Published:Updated:

ஆப்கானிஸ்தான்: தாலிபன்கள் ஆட்சியில் சாலையில் சமோசா விற்கும் முன்னாள் செய்தி நெறியாளர்!

ஆப்கானிஸ்தானில் சமோசா விற்கும் நெறியாளர் ( ட்விட்டர் )

ஆப்கானிஸ்தானில் ஒரு தொலைக்காட்சியில் நெறியாளராகப் பணிபுரிந்தவர் தற்போது சாலையில் சமோசா விற்கும் நிலைக்குத் தள்ளப்பட்டிருக்கும் சம்பவம் அதிர்ச்சியை ஏற்படுத்தியிருக்கிறது.

ஆப்கானிஸ்தான்: தாலிபன்கள் ஆட்சியில் சாலையில் சமோசா விற்கும் முன்னாள் செய்தி நெறியாளர்!

ஆப்கானிஸ்தானில் ஒரு தொலைக்காட்சியில் நெறியாளராகப் பணிபுரிந்தவர் தற்போது சாலையில் சமோசா விற்கும் நிலைக்குத் தள்ளப்பட்டிருக்கும் சம்பவம் அதிர்ச்சியை ஏற்படுத்தியிருக்கிறது.

Published:Updated:
ஆப்கானிஸ்தானில் சமோசா விற்கும் நெறியாளர் ( ட்விட்டர் )

ஆப்கானிஸ்தானில் தாலிபன்கள் ஆட்சியைப் பிடித்த பிறகு பல்வேறு கட்டுப்பாடுகளை விதித்துவருகின்றனர். அதிலும், குறிப்பாக பெண்களுக்கு அதிகப்படியான கட்டுப்பாடுகளை விதித்திருக்கின்றனர். பெண்கள் டி.வி விளம்பர நிகழ்ச்சிகளில் கலந்துகொள்ளக் கூடாது, பெண் பத்திரிகையாளர்கள் டி.வி நிகழ்ச்சிகளில் பங்கேற்கும்போதும் பர்தா அணிந்துகொண்டுதான் கலந்துகொள்ள வேண்டும் என வலியுறுத்திவருகின்றனர். ஆப்கானிஸ்தானில் தாலிபன்கள் ஆட்சியைக் கைப்பற்றியதிலிருந்தே அங்கு பொருளாதார நெருக்கடி சூழல் நீடித்துவருகிறது. அது இன்னும் தீர்ந்தபாடில்லை.

இது தொடர்பாக கபீர் ஹக்மால் என்பவர் தனது ட்விட்டர் பக்கத்தில் ஒரு செய்தியைப் பகிர்ந்திருக்கிறார். அந்தப் பதிவில், ``மூசா முகமது என்பவர் ஆப்கானிஸ்தானில் பல்வேறு தொலைக்காட்சி சேனல்களிலும் செய்தியாளராக, நெறியாளராகப் பணியாற்றியவர். அவருக்குத் தற்போது சரியான வருமானம் இல்லை. குடும்பத்தைக் காப்பாற்றும் பொறுப்பின் காரணமாக அவர், தெருக்களில் ஏதேனும் உணவுப் பண்டங்களை விற்று பிழைப்பு நடத்துகிறார். குடியரசு ஆட்சி வீழ்ந்த பிறகு ஆப்கன் மக்கள் வறுமையில் சிக்கியுள்ளனர்'' என்று பதிவிட்டுள்ளார்.

மூசா முகமதுவின் புகைப்படங்கள் தற்போது இணையத்தில் வெளியாகி அதிர்ச்சியை ஏற்படுத்திவருகின்றன.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism