Published:Updated:

ஆர்கானிக் அழகு ஷாப்பிங்

ஆர்கானிக் அழகு ஷாப்பிங்

பிரீமியம் ஸ்டோரி

ர்கானிக் பொருட்களின் மீதான ஆர்வம் மக்கள் மத்தியில் அதிகரித்து வரும் நிலையில், நாம் அன்றாடம் பயன்படுத்தும் அழகுப்  பொருட்களும், இயற்கையான முறையில் தயாரிக்கப்பட்டு சந்தையில் சக்கைப்போடு போடுகிறது. பக்கவிளைவுகள் அற்ற, உடலுக்கு ஆரோக்கியத்தைத் தரக்கூடிய  இந்த ஆர்கானிக் அழகுப் பொருட்கள் உங்களை மேலும் அழகாக்கட்டும்.

ஆர்கானிக் அழகு ஷாப்பிங்

ஹேர் ஆயில்: 200 மி.லி விலை ரூ350/-

நெல்லிக்காய் மற்றும் வல்லாரை இலைகளில் இருந்து எடுக்கப்பட்டுள்ள ஹேர் ஆயில். அடிக்கடி முடி கொட்டும் பிரச்னை இருப்பவர்கள், இந்த எண்ணெயைப் பயன்படுத்தினால், நல்ல பலன் கிடைக்கும். தலையில் நன்றாகத் தேய்த்து 10 நிமிடங்கள் கழித்து, இளஞ்சூடான நீரில் தலைக்குக் குளிப்பது நல்லது.

ஆர்கானிக் அழகு ஷாப்பிங்

ரூம் ஸ்ப்ரே:300 மி.லி - விலை ரூ160/-

எலுமிச்சையும் சில ஆயுர்வேத மூலிகை எண்ணெயும் கலந்த ஸ்ப்ரே இது. இந்த ஸ்ப்ரே அடித்தால், நல்ல நறுமணம் கிடைப்பதுடன், அறையில் இருக்கும் பாக்டீரியா நுண்
கிருமிகளும் அழியும்.

ஆர்கானிக் அழகு ஷாப்பிங்

வெட்டிவேர் ஸ்க்ரப்: விலை - ரூ35/-

உடலைத் தேய்த்துக் குளிக்க பிளாஸ்டிக் நார்களைப் பயன்படுத்துவதைவிட, வெட்டிவேரில் செய்யப்பட்ட இந்த ஸ்க்ரப் உடலில் இருக்கும் அழுக்குகளை நீக்கி, புத்துணர்வு தரும்.

ஆர்கானிக் அழகு ஷாப்பிங்

ஃபேஸ் வாஷ் 120 மி.லி - விலை ரூ295/-

வேம்பு, மஞ்சள் கலந்த ஃபேஸ்வாஷ் ஜெல் இது. அனைவரும் பயன்படுத்தலாம். குளிக்கச் செல்வதற்கு முன்பு, சிறிதளவு ஜெல்லை எடுத்து, முகத்தில் தடவி, இரண்டு நிமிடங்கள் நன்றாக மசாஜ் செய்யவும். பிறகு, தூய நீரால் கழுவி, சுத்தமான துணியால் முகத்தை  மென்மையாக ஒத்திஎடுக்கவும்.  வறண்ட சருமமா, எண்ணெய் சருமமா  என உங்களது சரும வகையைத் தெரிந்து கொண்டு, மருத்துவரின் ஆலோசனை  பெற்று, இந்த ஜெல்லைப் பயன்படுத்தலாம்.

ஆர்கானிக் அழகு ஷாப்பிங்

மவுத் ஃப்ரெஷ்னர்: விலை - ரூ100/-

நெல்லிக்காய், சீரகத்தை நன்றாகக் காயவைத்துப் பொடித்துச் செய்யப்பட்ட மவுத் ஃப்ரெஷ்னர் இது. உணவு உண்டதும், சிறிதளவு வாயில் போட்டு மென்றால், வாய், புத்துணர்ச்சியாக இருக்கும்.  உடலுக்கும் நல்லது.

ஆர்கானிக் அழகு ஷாப்பிங்

லிப் பாம்: விலை - ரூ195/-

நெய், வெண்ணெய், பாதாம் எண்ணெய், அப்ரிகாட் எண்ணெய், ஆலிவ் எண்ணெய், சூரிய காந்தி எண்ணெய் ஆகியவற்றால் தயாரிக்கப்பட்டது இந்த லிப் பாம். உதடு வெடிப்பால் அவதிப்படுபவர்கள், உதடு வறட்சியால் பாதிக்கப்படுவர்கள் இந்த லிப் பாம் பயன்படுத்தலாம்.  நல்ல தீர்வைத் தரும்.

ஆர்கானிக் அழகு ஷாப்பிங்

ஆன்டிஏஜிங் பவுடர்: விலை - ரூ150/-

துளசி இலையால் தயாரிக்கப்பட்ட இந்த பவுடரைத் தூய நீரில் கலந்து பேஸ்ட்டாக்கவும். இதனை, முகம் மற்றும் கழுத்தில் தடவி, 10 நிமிடங்கள் நன்றாக மசாஜ் செய்யவும். பிறகு, குளிர்ந்த நீரில் முகத்தைக் கழுவவும். இளம் வயதிலேயே தோல் சுருங்கி, முதிய தோற்றம் அடைந்தவர்களுக்கு இந்த பவுடர் நல்ல பலனைத் தரும். 

ஆர்கானிக் அழகு ஷாப்பிங்

முல்தானிமட்டி சோப்: விலை - ரூ60/-

வெறும் முல்தானிமட்டியைக் கொண்டு செய்யப்பட்டது.  முல்தானிமட்டி தோலில் இருக்கும் அழுக்குகளை நீக்கி, பொலிவாக்கும். 

ஆர்கானிக் அழகு ஷாப்பிங்

ஃபேஸ் பேக் : விலை - ரூ35/-

வெட்டிவேர், கஸ்துரி மஞ்சள், ஆரஞ்சு எண்ணெய் கலந்து பொடித்த பவுடர் இது. தயிர் அல்லது பன்னீரில் இந்த பவுடரைக் கலந்து, முகத்தில் பேக் போட வேண்டும். நன்றாகக் காய்ந்ததும் குளிர்ந்த நீரில் முகத்தைக் கழுவவும். முகம் மலர்ச்சி பெறும். அழகு கூடும்.

ஆர்கானிக் அழகு ஷாப்பிங்

வேப்பமர சீப்பு விலை - ரூ160/-

வேப்பமரப் பட்டைகள் மூலம் செய்யப்பட்ட சீப்பு இது. இந்த சீப்பு பயன்படுத்துவதன் மூலம், முடியில் பூஞ்சைத் தொற்று, பேன், பொடுகு  வருவதற்கான வாய்ப்பு குறையும்.

ஆர்கானிக் அழகு ஷாப்பிங்

ஆயுர்வேதிக் காஜல்: விலை - ரூ350/-

நெய், ஆமணக்கு எண்ணெய், பாதாம் எண்ணெய், தேன் ஆகியவை கலந்த கண் மை இது. கண்ணுக்குக் குளிர்ச்சியைத் தரும்.

ஆர்கானிக் அழகு ஷாப்பிங்

குளியல் எண்ணெய் விலை - ரூ85/-

கருந்துளசி, எலுமிச்சை, பெருஞ்சீரகம், ஆமணக்கு போன்ற எண்ணெய்கள் கலந்த நறுமண எண்ணெய் இது.  குளிக்கும்போது, ஒரு வாளியில்  தண்ணீர் நிரப்பி இரண்டு மூன்று சொட்டு இந்த எண்ணெயைவிட்டு   இரண்டு நிமிடங்கள் கழித்து குளிக்கவும். உடலில் இருக்கும் பாக்டீரியாக்கள் அழியும்.   டியோடிரன்ட், சென்ட் போடத் தேவையே இல்லாத அளவுக்கு உடலில் நறுமணம் வீசும். 

ஆர்கானிக் அழகு ஷாப்பிங்

குர்குமா  சோப்: விலை - ரூ100/-

மஞ்சள், வெட்டிவேர், ஆரஞ்சு இவற்றால் தயாரிக்கப்பட்டது. உடலுக்கு நல்ல நறுமணம் தருவதுடன், சரும ஆரோக்கியத்துக்கும் நல்லது.

- ப்ரியா புஷ்பராஜ், படங்கள்: கபிலா காமராஜ்
உதவி: தெசி பேசிக்ஸ் ஆர்கானிக் ஸ்டோர், சென்னை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு