Published:Updated:

``பெட்ரோல், டீசல் விலையை உயர்த்துவது மத்திய அரசு, குறைப்பது மாநில அரசா?’ - மா.சுப்பிரமணியன் கேள்வி

மா.சுப்பிரமணியன்

``பெட்ரோல், டீசல் விலையை உயர்த்துவது அவர்கள், குறைப்பது நாங்களா என, அனைத்து மாநிலங்களும் விமர்சனம் செய்துவருகின்றன. இதையும் அண்ணாமலை படித்துத் தெரிந்துகொள்ள வேண்டும்” என அமைச்சர் மா.சுப்பிரமணியன் தெரிவித்துள்ளார்.

``பெட்ரோல், டீசல் விலையை உயர்த்துவது மத்திய அரசு, குறைப்பது மாநில அரசா?’ - மா.சுப்பிரமணியன் கேள்வி

``பெட்ரோல், டீசல் விலையை உயர்த்துவது அவர்கள், குறைப்பது நாங்களா என, அனைத்து மாநிலங்களும் விமர்சனம் செய்துவருகின்றன. இதையும் அண்ணாமலை படித்துத் தெரிந்துகொள்ள வேண்டும்” என அமைச்சர் மா.சுப்பிரமணியன் தெரிவித்துள்ளார்.

Published:Updated:
மா.சுப்பிரமணியன்

தூத்துக்குடி, கன்னியாகுமரி மாவட்டத்தில் பல்வேறு நிகழ்ச்சிகளில் கலந்துகொள்வதற்காக தமிழ்நாடு மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன், சென்னையிலிருந்து விமானம் மூலம் இன்று காலை தூத்துக்குடி விமான நிலையம் வந்தார். பின்னர் செய்தியாளர்களைச் சந்தித்த அவர், “ஒமைக்ரான், கடந்த ஆண்டு இறுதியில்தான் தென்னாப்பிரிக்காவில் முதலில் கண்டுபிடிக்கப்பட்டது. தமிழகத்தில் சில நாள்களுக்கு முன்பு செங்கல்பட்டு மாவட்டம், நாவலூர் அருகே ஒருவருக்குத் தொற்று கண்டறியப்பட்டுள்ளது. இதையடுத்து அவரின் குடும்பத்தினர் தனிமைப்படுத்தப்பட்டு, சோதனைக்கு உள்ளாக்கப்பட்டுள்ளனர்.

மா.சுப்பிரமணியன்
மா.சுப்பிரமணியன்

தமிழகத்தில் முதல்வரால் தொடங்கப்பட்ட மரபணு பகுப்பாய்வு ஆய்வுக்கூடத்தில் ஆய்வு செய்யப்பட்டுவருகிறது. ஒமைக்ரான், மோசமான பாதிப்பை ஏற்படுத்தாது என மருத்துவ ஆய்வாளர்கள் சொன்னாலும்கூட, அதைப் பரவாமல் கட்டுப்படுத்த துரித நடவடிக்கைகள் மேற்கொள்ளப்பட்டுவருகின்றன. ஒமைக்ரான் பாதிப்பு குறித்து மக்கள் அச்சப்படத் தேவையில்லை. கொரோனா வைரஸ் பரவலும் பெரிய அளவில் இல்லை. இத்தொற்று தமிழகத்தில் 50-க்கும் கீழ்தான் உள்ளது. தமிழகத்தில் கடந்த இரண்டரை மாதங்களில் கொரோனா உயிரிழப்புகள் எதுவுமில்லை.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

நிதிநிலை அறிக்கையில் கூறியவாறு 4,000-க்கும் மேற்பட்ட காலிப் பணியிடங்கள் நிரப்ப நடவடிக்கை எடுக்கப்பட்டுவருகிறது. செவிலியர்கள் 4,448 பேரும், சுகாதாரப் பணியாளர்கள் 2,448 பேரும், என மொத்தம் 7,296 பேர் நியமிக்கப்பட்டுள்ளனர். ஏற்கெனவே வழங்கப்பட்டுவந்த ஊதியத்தைவிட செவிலியர்களுக்குக் கூடுதலாக 4,000 ரூபாயும், சுகாதாரப் பணியாளர்களுக்குக் கூடுதலாக 3,000 ரூபாயும் உயர்த்தப்பட்டுள்ளது. சுகாதாரத்துறையில் மேலும் 4,000 காலிப் பணியிடங்களை நிரப்ப நடவடிக்கை எடுக்கப்பட்டுவருகிறது” என்றார்.

மா.சுப்பிரமணியன் வருகை
மா.சுப்பிரமணியன் வருகை

தி.மு.க-வின் தேர்தல் அறிக்கையில் 72 மணி நேரத்தில் பெட்ரோல், டீசல் விலையை குறைப்பதாகக் கூறப்பட்டிருந்தது. சொன்னபடி அதை நிறைவேற்றவில்லையென்றால், கோட்டையை முற்றுகையிடுவோம்” என, தமிழக பா.ஜ.க-வின் தலைவர் அண்ணாமலை கூறியிருப்பது குறித்து செய்தியாளர்கள் எழுப்பினர். அதற்கு, ``பெட்ரோல், டீசல் விலையை உயர்த்துவது அவர்கள், குறைப்பது நாங்களா? என அனைத்து மாநிலங்களும் விமர்சனம் செய்துவருகின்றன. இதையும் அண்ணாமலை படித்துத் தெரிந்துகொள்ள வேண்டும்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism