``இது முற்றிலும் தவறான தகவல். பிராய்லர் கோழி வளர்வதற்கான ஊட்டச்சத்து நிறைந்த தீவனம் மட்டுமே வழங்குகின்றனர். பிராய்லர் கோழிக்கு ஊசி செலுத்துவது நோய் எதிர்ப்பு சக்திக்காக செலுத்தப்படும் தடுப்பூசியே ஆகும். அது ஹார்மோன் ஊசி அல்ல. ஹார்மோன் ஊசி என்பது வேறு. எந்த ஒரு உயிரினத்தையும் ஹார்மோன் ஊசி செலுத்தி வளர்க்கவே முடியாது. அவ்வாறே, ஒரு கோழிக்கு ஹார்மோன் ஊசி செலுத்த ரூ. 20,000 செலவு ஆகும்."

``பிராய்லர் சிக்கன் வேகமாக வளர்வதற்கு காரணம், கோழிக்கு செலுத்தப்படும் ஊசி அல்ல. பொதுவாகவே பிராய்லர் கோழிக்கு கால்நடை மருத்துவர்களால் அங்கீகரிக்கப்பட்ட புரதம் மற்றும் ஊட்டச்சத்து நிறைந்த தீவனம் மட்டுமே வழங்குகின்றனர். இது மட்டுமல்லாது, பிராய்லர் கோழி வளரும் சூழல் மற்றும் தகவமைப்பே இதற்குக் காரணம்."

``உண்மையில், பிராய்லர் சிக்கனில் அதிகப்படியான புரதச்சத்து உள்ளது. இதை எடுத்துக் கொள்வதால் உடலுக்கு எந்த வித பாதிப்பும் ஏற்படுவதில்லை. இருந்தாலும், பிரியாணி, சவர்மா, ப்ரைட் ரைஸ், மற்றும் பொரித்த சிக்கன் ஆகியவை சாப்பிடும்போது எடை அதிகரிக்கும். சிக்கன் மற்றும் முட்டையை தனியாக உட்கொள்ளும் போது உடல் எடை குறையவே செய்யும், எடை கூடாது. பொதுவாகவே ஒரு உணவை எந்தத் தன்மையில் எடுத்துக் கொள்கிறோம், என்பதை பொறுத்தே உடல் எடை அதிகரிக்கும்."

``இது முற்றிலும் அறிவியலுக்கு புறம்பான தகவல். அறிவியல் ரீதியாக சாத்தியம் இல்லாதது. கடந்த நூறு வருடங்களில், உலகம் முழுவதும் இயல்பாகவே பெண் குழந்தைகள் பருவமடையும் வயது 3 முதல் 4 வயது குறைந்துள்ளது. ஒவ்வொரு குழந்தைகளின் உடல் தன்மையைப் பொறுத்து பருவம் அடைகின்றனர். சைவ உணவு சாப்பிடும் பெண் குழந்தைகளும் சிறிய வயதில் பருவமடைகின்றனர். பெண் குழந்தைகள் சிறிய வயதில் பருவமடைய பிராய்லர் சிக்கன் காரணமல்ல."

``எண்ணெயில் பொரித்த சிக்கனை உணவில் எடுத்துக் கொள்ளக்கூடாது. இட்லி, தோசை உள்ளிட்ட மாவுச்சத்து நிறைந்த உணவுப் பொருள்களுடன் எடுத்துக் கொள்ளும் போது உடலுக்கு சில நேரங்களில் தீங்கு விளைவிக்கிறது. இக்காரனத்தினாலே உடல் எடையும் அதிகரிக்கிறது. இதைத் தவிர வேறு எந்த கெடுதலும் பிராய்லர் சிக்கனால் வருவதில்லை."