பதில் சொல்கிறார், சென்னையைச் சேர்ந்த, நாளமில்லா சுரப்பியல் மருத்துவர் ரவிகிரண்.

``மாத்திரைகள் எடுத்துக்கொண்டாலும் சர்க்கரை அளவு 300-க்கு மேல் போகிறது என்றால் அது உடலில் இன்சுலின் அளவு குறைவதையே குறிக்கும். இந்த நிலை வரும்போது பெரும்பாலும் நேரடியாக இன்சுலின் கொடுக்க வேண்டிய தேவை ஏற்படும். நாட்டு வைத்தியம் முயற்சி செய்யலாமா என்று கேட்டிருக்கிறீர்கள். அது அவரவர் விருப்பம். வேண்டுமானால் ஒரு மாதம் நீங்கள் விரும்பும் மாற்று மருத்துவத்தை முயற்சி செய்து பார்க்கலாம். அப்படி நீங்கள் எடுத்துக்கொள்ளும் மருந்துகள் சரியான, முறையான மருத்துவரால் பரிந்துரைக்கப்பட்ட, கலப்படமில்லாதவையாக இருக்க வேண்டியது அவசியம். ஒருவேளை உங்களுக்கு அந்த மருந்துகளால் எந்தப் பலனும் இல்லை என்று தெரிந்தால் சர்க்கரைநோய் மருத்துவரை அணுகி சிகிச்சை எடுத்துக்கொள்ளுங்கள். ஒன்றிரண்டு மாதங்களுக்கு மேல் ரிஸ்க் எடுக்க வேண்டாம்.

டென்ஷன் ஆனால் ரத்தச் சர்க்கரையின் அளவு அதிகரிக்கலாம் என்பதால் முடிந்தவரை பிராணயாமம், யோகா, தியானம் போன்ற விஷயங்களைச் செய்து மனதை அமைதியாக வைத்துக்கொள்ள வேண்டும்.