Published:Updated:

ம.பி: `திருமணத் திட்டத்தில் பயன்பெற கர்ப்பப் பரிசோதனை நடத்துவதா?' - பாஜக அரசைச் சாடும் காங்கிரஸ்

திருமணம்

அரசின் திருமணத் திட்டத்தின்கீழ் பலன்பெற மணப்பெண்களுக்குக் கர்ப்பப் பரிசோதனைகள் நடத்தப்பட்டது, பெரும் சர்ச்சையாகியிருக்கிறது.

Published:Updated:

ம.பி: `திருமணத் திட்டத்தில் பயன்பெற கர்ப்பப் பரிசோதனை நடத்துவதா?' - பாஜக அரசைச் சாடும் காங்கிரஸ்

அரசின் திருமணத் திட்டத்தின்கீழ் பலன்பெற மணப்பெண்களுக்குக் கர்ப்பப் பரிசோதனைகள் நடத்தப்பட்டது, பெரும் சர்ச்சையாகியிருக்கிறது.

திருமணம்

மத்தியப் பிரதேசத்தில் சிவராஜ் சிங் சௌஹான் தலைமையிலான பா.ஜ.க ஆட்சி நடைபெற்றுவருகிறது. மாநிலத்தில் `முக்கியமந்திரி கன்யாதான் யோஜனா' திட்டத்தின்கீழ் பொருளாதாரரீதியாகப் பின்தங்கிய பெண்களுக்குத் திருமண உதவி திட்டத்தைப் பா.ஜ.க அரசு செயல்படுத்திவருகிறது. அதன்படி, மாநில அரசு திருமணத்துக்கு ஒரு ஜோடிக்கு 55,000 ரூபாய் மானியமாக வழங்குகிறது. ரூ.55,000 மானியத்தில், ரூ.49,000 மணப்பெண்ணுக்கு வழங்கப்படுகிறது. அதே நேரத்தில் ரூ.6,000 திருமண விழாவை ஏற்பாடு செய்யச் செலவிடப்படுகிறது. இந்த நிலையில், கடந்த 22-ம் தேதி திண்டோரி மாவட்டம், கடசராய் நகரில் 219 ஜோடிகளுக்கு மாவட்ட நிர்வாகம் திருமணம் செய்துவைத்தது. ஆனால், இந்தத் திருமண விழாவில் மணப்பெண்கள் சிலரின் பெயர்கள் பட்டியலில் இடம்பெறவில்லை.

சிவ்ராஜ் சிங் செளஹான்
சிவ்ராஜ் சிங் செளஹான்

அந்தப் பெண்களிடம் கர்ப்பப் பரிசோதனை மேற்கொண்டதில், அவர்கள் கருவுற்றிருந்ததாகக் கூறப்படுகிறது. அதன் காரணமாக, அவர்களின் பெயர்கள் அந்தப் பட்டியலிலிருந்து நீக்கப்பட்டிருக்கலாம் என அரசு அதிகாரிகள் தரப்பில் விளக்கமளிக்கப்பட்டது. அரசின் இந்த விளக்கத்துக்குக் கடுமையான விமர்சனங்கள் வந்துகொண்டிருக்கின்றன. திருமணத் திட்டத்திலிருந்து பெயர் நீக்கம் செய்யப்பட்ட  பச்சர்கானைச் சேர்ந்த பெண் ஒருவர், ``இந்தத் திட்டத்தில் பயன்பெறத் திருமணப் படிவத்தைப்  பூர்த்திசெய்த பிறகு, சுகாதார மையத்தில் மருத்துவப் பரிசோதனை செய்யப்பட்டது. ஆனால், இந்த மருத்துவச் சோதனை எதற்கானது என என்னிடம் எதுவும் கூறப்படவில்லை" என்று குற்றம்சாட்டினார்.

அரசின் இத்தகைய செயலுக்கு காங்கிரஸ் எம்.எல்.ஏ-வும், முன்னாள் கேபினட் அமைச்சருமான ஓம்கார் மார்க்கம், ``இது போன்ற கர்ப்பப் பரிசோதனைகள் பெண்களை அவமதிக்கும் செயல். `முக்கியமந்திரி கன்யாதான் யோஜனா’ திட்டத்தின் கீழ் கர்ப்பப் பரிசோதனைகளை நடத்துவதற்கு அரசு ஏதேனும் விதிகளை உருவாக்கினால், அதை பகிரங்கமாக அறிவித்திருக்க வேண்டும். மேலும், பெண்களிடம் இத்தகைய சோதனைகளை நடத்த யாருக்கும் உரிமையில்லை" என அரசைச் சாடியிருக்கிறார்.

திருமணம்
திருமணம்

இதற்கு பதிலளித்த திண்டோரி மாவட்ட பா.ஜ.க தலைவர், ``இந்த விவகாரத்தில் ஓம்கார் மார்க்கம் அரசியல் செய்கிறார். கடந்தகாலங்களில் அரசின் திருமண விழாக்களில் கலந்துகொண்ட சில பெண்கள் கர்ப்பமாக இருப்பது கண்டறியப்பட்டது. அதனால்தான் இந்தச் சோதனை நடத்தப்பட்டது. எனவே, இது ஒரு நியாயமான நடைமுறைதான்" என்று அவர் கூறினார்.