Published:Updated:

உடலினை உறுதிசெய் - 21

உடலினை உறுதிசெய் - 21
பிரீமியம் ஸ்டோரி
உடலினை உறுதிசெய் - 21

நௌகா சன்சலானாசனா

உடலினை உறுதிசெய் - 21

நௌகா சன்சலானாசனா

Published:Updated:
உடலினை உறுதிசெய் - 21
பிரீமியம் ஸ்டோரி
உடலினை உறுதிசெய் - 21
உடலினை உறுதிசெய் - 21

டகை துடுப்பால் ஓட்டிச் செல்வது போல செய்வதுதான் இந்த ஆசனத்தின் செயல்முறை.தரையில், கால்களை நீட்டி அமர வேண்டும். கை கட்டைவிரலை உள்ளே வைத்து மற்ற விரல்களை மூடி, கைகளை தோள்களின் அருகே வைத்தபடி, ஆழ்ந்து மூச்சை உள்ளே இழுத்துக்கொண்டு முடிந்த அளவுக்குப் பின்புறம் சாய வேண்டும். பிறகு, மூச்சை விட்டுக்கொண்டே இரு கைகளாலும் துடுப்புப் போடுவது போல செய்ய வேண்டும். பின்பக்கம் சாயும்போது மூச்சை இழுப்பது, முன்பக்கம் வரும்போது மூச்சை விடுவது எனச் செய்ய வேண்டும். கைகளை முன்புறம் சுழற்றி மூன்று முறை, பின்புறம் சுழற்றி மூன்று முறை செய்த பின், ரிலாக்ஸ் செய்ய வேண்டும்.

கவனிக்க:
தோள்பட்டையில் அடி, தீவிர முதுகுவலி,  குடலிறக்கம், பக்கவாதம், வலிப்பு நோய், காய்ச்சல், உடல்வலி போன்ற பாதிப்பு உள்ளவர்கள், அறுவைசிகிச்சை செய்தவர்கள், கர்ப்பிணிகள் இந்தப் பயிற்சியைத் தவிர்க்க வேண்டும்.

உடலினை உறுதிசெய் - 21

பலன்கள்

முன்னும் பின்னும் அசைந்து செய்வதால், உடலின் நெகிழ்வுத்தன்மை அதிகரிக்கும்.

தொடை, கெண்டைக் கால், பின்புறத் தசைகள்  வலுவடையும். வலிகள் நீங்கும்.

கால்வலி, முதுகுவலி உள்ளவர்கள், உட்கார்ந்து வேலை செய்வோர், நீண்ட தூரம் பைக்கில் பயணிப்போர் செய்திட, தோள்பட்டையின் அசைவுத்தன்மை அதிகரிக்கும். வலி நீங்கும்.

அடிவயிறு, பெல்விக் பகுதியில் வரும் பிரச்னைகள் நீங்கும். பெண்கள் செய்திட, மாதவிடாய் காலங்களில் வரும் தொந்தரவுகள் சரியாகும்.

அடிவயிறுக்கு மசாஜ் போல இந்தப் பயிற்சி செயல்படுவதால், மலச்சிக்கல் பிரச்னை தீரும்.

- ப்ரீத்தி, படங்கள்: தே.அசோக்குமார்

மாடல்: சவிதா

உதவி: ட்ரைமெட் மருத்துவமனை

உடலினை உறுதிசெய் - 21

யோகாவுக்குத் தயாராகும் முன்னர் கண்களை மூடி, கைகளில் சின் முத்திரை வைத்து, 10 முறை மூச்சைக் கவனிக்க வேண்டும். யோகா முடிந்ததும், சப்பளங்கால் போட்டு அமர்ந்து, கைகள் கூப்பியபடி, மூன்று முறை ‘ஆம்’ (Aum) சப்தம் சொல்லி, ‘சாந்தி... சாந்தி... சாந்தி’ என்று மூன்று முறை உச்சரித்து முடிக்க வேண்டும்.