Published:Updated:

ஆரோக்கியத்துக்கு அந்த மாஸ்க், அழகுக்கு இந்த மாஸ்க்!

அழகு
பிரீமியம் ஸ்டோரி
News
அழகு

பியூட்டி

ளர்வுகள் அறிவிக்கப்பட்ட நிலையிலும் பியூட்டி பார்லர்களுக்கு நேரில் செல்வதில் இன்னும் பல பெண்களுக்குத் தயக்கமும் பயமும் தொடர்கிறது. பார்லர் போகாவிட்டாலும் அழகை அலட்சியம் செய்ய முடியுமா? கொரோனா தொற்றிலிருந்து பாதுகாத்துக்கொள்ள மாஸ்க் எனப்படுகிற முகக்கவசம் எந்தளவுக்கு அவசியமோ, அதே அளவுக்கு அழகுக்கும் மாஸ்க் அவசியம். முகப்பொலிவைக் கூட்ட, வீட்டிலேயே தயாரித்துப் பயன்படுத்தும் எளிய மாஸ்க் செய்முறைகளை விளக்குகிறார் அழகுக்கலை நிபுணர் வசுந்தரா.

 வசுந்தரா, அழகுக்கலை நிபுணர்
வசுந்தரா, அழகுக்கலை நிபுணர்

எண்ணெய்ப்பசையான சருமத்துக்கு...

தேவையான அளவு முல்தானி மிட்டியுடன் அதைக் குழைக்கும் அளவுக்கு பன்னீர், சில துளிகள் எலுமிச்சைப் பழச்சாறு சேர்த்துக் கலந்து உடனே முகத்தில் தடவவும். மாஸ்க் காய்ந்ததும் கழுவிவிடவும். முல்தானி மிட்டி, அதிகப்படியான எண்ணெய்ப்பசையை நீக்கும். பருக்கள் இருந்தால் அவற்றைக் காயவைக்கும். பன்னீர் புத்துணர்வு தந்து ஈரப்பதத்தைத் தக்கவைக்கும். எலுமிச்சைப் பழச்சாறு தழும்புகளை நீக்கும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

உடனடி பளபளப்புக்கு...

ஆர்கானிக் மஞ்சள்தூளுடன், ஆர்கானிக் தேன் மற்றும் சில துளிகள் கிளிசரின் சேர்த்துக் குழைத்து, தண்ணீர் உள்ள பாத்திரத்தில் டபுள் பாயிலிங் முறையில் வெதுவெதுப்பாக்கவும். முகத்தில் தடவி, உலரவிடவும். காய்ந்ததும் குளிர்ந்த நீரால் கழுவினால், ஃபேஷியல் செய்தது போல முகம் பொலிவு பெறும்.

ஆரோக்கியத்துக்கு அந்த மாஸ்க், அழகுக்கு இந்த மாஸ்க்!

இளமையைத் தக்கவைக்க...

ஒரு முட்டையின் வெள்ளைக் கருவுடன், மூன்று டேபிள்ஸ்பூன் ரெட் ஒயின் மற்றும் ஒரு டேபிள்ஸ்பூன் தேன் கலந்து முகத்தில் தடவி உலரவிட்டுக் கழுவவும். முட்டையின் வெள்ளைக் கரு சருமத்தை உறுதியாக்கி, சுருக்கங்களைப் போக்கும். தேன் சருமத்தின் ஈரப்பதத்தைத் தக்கவைக்கும். ரெட் ஒயின் சருமத்தை இளமையாகவும் மென்மையாகவும் வைக்கும்.

சரும நிறம்கூட...

அரை கப் கடலை மாவுடன், தேவையான அளவு ஆர்கானிக் தேன் கலந்து கெட்டியான பேஸ்ட்டாக்கவும். சருமத்தில் தடவி, அரை மணி நேரம் உலரவிட்டு, குளிர்ந்த நீரில் கழுவவும். இது சருமத்தின் கருமையை நீக்கி, பளிச் தோற்றம் தரும்.