Published:Updated:

ஸ்டார் ஃபிட்னெஸ் - அமீர்கான்!

ஸ்டார் ஃபிட்னெஸ் - அமீர்கான்!
பிரீமியம் ஸ்டோரி
ஸ்டார் ஃபிட்னெஸ் - அமீர்கான்!

ஸ்டார் ஃபிட்னெஸ் - அமீர்கான்!

ஸ்டார் ஃபிட்னெஸ் - அமீர்கான்!

ஸ்டார் ஃபிட்னெஸ் - அமீர்கான்!

Published:Updated:
ஸ்டார் ஃபிட்னெஸ் - அமீர்கான்!
பிரீமியம் ஸ்டோரி
ஸ்டார் ஃபிட்னெஸ் - அமீர்கான்!
ஸ்டார் ஃபிட்னெஸ் - அமீர்கான்!

‘டங்கல்’ படத்துக்காக 6 மாத இடைவெளியில் 25 கிலோ எடை ஏற்ற வேண்டிய நிலை. “முதல்ல சிக்ஸ் பேக் போர்ஷன முடிச்சிடலாம் சார். அப்புறம் வெயிட் கூட்டுங்க” என்றார் இயக்குநர். சிறிது நேரம் யோசித்த ஹீரோ “இல்லங்க. முதல்ல எடை ஏத்திடறேன். அப்பதான் படத்துக்காக உடனே வெயிட் குறைப்பேன். இல்லைன்னா அப்படியே விட்டுடுவேன்” என்றார் அமீர் கான். இந்த டெடிகேஷன்தான் அமீர் கான். சினிமா என்றால் அமீர்கானுக்கு எதுவும் சுலபம்தான். இந்த முறை கொஞ்சம் கூடுதல் சிரமமான வேலை. எப்படி செய்தார்?

*இந்த காலகட்டத்தில் அமெரிக்காவில் இருந்தார் அமீர். தினமும் காலை 6 மணிக்கு தொடங்கும் அமீர் கானின் நாள். மலைப் பிரதேசம் என்பதால் ட்ரெக்கிங்தான் முதல் பயிற்சி. சைக்கிள் மூலமாகவும் நடந்தும் மலையேறுவார். ரெஸ்லிங் வீரர் கதாபாத்திரம் என்பதால் கால்கள் வலுவாக இருக்க வேண்டும். அதற்கு ட்ரெக்கிங் சரியான வழி என்பதால் இந்த முறை ட்ரெக்கிங்குக்கு டிக் அடித்திருக்கிறார்.

*ஒருநாளைக்கு 1800 கலோரிதான். அதிலும் இனிப்புகள், கார்போ கிடையாது. புரதச்சத்தாகவும், இதர சத்தாகவும் உண்டுதான் கலோரிகளை கூட்ட வேண்டும். டைம் டேபிள் போட்டு சாப்பிட்டார்.

ஸ்டார் ஃபிட்னெஸ் - அமீர்கான்!

ஒட்டுமொத்த விகடனுக்கும் ஒரே ஷார்ட்கட்!

*தினமும் பள்ளிக்கு போவதை போலதான் அமீர் கானின் அந்த வொர்க்அவுட் நாட்கள் சென்றன. ட்ரெக்கிங் முடித்து திரும்பியதும் சாப்பிடுவார். கொஞ்சம் நேரம் ஓய்வு. பின், டென்னிஸ் டைம். இரண்டு மணி நேரம் ‘நான் ஸ்டாப்’ டென்னிஸ். ஓடி, களைத்து, வியர்த்து முடிக்கும் போது டென்னிஸிலும் வென்றிருப்பார். எதை எடுத்தாலும் அதில் உச்சம் தொடுவது அமீர்கானின் ஸ்டைல் ஆயிற்றே!

*மதிய உணவும் அட்டவணைப்படிதான். கொஞ்சம் பழங்கள் இருக்கும். மாலை ஆனதும் நீச்சல். காலை முதல் உழைத்துக் கொண்டேயிருந்தாலும் கொஞ்சமும் தொய்வாகாமல் தண்ணீரில் குதித்திருக்கிறார் அமீர் கான். நீச்சல் அவருக்கு பிடித்த வொர்க்அவுட் என்பதும் ஒரு காரணமாக இருக்கலாம்.

*ஏழு மணிக்கே இரவு உணவு. அதாவது ஃபைபர் உணவுகள், கொஞ்சம் காய்கறி சாலட் என எளிமையான உணவுகள்தான். இரவு நேர வாழ்க்கைக்கு பிரபலமான பாலிவுட்டின் முன்னணி ஹீரோ 8 மணிக்கெல்லாம் தூங்கச் சென்றிருக்கிறார். அப்போதுதான் அதிகாலை ட்ரெக்கிங் செல்ல உடல் ஒத்துழைக்கும். “ஒரு படத்துக்காக இவ்வளவா” என்பவர்களுக்கு அமீர் கான் பதில் சொன்னால் இப்படித்தான் சொல்வார் “இது என்னுடைய உடல். அது சொல்வதை நான் கேட்க வேண்டும். நான் சொல்வதை அது கேட்க வேண்டும்.” உண்மையான ஆரோக்கியமும் அதுதான்.

- கார்க்கிபவா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism