Published:Updated:

ஒன் பை டூ: மூன்றாம் அணி அமையுமா... அமைந்தால் யாருக்கு பாதிப்பு?

வைகைச்செல்வன்,  மனுஷ்ய புத்திரன்
பிரீமியம் ஸ்டோரி
வைகைச்செல்வன், மனுஷ்ய புத்திரன்

பெரும்பாலான மூன்றாவது அணிகள், ஏதோவொரு பிரதான கட்சியின் ‘பி’ டீமாகத்தான் உருவாக்கப்படுகின்றன.

ஒன் பை டூ: மூன்றாம் அணி அமையுமா... அமைந்தால் யாருக்கு பாதிப்பு?

பெரும்பாலான மூன்றாவது அணிகள், ஏதோவொரு பிரதான கட்சியின் ‘பி’ டீமாகத்தான் உருவாக்கப்படுகின்றன.

Published:Updated:
வைகைச்செல்வன்,  மனுஷ்ய புத்திரன்
பிரீமியம் ஸ்டோரி
வைகைச்செல்வன், மனுஷ்ய புத்திரன்

வைகைச்செல்வன், செய்தித் தொடர்பாளர், அ.தி.மு.க.

ஒன் பை டூ: மூன்றாம் அணி அமையுமா... அமைந்தால் யாருக்கு பாதிப்பு?

“மூன்றாவது அணி அமைவதற்குத் தற்போது வாய்பில்லாததுபோலத் தெரிந்தாலும், தி.மு.க., அ.தி.மு.க என இரண்டு கூட்டணியிலும் குழப்பங்கள் இருக்கின்றன என்பது உண்மை. ‘எங்களுக்கு இவ்வளவு இடங்கள் வேண்டும்... அவ்வளவு இடங்கள் வேண்டும்’ எனக் கூட்டணிக் கட்சிகள், தி.மு.க-வுக்கும் அ.தி.மு.க-வுக்கும் நெருக்கடி கொடுத்துவருகின்றன. அதனால், கூட்டணி முழுமையடையும் தறுவாயில், அதிருப்தியடையும் கட்சிகள் கூட்டணியிலிருந்து வெளியேறி மூன்றாவது அணியை அமைப்பார்கள். அப்படி மூன்றாவது அணி அமைந்தால், தி.மு.க-வுக்கே அது அதிக பாதிப்புகளை ஏற்படுத்தும். தி.மு.க-வுக்குப் பத்து சதவிகிதப் பின்னடைவு என்றால், எங்களுக்கு இரண்டு சதவிகித அளவுக்குத்தான் பின்னடைவு ஏற்படும். காரணம், காங்கிரஸ் கட்சி, தி.மு.க கூட்டணியிலிருந்து வெளியேறி கமல்ஹாசனின் மக்கள் நீதி மய்யத்துடன் கூட்டணி அமைக்க அதிக வாய்ப்பிருப்பதாகத் தெரிகிறது. அவர்கள் பல்லாண்டு காலம் தி.மு.க கூட்டணியில் பயணித்தவர்கள். அவர்கள் வெளியேறினால், ‘எங்களுக்குத் தி.மு.க துரோகம் இழைத்துவிட்டது’ என வெளியில் சென்று பிரசாரம் செய்வார்கள். அந்தக் கட்சியின் நம்பகத்தன்மைமீது பொதுவெளியில் கேள்வி எழுப்புவார்கள். அதனால், தி.மு.க அணிக்கே மிகப்பெரிய பாதிப்பு ஏற்படும்!’’

மனுஷ்ய புத்திரன், செய்தித் தொடர்பாளர், தி.மு.க.

ஒன் பை டூ: மூன்றாம் அணி அமையுமா... அமைந்தால் யாருக்கு பாதிப்பு?

“மூன்றாவது அணி சாத்தியமா, சாத்தியம் இல்லையா என்பதைவிட, அது எதற்காக உருவாக்கப்படுகிறது என்பதை கவனிக்க வேண்டும். பெரும்பாலான மூன்றாவது அணிகள், ஏதோவொரு பிரதான கட்சியின் ‘பி’ டீமாகத்தான் உருவாக்கப்படுகின்றன. தமிழ்நாட்டைப் பொறுத்தவரை, மூன்றாம் அணிகள் ‘ஸ்பாய்லர்’ பாத்திரத்தைத்தான் தொடர்ந்து மேற்கொண்டு வந்திருக்கின்றன. தமிழ்நாட்டில் பா.ஜ.க-வுக்கு அ.தி.மு.க-வோடு கூட்டணி ஒத்துவராவிட்டால், ஏற்கெனவே அ.தி.மு.க கூட்டணியிலிருக்கும் கட்சிகளை வைத்துக்கொண்டு ஒரு மூன்றாம் அணியை அமைக்க வாய்ப்பிருக்கிறது. இப்போது அ.தி.மு.க கூட்டணியிலிருக்கும் கட்சிகள் இந்தத் திட்டத்தோடுதான், அ.தி.மு.க-வுக்குப் பல்வேறு நிபந்தனைகளை விதித்துவருகின்றன. பா.ஜ.க-வின் திட்டம், அ.தி.மு.க-வின் முதுகில் ஏறி எப்படியாவது தமிழக சட்டசபைக்குள் நுழைந்துவிட வேண்டும் அல்லது அ.தி.மு.க வாக்கு வங்கியை உடைத்து அந்தக் கட்சியை நிர்மூலமாக்கிவிட்டு அந்த இடத்தில் தான் வளரும் வகையில் ஒரு மூன்றாம் அணியை உருவாக்க வேண்டும் என்பதே. அதேசமயம் நாங்கள், கடந்த நாடாளுமன்றத் தேர்தலில் எங்கள் கூட்டணிக் கட்சிகளுக்குச் சிறப்பான வெற்றியைத் தேடித் தந்தோம். எனவே தி.மு.க கூட்டணியில் பிளவுக்கு இடமே இல்லை!’’