ஹெல்த் : சர்க்கரைநோயை சமாளிப்பது ஈஸி!

தினமும் குறைந்தது 30 நிமிடங்கள் உடற்பயிற்சியில் ஈடுபட வேண்டும். உடற்பயிற்சி என்றதும், ஜிம்முக்குப் போய் ஆயிரக்கணக்கில் கட்டணம் செலுத்தி, டிரெட்மில்லில் வியர்க்க விறுவிறுக்க ஓட வேண்டும் என்று அர்த்தமில்லை. அன்றாடச் செயல்பாடுகளையே உடற்பயிற்சியாக மாற்றிக்கொள்ளலாம்.

நடக்கும்போது எத்தனை அடிகள் எடுத்து வைக்கிறோம் என்பதைக் கணக்கிட்டுக் காட்டும் பெடோமீட்டர் (Pedometer) கருவி அணிந்துகொள்ளலாம் அல்லது எத்தனை அடிகள் நடக்கிறோம் என்பதைக் கணக்கிடும் ஆப்களை ஸ்மார்ட்போனில் இன்ஸ்டால் செய்துகொள்ளலாம். ஒரு நாளைக்கு 10,000 அடிகளாவது நடக்க வேண்டும்.

வீட்டைப் பெருக்குவது, துடைப்பது, பொருள்களை அடுக்கிவைப்பது போன்ற வேலைகளையெல்லாம் விறுவிறுப்புடன் உடற்பயிற்சிபோலச் செய்யலாம்.

அலுவலக இருக்கையிலிருந்து அரை மணி நேரத்துக்கு ஒருமுறை எழுந்து, 5 நிமிடங்கள் குட்டி நடைப்பயிற்சியில் ஈடுபடலாம். மாடிப்படிகளில் ஏறி இறங்கலாம், சமதளத்திலும் நடக்கலாம்.

தொலைக்காட்சி பார்த்துக்கொண்டிருக்கும்போது, விளம்பர இடைவேளைகளில் இருக்கையிலிருந்து எழுந்து அறையில் நடக்கலாம்.

செல்போனில் பேசும்போதெல்லாம் நடந்துகொண்டே பேசலாம்.

அலுவலக மீட்டிங்கை உட்கார்ந்தபடியே நடத்தாமல் நின்றுகொண்டும் நடத்தலாம்.

தினமும் காலை அல்லது மாலையில்

30 நிமிடங்கள் விறுவிறுப்பான நடைப்பயிற்சி அல்லது ஜாகிங் செய்வது நல்லது.

`லிஃப்ட், எஸ்கலேட்டர்களைப் பயன்படுத்துவதில்லை, எங்கேயும் எப்போதும் மாடிப்படிகளில் ஏறி இறங்குவதே பாலிசி’ என உறுதிகொள்ளலாம்.