ்ந்த அம்மாவழி நடக்கும் அரசு இது. மக்களுக்கு ஏதாவது ஆபத்தென்றால், அது காவியோ, பச்சையோ, கறுப்போ, சிவப்போ எந்த நிறமானாலும் அ.தி.மு.க அதை ஆதரிக்காது. வாக்கு அரசியலுக்காகத் தமிழ் இனத்தையே காவுகொடுத்த தி.மு.க-வைப்போல் நாங்கள் இல்லை. காவிரிப் பிரச்னையிலிருந்து கல்விப் பிரச்னை வரை மக்களுக்கு ஒன்று என்றால் கோட்டையிலிருந்து கோர்ட் வரை போய் போராடி, நல்லது செய்வோம். மக்களைத் தவிர எதைப் பற்றியும் சிந்திக்க நேரமின்றி உழைத்துக்கொண்டிருக்கிறோம். அமித் ஷாவின் வருகையால், செல்லரித்த தி.மு.க வேண்டுமானால் செய்வதறியாமல் பயப்படலாம். எங்களுக்கு எந்தப் பதற்றமும் இல்லை. அமித் ஷாவை, இந்தியாவின் உள்துறை அமைச்சரை... எங்கள் கூட்டணிக் கட்சியின் மதிப்புமிக்க தலைவரை... நாங்கள் அன்புடன் வரவேற்போம்!”