Published:Updated:

ஃபிட் ஆகலாம்...பியூட்டி ஆகலாம் !

ஃபிட் ஆகலாம்...பியூட்டி ஆகலாம் !

ல்யாணப் பொண்ணுங்க பியூட்டி பார்லருக்குப்போய் பியூட்டியாவது ஒருபக்கமிருக்க... `ஃபிட்’

ஃபிட் ஆகலாம்...பியூட்டி ஆகலாம் !

பியூட்டியாக ஃபிட்னெஸ் சென்டருக்கும் போக ஆரம்பிச்சுட்டாங்க! இதோ... சில ஃபிட்னெஸ் பயிற்சிகள் உங்களுக்காக..!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பிரியங்கா

பிசியோதெரப்பிஸ்ட் மற்றும் உடற்பயிற்சி ஆலோசகர்,

ஃபிட்னெஸ் ஒன்

ஃபிட் ஆகலாம்...பியூட்டி ஆகலாம் !

ஸ்டாண்டிங் ஃப்ரீ சைட் பெண்ட்ஸ் (Standing free side bends)

நேராக நிற்க வேண்டும். வலது கையை மடித்து, பின்னந்தலையில் வைக்க வேண்டும். இடது கையை மடித்து, கீழ் முதுகில் வைத்துக்கொள்ள வேண்டும். இப்போது வலது காலை பக்கவாட்டில் முடிந்தவரை உயர்த்தி, அதே நேரத்தில், முன் உடலை  வளைத்து,சில விநாடிகளுக்குப் பிறகு, பழைய நிலைக்குத் திரும்ப வேண்டும். இதேபோல இடது காலுக்கும் செய்ய வேண்டும். இப்படி 10 - 12 முறை செய்ய வேண்டும்.

ஃபிட் ஆகலாம்...பியூட்டி ஆகலாம் !

பலன்கள்: இடுப்பு மற்றும் பக்கவாட்டுப் பகுதியில் உள்ள கொழுப்பைக் கரைக்கும். இந்தப் பகுதியில் உள்ள சதையை உறுதிபடுத்தும்.

ஸ்விஸ்பால் ஸ்குவாட்ஸ் (swiss ball squats)

கால்களை சற்று அகட்டியபடி நேராக நிற்க வேண்டும். ஸ்விஸ்பந்தை சுவரில்வைத்து, முதுகுப்பகுதி அதன் மீது படும்படி, நன்கு சாய்ந்து பேலன்ஸ் செய்துகொள்ள வேண்டும். கைகளை முன்பக்கமாக நீட்டிக்கொள்ள வேண் டும். இப்போது, நாற்காலியில் உட்காருவதுபோல கால்களை சற்று மடித்து உட்கார்ந்து எழுந்திருக்க வேண்டும். இப்படி 10 முறை செய்ய வேண்டும்.

ஃபிட் ஆகலாம்...பியூட்டி ஆகலாம் !

பலன்கள்: முன் தொடை, பின் தொடை மற்றும் பின்பக்க தசைப் பகுதியில் உள்ள கொழுப்பைக் கரைத்துத் தசைகளை உறுதிபடுத்தும்.

ஸ்டேட்டிக் லங்கீஸ் (Static lunges)

நேராக நின்று, நடப்பது போல ஒரு காலை முன்பக்கமாகவும் மற்றொரு காலை பின்பக்கமாகவும் வைத்துக்கொள்ள வேண்டும். இப்போது, முன்பக்க காலை மடித்து நிற்பதுபோல வைத்துக்கொண்டு, பின்பக்க கால் முட்டியை தரையை நோக்கி (ஆனால், தரையில்படக்கூடாது) கொண்டுவர வேண்டும். பின்னர் பழைய நிலைக்குத் திரும்ப வேண்டும். இதுபோல மற்றொரு காலுக்கும் செய்ய வேண்டும். இரு கால்களுக்கும் தலா 10 முறை செய்ய வேண்டும்.

ஃபிட் ஆகலாம்...பியூட்டி ஆகலாம் !

பலன்கள்: முன்பக்க தொடை மற்றும் பின்பக்கம், இடுப்புப் பகுதியில் உள்ள தேவையற்ற கொழுப்பைக் கரைத்து, ஃபிட்டாக்கும்.

ஸ்விஸ் பால் சூப்பர்மேன் (Swiss ball superman)

ஸ்விஸ் பந்தில் வயிற்றுப்பகுதி படும்படி, குப்புறப் படுத்துக்கொள்ள வேண்டும். கைகளையும், கால்களையும் தரையில் ஊன்றிக்கொள்ள வேண்டும். இப்போது வலது கை, இடது காலை மட்டும் நேராக உயர்த்தி இறக்க வேண்டும். இதுபோல மற்றொரு கை - காலுக்கும் செய்ய வேண்டும். இரு பயிற்சிகளையும் தலா 10 முறை செய்ய வேண்டும்.

ஃபிட் ஆகலாம்...பியூட்டி ஆகலாம் !

பலன்கள்: இடுப்பு மற்றும் முதுகு எலும்பை உறுதிபடுத்தும் பயிற்சி இது. தொடர்ந்து செய்யும்போது முதுகுப் பகுதியை உறுதிபடுத்தி, முதுகுவலி வராமல் தடுக்கும். வயிற்றுப் பகுதியை யும் உறுதிபடுத்தும்.

ஸ்டாண்டிங் லெக் ரொட்டேஷன் (Standing leg rotation)

நேராக நிற்க வேண்டும். கைகளை பின்னால் கட்டிக்கொள்ள வேண்டும். இப்போது, வலது காலை மட்டும் முன்பக்கமாகச் சற்று மேலே உயர்த்தி, மெதுவாக வட்டமாகச் சுழற்றி, பழைய நிலைக்கு வரவேண்டும். இதேபோல இடது காலுக்குச் செய்ய வேண்டும். இரு கால்களுக்கும் தலா 10 முறை செய்ய வேண்டும்.

ஃபிட் ஆகலாம்...பியூட்டி ஆகலாம் !

பலன்கள்: இது இடுப்பு மற்றும் தொடைப் பகுதிக்கான பயிற்சி. இடுப்புப் பகுதியில் உள்ள கொழுப்பைக் கரைத்து ஃபிட்டாக்கும். அதேபோல தொடையின் பக்கவாட்டு சதை மற்றும் உள் சதையை வலிமைபடுத்தி, ஃபிட்டாக்கும்.


- பா.பிரவீன் குமார்

படங்கள்: எம்.உசேன், மாடல்: பவித்ரா