Published:Updated:

ஒன் பை டூ: திடீரென கிராமசபைக் கூட்டத்துக்கு அனுமதி கொடுத்த காரணம் என்ன?

செந்தில் ஆறுமுகம், பி.டி.அரசகுமார்
பிரீமியம் ஸ்டோரி
செந்தில் ஆறுமுகம், பி.டி.அரசகுமார்

அண்ணாவின் கொள்கையைக் காப்பதற்கு தி.மு.க தயாராக இல்லை!

ஒன் பை டூ: திடீரென கிராமசபைக் கூட்டத்துக்கு அனுமதி கொடுத்த காரணம் என்ன?

அண்ணாவின் கொள்கையைக் காப்பதற்கு தி.மு.க தயாராக இல்லை!

Published:Updated:
செந்தில் ஆறுமுகம், பி.டி.அரசகுமார்
பிரீமியம் ஸ்டோரி
செந்தில் ஆறுமுகம், பி.டி.அரசகுமார்

செந்தில் ஆறுமுகம், மாநிலச் செயலாளர், மக்கள் நீதி மய்யம்

‘‘தற்போது கிராமசபைக் கூட்டம் நடத்த அனுமதி கொடுத்திருப்பதற்கு, உள்ளாட்சித் தேர்தலும் ஒரு காரணம். ஆனால், முக்கியக் காரணம் என்னவெனில் ஒரு வழக்குதான். கடலூர் மாவட்டம், விருத்தாசலம் ஒன்றியத்திலுள்ள ராஜேந்திரப்பட்டினம் பஞ்சாயத்துத் தலைவர் சுரேஷ் என்பவர், ‘கிராமசபையைக் கூட்டுவதற்கு யாருக்கு அதிகாரம் உள்ளது?’ என்பது குறித்து வழக்கு தொடர்ந்திருந்தார். அந்த வழக்கு செப்டம்பர் 20-ம் தேதி விசாரணைக்கு வருகிறது என்றதுமே, நீதிமன்றத்திடம் குட்டு வாங்கக் கூடாது என்பதற்காக அதே தினம், ‘கிராமசபையை காந்தி ஜயந்தி அன்று நடத்த அனுமதியளித்து’ உத்தரவு பிறப்பித்துள்ளது அரசு. சமூகரீதியான அழுத்தம் ஒருபக்கம், ம.நீ.ம போன்ற கட்சி மற்றும் அமைப்பு களின் அழுத்தம் ஒருபக்கம், தொடரப்பட்ட வழக்கு ஒருபக்கம், எல்லாம் சேர்ந்துதான் இந்த அனுமதியைக் கொடுக்கவைத்திருக்கிறது. டெல்லியிலிருந்து அதிகாரங்களெல்லாம் சென்னை கோட்டைக்கு வர வேண்டும்; ஆனால், கோட்டை அதிகாரங்களை கிராமங்களுக்குப் பகிர்ந்தளிக்க மாட்டோம் என்பதுதான் தி.மு.க-வின் போலி சுயாட்சியாக இருக்கிறது. அண்ணாவின் கொள்கையைக் காப்பதற்கு தி.மு.க தயாராக இல்லை!”

ஒன் பை டூ: திடீரென கிராமசபைக் கூட்டத்துக்கு அனுமதி கொடுத்த காரணம் என்ன?
ஒன் பை டூ: திடீரென கிராமசபைக் கூட்டத்துக்கு அனுமதி கொடுத்த காரணம் என்ன?

பி.டி.அரசகுமார், செய்தித் தொடர்பாளர், தி.மு.கஒன் பை டூ

‘‘ ‘கிராமங்களின் வளர்ச்சிதான் தேசத்தின் வளர்ச்சி’ என்று சொன்ன காந்தியின் பிறந்த நாளன்று கிராமசபையை நடத்த அனுமதியளித்துள்ளது அரசு. இந்த கிராமசபை கூடுவதால்தான் ஒன்பது மாவட்ட மக்களும் எங்களுக்கு வாக்களிப்பார்கள் என்று எதைவைத்துச் சொல்கிறார்கள் என்று தெரியவில்லை. அப்படியொரு தேவையும் தி.மு.க-வுக்குக் கிடையாது. மேலும், ஒன்பது மாவட்டங்களிலும் அதிக தொகுதிகளை வென்றிருப்பது தி.மு.க-தான். ஆட்சியமைத்து ஐந்தாவது மாதம் நடக்கிறது, முதல்வரின் பணிகளை வியப்புடன் மக்கள் பார்க்கிறார்கள். அதனால், தாங்களாகவே மக்கள் தி.மு.க-வுக்கு வாக்களிப்பார்கள். முதல்வர் மற்றும் அமைச்சர்களின் செயல்பாடுகள், கூட்டணி பலம் என தி.மு.க வெற்றிபெற பல காரணங்கள் இருக்கின்றன. கொரோனாவைக் கட்டுப்படுத்தியிருக்கிறோம் என்பதும் கிராமசபை கூடுவதற்குக் காரணம். எனவே, கிராமசபைக் கூட்டங்களுக்கும், உள்ளாட்சித் தேர்தலுக்கும், நீதிமன்ற வழக்குக்கும் முடிச்சுப்போடக் கூடாது.’’