நீங்கள் நம்பகமான ஃபிட்னஸ் பயிற்சியாளரை சந்தித்து உங்கள் இலக்கு பற்றி ஆலோசியுங்கள். உங்களுடைய வயது மற்றும் உயரத்துக்கேற்ப எத்தனை கிலோ எடை இருக்கலாம் என்பதைத் தெரிந்துகொண்டு அதற்கேற்ப வொர்க் அவுட் செய்யத் தொடங்குங்கள். ஆரோக்கியமான வாழ்க்கைமுறையைப் பின்பற்றுவது என்பது சுலபமானதல்ல. பல வருடங்கள், பல மாதங்கள் உழைப்பு தேவைப்படுகிற விஷயம் அது.

அப்படி, பல நாள்கள் கடினமாக உழைக்கத் தயாராக இல்லாமல்தான் பலரும் சுலபமான குறுக்குவழிகளை நாடிச் செல்கிறார்கள். பல வருடங்களாக எந்தப் பயிற்சியையும் செய்யாமலிருந்துவிட்டு, திடீரென வொர்க் அவுட் செய்யத் தொடங்கி, மூன்றே மாதங்களில் ரிசல்ட் வேண்டும் என எதிர்பார்ப்பதும் தவறு. நீங்கள் அடைய நினைக்கிற உடல் எடைக்கு கட்டுப்பாடான உணவுப்பழக்கம், உடற்பயிற்சிகள் எனக் கொஞ்சம் கடினமான பாதையில்தான் முயற்சி செய்ய வேண்டும். அதுதான் உங்களுக்குப் பலன் தரும்."