Published:Updated:

வருமான வரி முதலீடு... டாக்ஸ் ஃபைலிங்... நீட்டிக்கப்படும் கால அவகாசம்!

வருமான வரி
முதலீடு
பிரீமியம் ஸ்டோரி
வருமான வரி முதலீடு

ரூ.1 லட்சத்துக்கு மேல் வருமான வரி செலுத்த வேண்டியவர்களுக்கு எந்த விலக்கும் இந்தப் புதிய அவசரச் சட்டத்தில் இல்லை.

வருமான வரி முதலீடு... டாக்ஸ் ஃபைலிங்... நீட்டிக்கப்படும் கால அவகாசம்!

ரூ.1 லட்சத்துக்கு மேல் வருமான வரி செலுத்த வேண்டியவர்களுக்கு எந்த விலக்கும் இந்தப் புதிய அவசரச் சட்டத்தில் இல்லை.

Published:Updated:
வருமான வரி
முதலீடு
பிரீமியம் ஸ்டோரி
வருமான வரி முதலீடு
ந்த வருடம் நமது வாழ்க்கையையே புரட்டிப்போட்டுவிட்டது கொரோனா வைரஸ். இந்த நிலையில் மத்திய அரசு, வருமான வரி சேமிப்புக்கான முதலீடு மற்றும் வரிக் கணக்கு படிவங்களைச் சமர்ப்பிப்பதற்கான கால அவகாசத்தை நீட்டித்துள்ளது. ‘வரியும் மற்ற சட்டங்கள் (சில தளர்வுகள்)’ {(Taxation and other Laws (Relaxation of Certain Provisions) Ordinance 2020)} என்ற அவசரச் சட்டம் 2020-ன் கீழ் இதை மத்திய அரசு கொண்டு வந்திருக்கிறது.

தனிநபர்கள் ஒவ்வொரு வருடமும் ஜூலை 31-ம் தேதிக்குள் முடிந்த நிதியாண்டுக்கான வருமான விவரங்களைச் சரியான படிவங்களில், வருமான வரித் துறையினரிடம் சமர்ப்பிக்க வேண்டும். இந்தக் கால வரம்பு நீட்டிக்கப்பட்டிருக்கிறது.

வருமான வரி முதலீடு... டாக்ஸ் ஃபைலிங்... நீட்டிக்கப்படும் கால அவகாசம்!

ஒட்டுமொத்த விகடனுக்கும் ஒரே ஷார்ட்கட்!

தற்போது வெளியாகியிருக்கும் அவசரச் சட்டத்தின்படி, `சென்ற நிதியாண்டு 2019-20-க்கு (மதிப்பீட்டாண்டு 2020-21), தாக்கல் செய்ய வேண்டிய படிவங்களை நவம்பர் 30-ம் தேதிக்குள் சமர்ப்பித்தால் போதுமானது’ என்று சொல்லப்பட்டிருக்கிறது.

தணிக்கைக்கு உட்பட்ட வருமான வரிக் கணக்குகளை செப்டம்பர் 30-க்குள் தாக்கல் செய்ய வேண்டும். அதை, இந்த ஆண்டு அக்டோபர் 31-ம் தேதி வரை சமர்ப்பிக்க சலுகை அளிக்கப்பட்டிருக்கிறது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

அதே நேரத்தில், நிதியாண்டு 2018-19 (மதிப்பீட்டாண்டு 2019-20-க்கு உரிய அசல் மற்றும் திருத்தப்பட்ட படிவங்களை (Original / Revised Returns) ஜூலை 31-ம் தேதிக்குள் சமர்ப்பிக்க வேண்டும். முன்னர் இந்தப் படிவத்தை மார்ச் 31-க்குள் சமர்ப்பிக்க வேண்டியிருந்தது.

வருமான வரி
முதலீடு
வருமான வரி முதலீடு

சுயமதிப்பீட்டு முறையில் கணக்கிடப்பட்டு ரூ.1 லட்சம் வரை வரி செலுத்த வேண்டியிருக்கும், நடுத்தர வர்க்கத்தினர் நவம்பர் 30-க்குள் அரசாங்கத்துக்குச் செலுத்த வேண்டிய வருமான வரியைச் செலுத்தலாம். ஆனால், ரூ.1 லட்சத்துக்கு மேல் வருமான வரி செலுத்த வேண்டியவர்களுக்கு எந்த விலக்கும் இந்தப் புதிய அவசரச் சட்டத்தில் இல்லை. அவர்கள் தாமதமாகச் செலுத்தினால் அதற்குரிய வட்டி வசூலிக்கப்படும். தாமதமாகச் செலுத்த வேண்டிய வரிக்கு 9% வட்டி செலுத்த வேண்டும். முன்னர் இவ்விதம் தாமதமாகச் செலுத்தும் வரிக்கு 12% வட்டி கட்ட வேண்டியிருந்தது. இப்போது இதற்கு 3% குறைக்கப்பட்டு, 9% கட்டினால் போதும் என்று சொல்லப்பட்டிருக்கிறது.

வருமானவரி பிரிவு 80சி-யில் கொடுக்கப்படும் வரி விலக்குகளைப் பெற செய்யப்படும் செலவுகள் மற்றும் முதலீடுகள் (ஆயுள் காப்பீடு பிரீமியம், பி.பி.எஃப்), 80டி பிரிவில் மருத்துவக் காப்பீடு பிரீமியம், 80ஜி பிரிவில் நன்கொடைகள் போன்றவற்றை மார்ச் 31, 2020-க்குள் செய்து முடிக்க வேண்டும். இதற்கான கால அவகாசம் இதற்கு முன்னர் ஜூன் 30, 2020 வரை நீட்டிக்கப்பட்டது, இப்போது அது ஜூலை 31, 2020 வரை நீட்டிக்கப்பட்டிருக்கிறது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இந்த வருடம் டி.டி.எஸ்/டி.சி.எஸ் படிவங்கள் ஜூலை 31 வரையிலும், பிடித்தம் செய்பவர்கள் படிவங்களை வரி செலுத்துபவர்களுக்கு ஆகஸ்ட் 15 வரையிலும் கொடுக்கலாம். அப்படித் தாக்கல் செய்யப்பட்ட வருமான வரிப் படிவத்தை வருமான வரி அதிகாரிகள் ஆராய்வார்கள். டி.டி.எஸ் / டி.சி.எஸ் 26 ஏ.எஸ் படிவங்களுக்கு ஒத்துப்போகிறதா என ஆராய்வார்கள். இது தொடர்பாக, `வருமான வரி அதிகாரிகள் தேவைப்பட்டால் டிசம்பர் 31, 2021 வரை ஆணைகள் பிறப்பிக்கலாம்’ என அவசரச் சட்டத்தில் சொல்லப்பட்டிருக்கிறது.

வருமான வரி
முதலீடு
வருமான வரி முதலீடு

நாம் சமர்ப்பிக்கும் படிவங்களிலும் விவரங்களிலும் சந்தேகம் இருந்தாலும் அல்லது வேறு காரணங்கள் இருந்தாலும், வரி செலுத்துபவரிடம் சந்தேகம் தீர கேள்விகள் கேட்கப்படலாம். அந்த நேரத்தில் நாமோ அல்லது ஆடிட்டர் அல்லது அங்கீகரிக்கப்பட்ட கணக்கர் மூலமாகவோ வருமான வரி அதிகாரிகளுக்கு ஏற்பட்ட சந்தேகங்களை நிவர்த்தி செய்ய வேண்டும். நாம் கூறிய விளக்கங்களை ஏற்காமல், சில நேரங்களில் வருமான வரி அதிகாரிகள் அதிக வருமான வரி செலுத்தச் சொல்லலாம். அதை நாம் ஏற்றுக்கொள்ளாவிட்டால், வருமானவரி மேலதிகாரிகளுக்கு முறையீடு செய்யலாம். அங்கும் நமக்கு திருப்திகரமான முடிவு கிடைக்கவில்லையெனில், வருமான வரி தீர்வாணையத்தை அணுகலாம்.

வருமான வரி வழக்குகளின் சிக்கல்கள் அதிகரித்துவருவதால், வரி வழக்குகளைக் குறைப்பதற்காகவும், அரசின் வருமானத்தை அதிகரிப்பதற்காகவும் வட்டி மற்றும் தண்டனைகளைத் தள்ளுபடி செய்து, வரியை மட்டும் கட்டுவதற்காக ‘விவாத் சே விஸ்வாஸ் 2020’ (Vivad Se Vishwas’ Scheme) திட்டத்தை மத்திய அரசாங்கம் கொண்டுவந்தது.

புதிய அவசரச் சட்டத்தில் விவாத் சே விஸ்வாஸ் சட்டத்தின்படி சமர்ப்பிக்கப்பட வேண்டிய விவரங்களைக் கொடுப்பதற்கு உரிய கால அவகாசம் டிசம்பர் 31, 2020 வரை நீட்டிக்கப்பட்டுள்ளது.

மேலே சொன்ன மாறுதல்கள், அவசரச் சட்டமாக மத்திய நிதி அமைச்சகத்தால் அறிவிக்கப்பட்டது. இது அவசரச் சட்டமானதால், இந்தச் சட்டம் இந்திய நாடாளுமன்றத்தில் நிறைவேற்றப்பட்டு ஜனாதிபதியின் ஒப்புதல் பெற்ற பிறகுதான் நடைமுறைக்கு வரும்.

ஆதார், பான் இணைப்பு நீட்டிப்பு..!

ஆதார், பான்
ஆதார், பான்

தார் கார்டையும், பான் கார்டையும் 31 மார்ச் 2021 வரை இணைக்க கால அவகாசம் தரப்பட்டுள்ளது. என்றாவது ஒரு நாள் இரண்டையும் இணைத்துத்தானே ஆக வேண்டும். குறிப்பிட்ட காலக்கெடுவுக்குள் இணைத்துவிட்டால், பின்னால் வரும் பல சிக்கல்களிலிருந்து காத்துக்கொள்ள முடியும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism