Published:Updated:

``உங்கள் சாயம் வெளுக்கிறது என்ற பயமா?!" - முரசொலி கட்டுரை குறித்து ஆளுநர் தமிழிசை காட்டம்

தமிழிசை சௌந்தரராஜன்

'ஆளுநர்களே எரிமலையோடு விளையாடாதீர்கள்' என்ற தலைப்பில் முரசொலி வெளியிட்ட கட்டுரைக்கு ஆளுநர் தமிழிசை காட்டமாக பதிலளித்திருக்கிறார்.

``உங்கள் சாயம் வெளுக்கிறது என்ற பயமா?!" - முரசொலி கட்டுரை குறித்து ஆளுநர் தமிழிசை காட்டம்

'ஆளுநர்களே எரிமலையோடு விளையாடாதீர்கள்' என்ற தலைப்பில் முரசொலி வெளியிட்ட கட்டுரைக்கு ஆளுநர் தமிழிசை காட்டமாக பதிலளித்திருக்கிறார்.

Published:Updated:
தமிழிசை சௌந்தரராஜன்

'ஆளுநர்களே எரிமலையோடு விளையாடாதீர்கள்' என்ற தலைப்பில் முரசொலி வெளியிட்ட கட்டுரைக்கு ஆளுநர் தமிழிசை காட்டமாக பதிலளித்திருக்கிறார்.

இது தொடர்பாக தமிழிசை தனது சமூக வலைதளங்களில், ``எரிமலைகள் இமயங்களை ஒன்றும் செய்துவிட முடியாது. சிலந்தி வேடமிட்டு வரும் மூட்டை பூச்சிகளே... உங்கள் சாயம் வெளுக்கிறது என்ற பயமா? எனவேதான் எதைக் கண்டாலும் தினந்தினம் அஞ்சும் தெனாலி திரைப்படக் கதாநாயகன் போல் நிழலுக்கும் அஞ்சி அஞ்சி அடிக்கடி ஆளுநரை பற்றி பக்கம் பக்கமாக கட்டுரை எழுதுகிறீர்கள். சீரியலிலும், சினிமாவிலும் நடித்துவிட்டு பதவியில் அமர்ந்திருப்பவர்களுக்கு கேமரா, மைக் மேனியாவா? இல்லை எங்களுக்கா ?

தமிழிசை
தமிழிசை

உண்மையை உரக்கச் சொல்லும் எங்களுக்கு மைக் மேனியாவும் இல்லை கேமரா மேனியாவும் இல்லை. எங்களுக்கு மைக் மேனியா என்பதைவிட உங்களுக்குத்தான் மோடி போபியா (மோடி பயம் ). எனவே இந்த பயத்தில் குளிர் ஜுரம் வந்து அடிக்கடி என்னைப்பற்றி கட்டுரை வருகிறது. தெலங்கானாவில் என்ன நடக்கிறது என்பதை ஒழுங்காக முழுமையாக தெரிந்து கொண்டு பேசுங்கள். தெலுங்கை பூர்வீகமாகக் கொண்டு வீட்டில் தெலுங்கு பேசி தமிழ் வேஷமிடும் தெலுங்கர்களுக்கு, தெலங்கானாவின் ஆளுநராக இருந்தாலும், தெலங்கானா சட்டமன்றத்தில் திருக்குறளை தமிழில் ஒலிக்கச் செய்த முழுமையான தமிழ் ரத்தம் ஓடும் தமிழச்சி நான் என்பதை ஜீரணித்து கொள்ள முடியவில்லை. யார் என்னை தமிழகத்தில் கருத்து கூற முடியாது என்று சொல்வதற்கு... யார் அந்நியர் நீங்களா? நானா? கடந்த மூன்று ஆண்டுகள் தெலங்கானா உள்ளூர் பத்திரிகைச் செய்திகளை ஆராய்ச்சி செய்து பார்த்தால் யார் நடுங்கிப் போயிருக்கிறார்கள் என்பது தெரியும். அங்கே தெலங்கானா அரசை அலறவிடுவது யார் என்பதும் தெரியும்.

மக்கள் சார்ந்த பிரச்னைகளுக்காக அரசுக்கு எதிராக கண்டனம் தெரிவிப்பதை அங்கே உள்ள முக்கிய பத்திரிகைகளிலும், ஊடகங்களிலும் தலைப்புச் செய்தியாகவும், முக்கிய செய்தியாகவும் அன்று மாலையே தொலைக்காட்சிகளில் விவாத பொருளாகவும் அவ்வப்போது நடந்து வருகின்றன. எனக்கு பதில் சொல்ல ஆட்சியாளர்களும் குடும்ப வாரிசுகளும் அமைச்சர்களும் கங்கனம் கட்டி நிற்பதே அதற்கு சாட்சி. அங்கே மக்களுக்காக ஆட்சியாளர்களை திணறடிக்கும் என்னை கை பிசைந்து நிற்பதாக கனவு காண்கிறீர்கள். ஆளுநருக்குரிய மரியாதையை தர தவறியதில் விளைவுகளைக் கண்டு தான் உங்களுக்கு பரமானந்தம் என்றால் அது மாதிரியான அற்ப சந்தோஷம்தான் உங்களுக்கு கிட்டும்.

நீங்கள் எரிமலைகள் என்று ஒப்புக்கொண்டதற்கு நன்றி... எரிமலைகள் இமயங்களை ஒன்றும் செய்ய முடியாது. குருவி தலையில் பனம் பழமா என்று கேட்டிருக்கிறீர்கள்? இலவச பனங்காய்களை தலையில் சூட்டிக் கொள்ளும் வாரிசு குருவிகள் அல்ல நாங்கள். பனை விதைகளாய் மண்ணில் புதைந்து தானே வளர்ந்து உருக்கேறிய பனை மரங்கள் நாங்கள். முரசொலியின் சலசலப்புக்கு அஞ்ச மாட்டோம். இடி ஒலியே எங்களை ஒண்ணும் செய்ய முடியாதபோது, முரசொலி எங்களை என்ன செய்துவிட முடியும். வதந்திகளை பரப்பும் சிலந்திகள் நசுக்கப்படலாம். உண்மையாக உழைக்கும் சிங்கங்களை ஒன்றும் செய்துவிட முடியாது. சிலந்திகள் சிங்கங்களை என்ன செய்துவிட முடியும்?" எனப் பதிவிட்டிருக்கிறார்.