Published:Updated:

``மதுரை மருத்துவக் கல்லூரி முதல்வராக மீண்டும் ரத்தினவேலை நியமிக்க வேண்டும்!” - ஓ.பி.எஸ்

ஓபிஎஸ்

`மதுரை மருத்துவக் கல்லூரி முதல்வராக ரத்தினவேலை மீண்டும் நியமிக்க வேண்டும்' என தமிழக அரசை ஓபிஎஸ் வலியுறுத்தியிருக்கிறார்.

``மதுரை மருத்துவக் கல்லூரி முதல்வராக மீண்டும் ரத்தினவேலை நியமிக்க வேண்டும்!” - ஓ.பி.எஸ்

`மதுரை மருத்துவக் கல்லூரி முதல்வராக ரத்தினவேலை மீண்டும் நியமிக்க வேண்டும்' என தமிழக அரசை ஓபிஎஸ் வலியுறுத்தியிருக்கிறார்.

Published:Updated:
ஓபிஎஸ்

மதுரை அரசு மருத்துவக் கல்லூரியில் சனிக்கிழமை நடைபெற்ற முதலாமாண்டு மாணவர்களுக்கான நிகழ்ச்சியில், சம்ஸ்கிருத மொழியில் உறுதிமொழியேற்றுக்கொண்ட சம்பவம் தமிழகம் முழுவதும் பெரும் சர்ச்சையானது. இந்த விவகாரத்தில் மருத்துவக் கல்லூரி டீன் ரத்தினவேல் காத்திருப்போர் பட்டியலில் வைக்கப்பட்டுள்ளார்.

மதுரை மருத்துவக் கல்லூரி
மதுரை மருத்துவக் கல்லூரி

இந்த நிலையில், அதிமுக ஒருங்கிணைப்பாளர் ஓ.பன்னீர்செல்வம் இது தொடர்பாக அறிக்கை ஒன்றை வெளியிட்டுள்ளார்.அந்த அறிக்கையில்,`'மதுரை மருத்துவக் கல்லூரி முதல்வரை மீண்டும் அதே இடத்தில் பணியமர்த்த வேண்டும் என்று தமிழக அரசிடம் டாக்டர்கள் சங்கமும் கோரிக்கை விடுத்துள்ளது. `மகரிஷி சரக் சபத்' உறுதிமொழி குறித்து வருகின்ற செய்திகளைப் பார்க்கும்போது தமிழக அரசு சார்பில் தெளிவான அறிவுரைகள் வழங்கப்படவில்லை என்பதும், இந்த உறுதிமொழி படிக்கப்படுவது குறித்து யாரிடமும் மாணவர்கள் அனுமதி பெறவில்லை என்பதும் தெரிகிறது.

ஒட்டுமொத்த விகடனுக்கும் ஒரே ஷார்ட்கட்!

மருத்துவ மாணவர்கள் புதிய முறையில் உறுதிமொழி ஏற்ற நிகழ்ச்சி வருத்தமளிக்கும் செயலாக இருந்தாலும், அரசின் சார்பில் தெளிவான அறிவுரை முன்கூட்டியே வழங்காததுதான் இந்த நிகழ்வுக்கு ஒரு முக்கியக் காரணம். தமிழக முதலமைச்சர் உடனடியாக இந்த விவகாரத்தில் தலையிட்டு தீர்வுகாண வேண்டும். தவறிழைக்காத மருத்துவக் கல்லூரி முதல்வரை தண்டிப்பது நியாயமற்ற செயல். மீண்டும் அவரை மருத்துவக் கல்லூரி முதல்வராகப் பணியமர்த்த வேண்டும். மேலும் இனி வரும் காலங்களில் முன்கூட்டியே உரிய அறிவுரைகளை அரசு சார்பில் வழங்க நடவடிக்கை எடுக்க வேண்டும் என அதிமுக சார்பில் கேட்டுக்கொள்ளப்படுகிறது'' என குறிப்பிட்டுள்ளார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism