Published:Updated:

“அண்ணனுக்கு கோபம்... எழுந்திரிக்க மாட்டார்!”

சட்டசபை கலகல காட்சிகள்

பிரீமியம் ஸ்டோரி

கலகலப்புக்குப் பஞ்சம் இல்லாமல் சென்றுக் கொண்டிருக்கிறது தமிழ்நாடு சட்டமன்ற பட்ஜெட் கூட்டத் தொடர். சிலவற்றைப் பார்ப்போம்.

ரு பொதுக்கூட்டத்தில் முதல்வர் எடப்பாடி பழனிசாமியும் சிலரும் நின்றுக்கொண்டிருக்க, சீட்டில் ஹாயாக அமர்ந்தபடி போஸ் கொடுக்கும் அமைச்சர் சி.வி.சண்முகத்தின் படம் சமீபத்தில் சமூக வலைத்தளங்களில் வைரல் ஆனது. சட்ட மன்றத்திலும் இதே காட்சிகள் அரங்கேற ஆரம்பித்திருக்கின்றன. முதல்வர் அவைக்குள் வரும்போது தி.மு.க எம்.எல்.ஏ-க்கள் எழுந்து நிற்பதில்லை. ஆளுங்கட்சி எம்.எல்.ஏ-க்களும் அமைச்சர்களும் எழுந்து நின்று மரியாதை செலுத்துவது வழக்கம். ஆனால், எடப்பாடி நுழையும்போது சி.வி.சண்முகம் மட்டும் வேறு திசையில் பார்த்தபடியே இருக்கையில் அமர்ந்திருக்கிறார். ‘`எடப்பாடி மீது என்ன கோபமோ சண்முகத்துக்கு’’ என்று கிண்டலாகப் பேசிக்கொள்கிறார்கள் எதிர்க்கட்சியினர்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஜெயலலிதா இருந்தவரை வெள்ளைச் சட்டை, கரை வேட்டி உடுத்தி வந்த சட்டமன்ற உறுப்பினர்கள், இப்போது வண்ண உடைகளில் அவ்வப்போது வருகிறார்கள். தி.நகர் எம்.எல்.ஏ-வான சத்யா தினம் ஒரு வண்ண டி-ஷர்ட்டில் கலக்குகிறார்.

“அண்ணனுக்கு கோபம்... 
எழுந்திரிக்க மாட்டார்!”

ட்டமன்ற வளாகத்துக்கு உள்ளேயே உணவு விடுதி இருக்கிறது. சட்டமன்ற உறுப்பினர்கள், பத்திரிகையாளர்கள், சட்டமன்ற அலுவலர்கள் ஆகியோர் இந்த உணவு விடுதியைப் பயன்படுத்தி வந்தார்கள். இங்குதான் சட்டமன்ற உறுப்பினர் களுடன் பத்திரிகையாளர்கள் சகஜமாகப் பேச முடியும். ஒரு கட்டத்தில் இது அரட்டைக் கச்சேரி ஏரியாவாக மாறிவிட்டது. இந்தக் களேபரத்தில் கடந்த வாரம் தி.மு.க எம்.எல்.ஏ ஒருவரின் சட்டையில் சாம்பார் அபிஷேகம் செய்யப்பட்டது. சபாநாயகர் அலுவலகத்தில் அந்த எம்.எல்.ஏ புகார் செய்ய... கேன்டீனுக்கு வர பத்திரிகையாளர்களுக்குத் தடை போட்டுவிட்டார்கள்.

கோட்டையின் பக்கம் போலி பத்திரிகையாளர்கள் நடமாட்டம் அதிகரித்துவிட்டது. ஒவ்வொரு துறையின் மானியக் கோரிக்கை முடிந்ததும், அமைச்சர் அலுவலகத்தைப் போலி பத்திரிகையாளர்கள் வட்டம்அடிக்கத் தொடங்குகிறார்கள். ‘கவனிப்பு’ இல்லை என்றால் கறாராகச் சண்டை போடுகிறார்களாம். கடந்த வாரம் அமைச்சர் பெஞ்சமின், கே.டி.ராஜேந்திர பாலாஜி, உடுமலை ராதாகிருஷ்ணன் அலுவலகங்களில் ரசாபாசம் அரங்கேறிவிட்டது. விவகாரம் போலீஸ் வரை செல்ல... பாதுகாப்புக்குக் கூடுதல் போலீஸ் காரர்களைப் போட்டிருக்கிறார்கள். அவர்கள் கோட்டைக்குப் புதுசு என்பதால் அனைவரையும் விசாரித்துத்தான் அனுப்புகிறார்கள். அப்படி மடக்கப்பட்டவர்களில் அமைச்சர் வெள்ளமண்டி நடராஜனும் ஒருவர்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு