Published:Updated:

வேலூர் தேர்தல் துளிகள்

முதல்வர் எடப்பாடி பழனிசாமி
பிரீமியம் ஸ்டோரி
News
முதல்வர் எடப்பாடி பழனிசாமி

“அமெரிக்காவுக்கே டஃப்...” - எடப்பாடி

வேலூர் தேர்தல் துளிகள்

“அமெரிக்காவுக்கே டஃப்...” - எடப்பாடி

Published:Updated:
முதல்வர் எடப்பாடி பழனிசாமி
பிரீமியம் ஸ்டோரி
News
முதல்வர் எடப்பாடி பழனிசாமி

யற்கையாகவே வெயில் காய்ச்சியெடுக்கும் ஊர், வேலூர்.இப்போது வானம் ஓரளவு ‘கனிவு’ காட்டினாலும் அரசியல் கட்சியினர் ஆளாளுக்கு அனல் பறக்க உளறிக்கொட்டிக் காய்ச்சியெடுக்கிறார்கள். இதனால், கிறுகிறுத்துப் போயிருக்கிறார்கள் வேலூர் மக்கள். தலைவர்கள் பேசியவற்றில் சென்சார் செய்ததுபோக மீதம் இவை...

வேலூர் தேர்தல் துளிகள்

முதல்வர் எடப்பாடி பழனிசாமியின் பேச்சு இது... ‘‘அமெரிக்கா செயல்படுத்த முடியாத திட்டங்களைக்கூட தமிழகத்தில் நாங்கள் நிறைவேற்றுகிறோம். மைனர் மாதிரி ஸ்டாலின் சட்டை-பேன்ட் போட்டுக்கொண்டு, டீக்கடைக்குப் போகிறார். பதவிவெறியில் சட்டமன்றத்திலிருந்து சட்டையைக் கிழித்தபடி வருகிறார். குழந்தைகளுக்கு மிட்டாய் கொடுப்பதுபோல பச்சைப் பொய் சொல்லி 37 தொகுதிகளிலும் வெற்றி பெற்றுவிட்டார். எத்தனையோ அவதாரம் எடுத்தார் ஸ்டாலின். அவரால் எங்களைத் தொட்டுக்கூடப் பார்க்க முடியவில்லை.’’

ஒட்டுமொத்த விகடனுக்கும் ஒரே ஷார்ட்கட்!

மு. க. ஸ்டாலின்
மு. க. ஸ்டாலின்

“டெல்லி அல்வாவா... திருநெல்வேலி அல்வாவா?” - ஸ்டாலின்

தி.மு.க தலைவர் ஸ்டாலினின் பேச்சு இது... ‘‘பி.ஜே.பி-யின் அடிமை அ.தி.மு.க எடப்பாடியின் எடுபிடி ஏ.சி.சண்முகம். நாங்கள் மிட்டாய் கொடுத்து ஓட்டு வாங்கியதாகப் பிரசாரம் செய்கிறார் முதல்வர். அப்படியென்றால், தேனி தொகுதியில் அவர்கள் அல்வா கொடுத்து வெற்றி பெற்றார்களா? திருநெல்வேலி அல்வாவா... இல்லை, டெல்லி அல்வாவா? ‘நான்தான் ஸ்டாலின்’ என்பதை, சின்ன குழந்தையும் சொல்லும். எடப்பாடியை யாராவது அடையாளம் காட்டுவார்களா? நான், இப்போது நினைத்தால்கூட ஆட்சியைக் கலைத்துவிடுவேன். கொல்லைப்புறமாக ஆட்சிக்கட்டிலில் அமரக் கூடாது என்று கலைஞர் சொல்லியிருப்பதால், அமைதியாக இருக்கிறேன். ஆட்சி தொடர, பி.ஜே.பி-யிடம் மாதம்தோறும் கப்பம் கட்டுகிறார்கள்!’’

ராஜேந்திர பாலாஜி
ராஜேந்திர பாலாஜி

“நானும் ரெளடிதான்...” - ராஜேந்திர பாலாஜி

மைச்சர்களின் பேச்சு இன்னும் ‘அடடே’ ரகம். அமைச்சர் ராஜேந்திர பாலாஜி பேச்சு ஒரு சாம்பிள்... ‘‘ஸ்டாலினுக்கு முதல்வர் ஆக ஜாதகப் பொருத்தம் கிடையாது. எட்டுப் பொருத்தங்களும் எங்கள் அண்ணன் எடப்பாடியாருக்குத்தான் இருக்கின்றன. ஸ்டாலின், நீ கில்லி அல்ல... சல்லி. எங்ககிட்ட உன் வேலையைக் காட்டதே. எங்கள் ஆட்சியைக் கலைக்க ஸ்டாலின் முயன்றால், அவரை பந்து மாதிரி தூக்கிப் போட்டு மிதித்துவிடுவோம். தி.மு.க மட்டும்தான் ரெளடிக் கட்சியா... நாங்களும் எல்லாவற்றையும் பார்த்துவிட்டுத்தான் வந்திருக்கிறோம். பிறப்பிலேயே நாங்கள் ரெளடிகள். எடப்பாடியார் கண் அசைத்தால் போதும். தி.மு.க-வுக்கு சாவுமணி அடித்துவிடுவோம். ஸ்டாலினின் அரசியல் வாழ்க்கையை இதோடு முடித்துவிடுவோம்’’ என்றார் ஆவேசமாக.

வேலூர் மக்கள்தான் பாவம்... ‘இவங்க அக்கப்போர் தாங்க முடியலைடா சாமி’ என்று புலம்பிக்கொண்டிருக்கின்றனர்.