Published:Updated:

ஆயிரம், இரண்டாயிரம் அல்ல... 21 லட்சம் அக்கவுன்ட் - உ.பி-யில் விவசாயிகள் நிதியில் மோசடியா?!

கிசான் சம்மான் திட்டம் தொடக்கவிழா

``தகுதியில்லாத 21 லட்சம் விவசாயிகளுக்கு பிரதான் மந்திரி கிசான் சம்மன் நிதி மூலம் வழங்கிய தொகை மீண்டும் வசூலிக்கப்படும்.” - அமைச்சர் சூர்ய பிரதாப் ஷாஹி.

ஆயிரம், இரண்டாயிரம் அல்ல... 21 லட்சம் அக்கவுன்ட் - உ.பி-யில் விவசாயிகள் நிதியில் மோசடியா?!

``தகுதியில்லாத 21 லட்சம் விவசாயிகளுக்கு பிரதான் மந்திரி கிசான் சம்மன் நிதி மூலம் வழங்கிய தொகை மீண்டும் வசூலிக்கப்படும்.” - அமைச்சர் சூர்ய பிரதாப் ஷாஹி.

Published:Updated:
கிசான் சம்மான் திட்டம் தொடக்கவிழா

பிரதம மந்திரி கிசான் சம்மான் நிதித் திட்டத்தின் கீழ் இந்தியாவிலுள்ள விவசாயிகளுக்குப் பொருளாதாரரீதியாக உதவும் வகையில், ஆண்டுதோறும் ரூ.6,000 வழங்கப்பட்டுவருகிறது. இந்தத் தொகை, விவசாயிகளின் வங்கிக் கணக்கில் ரூ.2,000 எனப் பிரித்து மூன்று தவணைகளாக ஆண்டுதோறும் வழங்கப்பட்டுவருகிறது. அந்த வகையில் பிரதான் மந்திரி கிசான் சம்மன் நிதித் திட்டத்தின் கீழ், உத்தரப்பிரதேசத்தில் தேர்ந்தெடுக்கப்பட்ட 2.85 கோடி விவசாயிகளில் 21 லட்சம் விவசாயிகள் தகுதியற்றவர்கள் என்று மாநில விவசாய அமைச்சர் சூர்ய பிரதாப் ஷாஹி செப்டம்பர் 7 அன்று தெரிவித்திருப்பது அதிர்ச்சியை ஏற்படுத்தியிருக்கிறது.

அமைச்சர் சூர்ய பிரதாப் ஷாஹி
அமைச்சர் சூர்ய பிரதாப் ஷாஹி
Rosehub.in

``இந்தத் திட்டத்தின் கீழ் இதுவரை தகுதியில்லாத விவசாயிகளுக்கு வழங்கப்பட்ட தொகை அவர்களிடமிருந்து மீண்டும் வசூலிக்கப்படும்’’ என்றும் அமைச்சர் கூறியிருக்கிறார். தகுதியற்றவர்களுக்கான காரணமாகக் கூறப்படுவது, கணவன்-மனைவி இருவரும் இந்தத் திட்டத்தின் பலனைப் பெறுவது மற்றும் வருமான வரி தாக்கல் செய்யும் பலரும் இந்தத் திட்டத்தில் இருப்பது உள்ளிட்டவை.

யோகி ஆதித்யநாத்,  சூர்ய பிரதாப் ஷாஹி
யோகி ஆதித்யநாத், சூர்ய பிரதாப் ஷாஹி
Vinesh C.

உத்திரப்பிரதேச விவசாய அமைச்சர் கூறியிருக்கும் இந்தக் கருத்து நாடு முழுவதும் பெரும் அதிர்வலையை ஏற்படுத்தியிருக்கிறது. காரணம், 2019-ம் ஆண்டு நாடாளுமன்றத் தேர்தலில் பா.ஜ.க தேர்தல் அறிக்கையாக இந்தத் திட்டத்தை அறிவித்துத்தான் மாபெரும் வெற்றிபெற்றது என்பது கவனிக்கத்தக்கது. அதோடு ஒரு கோடி விவசாயிகளுக்கு இந்தத் திட்டத்தை பிரதமர் நரேந்திர மோடி பிப்ரவரி 24, 2019 அன்று, தொடங்கியதும் உத்தரப்பிரதேசத்தின் கோரக்பூரில்தான். சமீபத்தில் நடந்து முடிந்த உத்தரப்பிரதேச சட்டமன்றத் தேர்தலிலும் பா.ஜ.க தலைவர்கள் இந்தத் திட்டத்தை அடிக்கடி குறிப்பிட்டு வாக்கு சேகரித்தனர் என்பதும் நினைவுகூரத்தக்கது. நிலைமை இவ்வாறு இருக்க, பிரதம மந்திரி கிசான் சம்மான் நிதித் திட்டத்தின் கீழ் நடந்துள்ள மோசடி மிகப்பெரிய எண்ணோடு உத்தரப்பிரதேசத்தில் இப்போது வெளியாகியிருக்கும் நிலையில், ஒவ்வொரு மாநிலத்திலும் முறையான, நியாயமான ஆய்வு செய்தால் பல உண்மைகள் வெளியே வருமா என்பதை வரும் காலம் பதில் சொல்லும்.