Published:Updated:

‘டம்மி’யைக் குறைக்கலாம்..!

‘டம்மி’யைக் குறைக்கலாம்..!

திருமணத்துக்கு நாள் குறித்தவுடன் மாப்பிள்ளையும், பெண்ணும் உடம்பை ஏற்றுவதற்கும்,

‘டம்மி’யைக் குறைக்கலாம்..!

குறைப்பதற்கும் ஜிம் விசிட் செய்வது இப்போது டிரெண்ட் ஆகிவிட்டது!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

‘‘தாறுமாறான உணவு, குறைவான உடல் உழைப்பு என இப்படி பல காரணங்களால், கொஞ்சம் முன்னே வந்து ‘உள்ளேன் அய்யா!’ என சொல்லும் தொப்பை, சில மாப்பிள்ளைகளுக்கு பெரிய சங்கடமாக இருக்கும். தொப்பையைக் குறைப்பதற்கான சுலபப் பயிற்சிகளைத் தொடர்ந்து செய்து வந்தால், மணமேடை ஏறும்போது ஆகலாம் ஸ்மார்ட்!’’ என்கிறார், சென்னையைச் சேர்ந்த எலும்பு சிறப்பு மருத்துவர், டாக்டர் எஸ்.விஜயராஜன். ‘டம்மி’ கரைந்து டக்கரான மாப்பிள்ளை ஆக டாக்டர் வழிகாட்டும் ஈஸி வொர்க் அவுட்ஸ் இதோ..!

‘டம்மி’யைக் குறைக்கலாம்..!

ரிவர்ஸ் கிரன்ச் பெண்ட் லெக்

‘டம்மி’யைக் குறைக்கலாம்..!

மல்லாந்து படுத்துக்கொண்டு காலை நேராக நீட்டி, பின் மடக்கிச் செய்யும் இந்தப் பயிற்சியினால் அடிப்பகுதியில் உள்ள கொழுப்பினை சுலபமாகக் குறைக்கலாம்.

ஆர்ம் ரீச்சிங் கிரன்ச்

‘டம்மி’யைக் குறைக்கலாம்..!

மல்லாந்து படுத்துக்கொண்டு இரண்டு கைகளையும் தொடையின் மேல் வைத்துக்கொள்ளவும். உடலின் மேல் பகுதியை மட்டும் சற்று முன்னோக்கிக் கொண்டு வந்து கைகளை முட்டியின் மீது வைத்து விடவும்.

பிளாங்க்

‘டம்மி’யைக் குறைக்கலாம்..!

இரண்டு முழங்கை மற்றும் கால் கட்டை விரல்களால் உடலின் மொத்த எடையையும் தாங்க வைக்கும் இந்தப் பயிற்சி, மற்ற பயிற்சிகளினால் முதுகு மற்றும் இடுப்பில் ஏற்படும் வலியைக் குறைக்க உதவும்.

ஃப்ளோர் கிரன்ச்

‘டம்மி’யைக் குறைக்கலாம்..!

மல்லாந்த நிலையில் இரண்டு முட்டிகளையும் மடித்துக் கொண்டு கைகளின் இரண்டு ஆள்காட்டி விரல் மற்றும் நடுவிரலை நெற்றியின் அருகே வைத்துக்கொள்ளவும். உடலின் மேல் பகுதியை மட்டும் சற்று முன்னே கொண்டுவந்து, 3 விநாடிகளுக்குப் பின் பழைய நிலைக்குத் திரும்பி விடவும்.

பெல்விக் டில்ட்

மல்லாந்து படுத்துக் கொண்டு இரண்டு கால்களின் முட்டிகளையும் மடித்தவாறு வைத்துக்கொள்ளவும். பின்பு அடிவயிற்றை மட்டும் உள்ளிழுத்துக் கொள்ளவும். வயிறை உள்ளிழுக்கும்போது மூச்சை வெளி விட வேண்டியது அவசியம். இந்தப் பயிற்சியினால் முதுகுவலி இருந்தாலும் குணமாகும்.

‘டம்மி’யைக் குறைக்கலாம்..!

``ஒவ்வொரு பயிற்சியையும், பயிற்சி செய்ய ஆரம்பித்த காலகட்டத்தில் பத்துமுறை செய்தாலே போதும். அதன் பிறகு குறைந்தபட்சமாக 15 முதல் அதிகபட்சம் 50 வரை செய்யலாம். பயிற்சிகளின்போது முதுகுப் பகுதியானது வளைவு கள் இல்லாமல் நேராக இருக்க வேண்டியது அவசியம். வயிற்றை உள்ளிழுக்கும்போது மூச்சை வெளிவிடுவதும், வயிற்றை வெளியே தள்ளும்போது மூச்சை உள்ளிழுப்பதும் முக்கியமான விஷயம். கழுத்து வலி இருப்பவர்கள் உடலின் மேல் பகுதிக்கு வேலை தரக்கூடிய பயிற்சிகளை செய்யக் கூடாது.  இந்தப் பயிற்சிகளை மட்டும் ஒரு மாதத்துக்கு தொடர்ந்து செய்துவந்தாலே போதுமானது.  அப்புறமென்ன... கண்ணாடியில் பார்க்கும்போது, தொப்பையைத் தேடும் சந்தோஷம் கிடைக்கும்!’’ என்ற டாக்டர், திருமண வாழ்த்துச் சொல்லி முடித்தார்!

இந்தக் கட்டுரையைப் படிக்க நேராத மாப்பிள்ளைகளுக்கும், அவர்களின் மணப்பெண்கள் இதழை ‘ஃபார்வேர்டு’ செய்து விடுவீர்கள்தானே?!

- க.தனலட்சுமி  படங்கள்: தி.கௌதீஸ்

மாடல்: அலெக்ஸ்

ஜிம் உதவி: பீப்பிள்’ஸ் ஜிம், கிண்டி, சென்னை