நம் உடலில் உள்ள நோய் எதிர்ப்பு சக்தியானது அந்த வைரஸ் தொற்றுக்கு எதிராகப் போராடி, இரண்டு, மூன்று நாள்களுக்குள் அதைக் குணப்படுத்திவிடும். அந்த இரண்டு, மூன்று நாள்களுக்கு அறிகுறிகளுக்கேற்ற சிகிச்சைகள் எடுத்துக்கொண்டால் போதுமானது.

உதாரணத்துக்கு, தலைவலி ஏற்பட்டால் உடனே வீட்டிலேயே சுக்கு கஷாயம் போன்றவற்றைச் செய்து குடிப்பது, ஆவி பிடிப்பது போன்ற எளிய விஷயங்களே போதுமானவை. அந்த நேரத்தில் வைட்டமின் சி அதிகமுள்ள உணவுகளைச் சாப்பிட வேண்டும். நல்ல உணவும் போதுமான ஓய்வும் இருந்தாலே இந்த நாள்களை சுலபமாகக் கடந்து மீண்டுவிடலாம்.

சில நேரங்களில், வயதானவர்கள், குழந்தைகள், நோய் எதிர்ப்பு சக்தி குறைவானவர்களுக்கு இந்தத் தொற்றானது நிமோனியாவாகவோ, வேறு பிரச்னையாகவோ (செகண்டரி பாக்டீரியல் இன்ஃபெக்‌ஷன்) மாற வாய்ப்பு உண்டு.

எனவே இரண்டு, மூன்று நாள்கள் சளி, ஜலதோஷம் இருந்தாலே உடனே ஆன்டிபயாடிக் எடுக்க வேண்டியதில்லை. மூன்று நாள்களுக்கு மேலும் அறிகுறிகள் நீடித்தால் அதற்கு மேலும் தாமதிக்காமல் மருத்துவரை அணுகி ஆலோசனை பெறுவதுதான் சரியானது.

உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.