Published:Updated:

''பிரதமர் வேட்பாளர்: மு.க.ஸ்டாலின்தான் பதிலளிக்க வேண்டும்'' - சொல்கிறார் டி.கே.எஸ்.இளங்கோவன்

டி.கே.எஸ்.இளங்கோவன்

``மு.க.ஸ்டாலின் பிரதமரானால் நாடு செழிக்கும் என்று மக்கள் நினைக்கிறார்கள். ஆனால், மு.க.ஸ்டாலின் இது குறித்து என்ன நினைக்கிறார் என்று எனக்குத் தெரியவில்லை'' என்கிறார் தி.மு.க செய்தி தொடர்பு செயலாளர் டி.கே.எஸ்.இளங்கோவன்.

''பிரதமர் வேட்பாளர்: மு.க.ஸ்டாலின்தான் பதிலளிக்க வேண்டும்'' - சொல்கிறார் டி.கே.எஸ்.இளங்கோவன்

``மு.க.ஸ்டாலின் பிரதமரானால் நாடு செழிக்கும் என்று மக்கள் நினைக்கிறார்கள். ஆனால், மு.க.ஸ்டாலின் இது குறித்து என்ன நினைக்கிறார் என்று எனக்குத் தெரியவில்லை'' என்கிறார் தி.மு.க செய்தி தொடர்பு செயலாளர் டி.கே.எஸ்.இளங்கோவன்.

Published:Updated:
டி.கே.எஸ்.இளங்கோவன்

2019 நாடாளுமன்றத் தேர்தலில் ஆரம்பித்து நகர்ப்புற உள்ளாட்சித் தேர்தல் வரையிலாக தொடர் வெற்றியைப் பெற்று, 'வலிமை'யை நிரூபித்துவருகிறது தி.மு.க கூட்டணி!

இந்தச் சூழலில், ''மு.க.ஸ்டாலினைப் போன்றவர்கள், பிரதமராக இருந்தால் நாடு செழிக்கும் என டெல்லியிலுள்ள அகில இந்திய தலைவர்கள் அனைவரும் எண்ணத் தொடங்கிவிட்டனர்'' என அச்சாரம் போட்டிருக்கிறார் தி.மு.க-வின் செய்தித் தொடர்பு செயலாளரும், மாநிலங்களவை உறுப்பினருமான டி.கே.எஸ்.இளங்கோவன்.

அவரிடம் பேசினேன்...

மோடி
மோடி

''அகில இந்திய அரசியலில், பா.ஜ.க-வுக்கு எதிரான கூட்டணியைக் கட்டமைக்கிற முயற்சியில் தி.மு.க ஈடுபடுமா?''

''பா.ஜ.க பேசிவருகிற இந்துத்துவா என்பது, சமூகநீதிக்கு எதிரானது. அதனால்தான் இட ஒதுக்கீட்டுக்கு எதிராக மத்திய பா.ஜ.க அரசு தொடர்ந்து இயங்கிவருகிறது. இந்த நிலையில், 'பா.ஜ.க அரசு தொடர்வது, நாட்டின் சமூகநீதிக்குப் பெரும் ஆபத்து' என்றே நாங்கள் நம்புகிறோம். ஆகவேதான் நாடு தழுவிய அளவில் சமூகநீதிக் கூட்டமைப்பை வலுப்படுத்தும் முயற்சியிலும் இறங்கியுள்ளோம். இதுவே, பா.ஜ.க-வை வீழ்த்துவதற்காக எதிர்க்கட்சிகளை ஒன்றிணைக்கும் பணிதான்.''

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

''மம்தா பானர்ஜி, சந்திரசேகர் ராவ் ஆகியோர் காங்கிரஸ் கட்சி தவிர்த்த கூட்டணிக்கு முயன்றுவரும் வேளையில், தேசிய அளவிலான தி.மு.க கூட்டணியில் காங்கிரஸ் கட்சியின் இடம் எத்தகையதாக இருக்கும்?''

''காங்கிரஸ் கட்சியை நாங்கள் எதிர்க்கவில்லையே... எனவே அந்தக் கூட்டணியில் காங்கிரஸ் கட்சி கட்டாயம் இருக்கும். ஏனெனில், தேசிய அளவில் இருப்புகொண்ட மிகப்பெரிய கட்சியாக காங்கிரஸ் உள்ளது. இந்த நிலையில், காங்கிரஸ் கட்சியைத் தவிர்த்ததொரு கூட்டணியை உருவாக்கினால், அது மூன்றாவது அணியாகிவிடும். இது பா.ஜ.க-வுக்கு எதிரான அணியை பிளவுப்படுத்தத்தான் உதவும்.''

ராகுல் காந்தி
ராகுல் காந்தி

''அப்படியென்றால், தேசிய அளவில் மிகப்பெரிய கட்சியான காங்கிரஸ் கட்சியைச் சேர்ந்தவர்தானே பிரதமர் வேட்பாளராகவும் இருக்க முடியும்?''

''தமிழக முதல்வர் மு.க.ஸ்டாலின் மக்களோடு நிற்கிறார்; ஆனால், பிரதமர் மோடி மக்களிடமிருந்து விலகி நிற்கிறார். ஆக, இந்த ஒப்பீட்டு அடிப்படையிலேயே, 'மு.க.ஸ்டாலின் பிரதமரானால், நாடு செழிக்கும்' என்று மக்கள் நினைக்கிறார்கள். ஆனால், மு.க.ஸ்டாலின் இது குறித்து என்ன நினைக்கிறார் என்று எனக்குத் தெரியவில்லை.

கடந்தகாலத்தில், பிரதமர் பதவி வாய்ப்பு குறித்து கருணாநிதியிடம் கேள்வி கேட்டபோது, 'எனது உயரம் எனக்குத் தெரியும்' என்று பதிலளித்தார். இதுபோல், பிரதமர் பதவி குறித்த கேள்விக்கு நமது முதல்வர்தான் பதிலளிக்க வேண்டும். மேலும் இது குறித்து கூட்டணிக் கட்சிகளும் கூடிப் பேசித்தான் முடிவெடுக்க முடியும். மற்றபடி 'மு.க.ஸ்டாலின்தான் பிரதமர் வேட்பாளர்' என்ற பேச்செல்லாம் இப்போது எழவில்லை.''

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

''கோவையில், பணப் பட்டுவாடா நடைபெற்றிருப்பதால்தானே, 'கோவை மாநகராட்சித் தேர்தல் முடிவுகள் நீதிமன்றத்தின் இறுதித் தீர்ப்புக்கு உட்பட்டது' என சென்னை உயர் நீதிமன்றமே உத்தரவிட்டிருக்கிறது?''

''பணப் பட்டுவாடா நடைபெற்றிருக்கிறது என்ற பொதுவான குற்றச்சாட்டின் பேரில்தான் வழக்கு தொடுக்கப்பட்டுள்ளது. எனவே, 'பணப் பட்டுவாடா செய்தது யார்' என்பதையெல்லாம் முன்கூட்டியே நாம் சொல்லிவிட முடியாது. நீதிமன்றத்துக்கும் இது தெரிந்தேயிருக்கிறது. எனவே 'தப்பு செய்தவர்கள் யார்' என்பதையும் நீதிமன்றமே சொல்லட்டும்.''

சென்னை உயர் நீதிமன்றம்
சென்னை உயர் நீதிமன்றம்

''கோவை மாநகராட்சியில் வெற்றிபெற்ற உறுப்பினர்களின் சான்றிதழில்கூட, 'தேர்தல் முடிவுகள் நீதிமன்றத்தின் இறுதித் தீர்ப்புக்கு உட்பட்டது' என்ற வாசகம் அச்சடிக்கப்பட்டுள்ளதே?''

''ஆமாம்... பணப் பட்டுவாடா நடைபெற்றிருப்பதாக நீதிமன்ற வழக்கு இருப்பதால், 'வெற்றிச் சான்றிதழை இறுதிப்பட்டியலாக வைத்துக்கொள்ள வேண்டாம்' என்ற முன்னெச்சரிக்கையோடு தேர்தல் ஆணையம் இந்த வாசகத்தைப் பிரின்ட் செய்து கொடுத்திருக்கிறது. ஆனால், தேர்தலில் வெற்றிபெற்றவர்கள் என்ற அறிவிப்பையும் தேர்தல் ஆணையம்தானே அறிவித்திருக்கிறது!''

''நடந்து முடிந்த நகர்ப்புற உள்ளாட்சித் தேர்தலில், ‘தமிழகத்தில் மூன்றாவது பெரிய கட்சி என்கிற இடத்தை பா.ஜ.க பெற்றுவிட்டது' என அண்ணாமலை சொல்கிறாரே?''

(சிரிக்கிறார்). ''பல இடங்களிலும் பா.ஜ.க டெபாசிட் இழந்திருக்கிறது. பின் எப்படி மூன்றாவது பெரிய கட்சி என்று சொல்கிறார்கள்? பா.ஜ.க-வின் கோட்டை என்று அவர்களே சொல்லிவந்த கன்னியாகுமரி மாவட்டத்தில்கூட இப்போது சொல்லிக்கொள்ளும்படியாக வெற்றி கிடைக்கவில்லை. தனிப்பட்ட வகையில் உள்ளூர் மக்களின் அபிமானம் பெற்றவர்கள் யாரேனும் பா.ஜ.க சார்பில் நின்று வெற்றிபெற்றிருப்பார்களே தவிர, சொல்லிக்கொள்கிற அளவுக்கு அவர்கள் எங்கேயும் வெற்றிபெறவில்லை.

ஒருவேளை, 'தி.மு.க 100 மார்க் வாங்கிவிட்டது. அ.தி.மு.க 50 மார்க், பா.ஜ.க 5 மார்க் வாங்கியிருக்கிறது. எனவே, மூன்றாவது பெரிய கட்சி பா.ஜ.க-தான்' என்று சொல்லிக்கொள்கிறாரோ என்னவோ!''

அண்ணாமலை
அண்ணாமலை

'' 'அ.தி.மு.க-வும் பா.ஜ.க-வும் இணைந்து நின்றால், கொங்கு மண்டலத்தில் தி.மு.க வெற்றிபெற முடியாது' என்றும் அண்ணாமலை சொல்கிறாரே?''

''அது அவரது கற்பனை. அ.தி.மு.க-வும் பா.ஜ.க-வும் சேர்ந்து வாங்கியிருக்கும் ஓட்டுகளைவிடவும் அதிக எண்ணிக்கையில் தி.மு.க ஓட்டுகளைப் பெற்றிருக்கிறது.''

''பா.ஜ.க-வுக்கு கிடைத்திருக்கும் கணிசமான வாக்குகள் தி.மு.க-வை எரிச்சல்படுத்தியுள்ளது என்கிறார்களே..?''

''மத்திய அரசின் மக்கள் விரோத நடவடிக்கைகளால் தொழில் வீழ்ச்சி, வாழ்வாதாரம் பாதிப்பு, விலைவாசி உயர்வு, வேலையிழப்பு, வேலைவாய்ப்பின்மை என மக்கள் பல்வேறு பாதிப்புகளுக்கும் உள்ளாகியிருக்கிறார்கள். இந்த நிலையில், தமிழ்நாட்டில் பா.ஜ.க-வுக்கு மூன்றாவது இடம், கணிசமான வாக்குகள் என்றெல்லாம் எந்த அடிப்படையில் சொல்கிறார்கள் என்றே தெரியவில்லை.''

முதலமைச்சர் மு.க.ஸ்டாலின்
முதலமைச்சர் மு.க.ஸ்டாலின்

''முதல்வரேகூட, 'சில இடங்களில் கட்சியை மனதில்வைத்து ஓட்டுப் போடுவார்கள். சில இடங்களில் வேட்பாளரை மனதில்வைத்து வாக்களிப்பார்கள்' என்றுதானே பா.ஜ.க வெற்றியைப் பற்றிச் சொல்கிறார்?''

''அதைத்தான் நானும் சொல்கிறேன். உள்ளாட்சித் தேர்தல் என்பது உள்ளூர் மக்களுடன் சம்பந்தப்பட்ட விஷயம். எனவே, உள்ளூர் நட்பின் அடிப்படையில்கூட வாக்குகள் கிடைக்கலாம். அதை கட்சிக்கான அங்கீகாரமாக எடுத்துக்கொள்ள முடியாது.''

''உள்ளாட்சித் தேர்தல் வெற்றி என்பது உள்ளூர் மக்கள் சார்ந்தது என்ற உங்கள் கருத்து, தி.மு.க-வுக்கும் பொருந்தும்தானே?''

''ஆமாம்... தி.மு.க-வுக்கும் பொருந்தக்கூடியதுதான். அதேசமயம், தனிமனித தொடர்புகளையும் தாண்டி இவ்வளவு பெரிய வெற்றியை தி.மு.க-வுக்கு மக்கள் கொடுக்கிறார்கள் என்றால், விஷயம் இருக்க வேண்டும் இல்லையா? அதைத்தான் 'தி.மு.க தலைமையிலான ஆட்சிக்கு மக்கள் கொடுத்த அங்கீகாரம்' என்று நான் சொல்கிறேன்.''

''உள்ளாட்சித் தேர்தலுக்கான தொகுதி மறுவரையைச் சரிசெய்வதற்கான வாய்ப்பையே உச்ச நீதிமன்றம் எங்களுக்குக் கொடுக்கவில்லை. மாறாக, 'பத்து மாதங்களுக்குள்ளாக உள்ளாட்சித் தேர்தலை நடத்தியாக வேண்டும்' என்ற உத்தரவைத்தான் உச்ச நீதிமன்றம் கொடுத்திருந்தது. எனவே தேர்தலை நடத்தியாகவேண்டிய கட்டாயம் இருந்தது. இந்தச் சூழ்நிலையில், மறைமுகத் தேர்தலை மாற்றியமைப்பது உள்ளிட்ட விஷயங்களில் கவனம் செலுத்த நேரிட்டால், நீதிமன்றம் பிறப்பித்த காலகட்டத்துக்குள் தேர்தலை நடத்தி முடிக்க முடியாது. எனவே, பழைய நடைமுறையையே தொடரவேண்டியதாயிற்று.''

திருமாவளவன்
திருமாவளவன்

''அப்படியெல்லாம் இல்லை. கடந்தகாலத்தில், திருவொற்றியூர் நகராட்சியில் மார்க்சிஸ்ட் கம்யூனிஸ்ட் கட்சியைச் சேர்ந்த ஒரேயொரு உறுப்பினர்தான் இருந்தார். ஆனாலும்கூட கூட்டணி தர்மத்துக்காக அவரையே நகராட்சித் தலைவராக தி.மு.க தேர்ந்தெடுத்தது. கோவில்பட்டியிலும்கூட இதே போன்று நடைபெற்றுள்ளது. கோவையில் காங்கிரஸ் கட்சிக்குக் குறைவான உறுப்பினர்களே இருந்தபோதும் காங்கிரஸிலிருந்தே மேயரைத் தேர்ந்தெடுத்திருக்கிறோம்.

எனவே, தலைவர், துணைத் தலைவர்களைத் தேர்ந்தெடுப்பதற்காக கூட்டணிக் கட்சிகளிடையே அடுத்தகட்ட பேச்சுவார்த்தை நடைபெறும்போதுதான் இது குறித்தெல்லாம் முடிவெடுக்கப்படும்.''

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism