Published:Updated:

கருணாநிதிக்கு ஒரு பேராசிரியர்... ஸ்டாலினுக்கும் ஒரு`பேராசிரியர்' - பொன்முடியின் அரசியல் பயணம்...

பொன்முடி
பொன்முடி

பெயரைவிட நீளமான இந்தப் பட்டங்களைப் போட்டுத்தான் ஆரம்பகாலத்தில் தன்னை அறிமுகப்படுத்திக்கொள்வார் பொன்முடி என்கிறார்கள் விழுப்புரம் உடன்பிறப்புகள்.

1989-ம் ஆண்டு அமைந்த முன்னாள் முதல்வர் கருணாநிதி தலைமையிலான அமைச்சரவையில் தொடங்கி, 1996, 2006-ம் ஆண்டுகளில் அமைந்த திமுக ஆட்சியிலும், தற்போதைய முதல்வர் மு.க.ஸ்டாலின் தலைமையிலான திமுக அமைச்சரவையிலும் மெத்தப் படித்த மேதாவி அமைச்சர் எனச் சொல்லும் வகையில்,எம்.ஏ., (வரலாறு), எம்.ஏ., (பொது நிர்வாகம்), எம்.ஏ., (சமூக அறிவியல்),பி.எட்., பி.ஜி.எல்., பிஹெச்.டி என முனைவர் பட்டம் வரை, பல பட்ட மேற்படிப்புகளுக்குச் சொந்தக்காரர் பொன்முடி (எ) தெய்வசிகாமணி. பெயரைவிட நீளமான இந்தப் பட்டங்களைப் போட்டுத்தான் ஆரம்பகாலத்தில் தன்னைஅறிமுகப்படுத்திக்கொள்வார் பொன்முடி என்கிறார்கள் விழுப்புரம் உடன்பிறப்புகள். விழுப்புரம் மாவட்டம், டி.எடையார் கிராமத்தில் 1950-ம் ஆண்டு, ஆகஸ்ட்மாதம் 19-ம் தேதி பிறந்தவர் பொன்முடி. பொன்முடியுடன் பிறந்த சகோதர, சகோதரிகள் எட்டுப் பேர். அப்பா கந்தசாமி, சித்தலிங்கம் மடம் தொடக்கப் பள்ளியில் தலைமை ஆசிரியராகப் பணியாற்றிவர். தாய் மரகதமும் ஆசிரியையாகப்  பணியாற்றியவர்தான். பொன்முடிக்கு இரண்டு மகன்கள். மூத்தவர், பொன் கௌதமசிகாமணி. அடுத்தவர், பொன் அசோக் சிகாமணி. இருவருமே டாக்டர்கள்.17 ஆண்டுக்காலம் கல்லூரிப் பேராசிரியர் பணியில் இருந்தவர் பொன்முடி. விழுப்புரம் கலைக் கல்லூரியில் பணியில் இருந்தபோது திராவிடர் கழக மேடைகளில் பேச்சாளராக அறிமுகமானவர். அரசியல் ஆர்வம் காரணமாக, தனது பணியை ராஜினாமா செய்துவிட்டு, தி.மு.க-வில் சேர்ந்தார். முதன்முதலாக 1989-ம்ஆண்டு நடைபெற்ற சட்டமன்றத் தேர்தலில் விழுப்புரம் தொகுதியில்போட்டியிட்டு வெற்றிபெற்ற பொன்முடி, சுகாதாரத்துறை அமைச்சராக நியமிக்கப்பட்டார். 1991 தேர்தலில் விழுப்புரம் தொகுதியில் போட்டியிட்டு, தோல்வியடைந்தார்.

பொன்முடி
பொன்முடி

1996-ல் அதே விழுப்புரத்தில் வெற்றிபெற்று தி.மு.க ஆட்சியில் போக்குவரத்துறைஅமைச்சர் ஆனார். பின்னர் 2001, 2006 தேர்தல்களிலும் விழுப்புரம் தொகுதியில் வெற்றி பெற்றார். 2006-2011 தி.மு.க ஆட்சியின்போது,உயர்கல்வித்துறை அமைச்சராகப் பொறுப்புவகித்தார். 2011 தேர்தலில்அ.தி.மு.க வேட்பாளர் சி.வி.சண்முகத்திடம் தோல்வியடைந்தார். அதன் பிறகு 2016 சட்டமன்றத் தேர்தலில் திருக்கோவிலூர் தொகுதிக்கு மாறி, வெற்றிபெற்றார்.விழுப்புரம் மாவட்ட திமுக செயலாளராகவும், மாநில திமுக துணைப் பொதுச்செயலாளராகவும் பதவி வகித்துவரும் பொன்முடி, இந்தச் சட்டசபைத் தேர்தலில் மீண்டும் திருக்கோவிலூர் தொகுதியில் போட்டியிட்டு வெற்றிபெற்று, அமைச்சராகியிருக்கிறார். ஒன்றுபட்ட தென் ஆற்காடு மாவட்ட திமுக-வில் செல்வாக்கு படைத்த தலைவராக வலம் வந்த செஞ்சி ராமச்சந்திரன், வைகோ திமுக-விலிருந்து விலகியபோது அவருடன் சென்றதால், விழுப்புரம் மாவட்ட திமுக-வில் பொன்முடி கிடு கிடு வளர்ச்சியை எட்டிப்பிடிக்க முடிந்தது. கருணாநிதி கட்சித் தலைவராக இருந்தபோது காட்டிய அதே நெருக்கம்தான் தற்போது மு.க.ஸ்டாலினுடனும் இவருக்கு உள்ளது. 'கலைஞருக்கு ஒரு பேராசிரியர் அன்பழகன். தளபதிக்கு ஒரு பேராசிரியர் பொன்முடி' என்று விழுப்புரம் உடன்பிறப்புகள் புகழும் அளவுக்கான அந்த நெருக்கம்தான், அவரை மாநில திமுக துணைப் பொதுச்செயலாளராகவும், அமைச்சராகவும் உயரம் தொடவைத்தது. அதே சமயம், மு.க.அழகிரி திமுக-வில் கோலோச்சிய 2006-2011 தி.மு.க ஆட்சிக்காலத்தில் அவருடனும் நெருக்கம் காட்டினார் பொன்முடி. தற்போது முதன்முறை அமைந்திருக்கும் ஸ்டாலின் தலைமையிலான அமைச்சரவையில் மீண்டும்  உயர்கல்வித்துறை அமைச்சராகப் பதவியேற்றுள்ளார்.

அடுத்த கட்டுரைக்கு