Published:Updated:

உடல் சமநிலைக்கு உத்தரவாதம் தரும் பயிற்சிகள்!

ஒட்டுமொத்த விகடனுக்கும் ஒரே ஷார்ட்கட்

Use App
உடல் சமநிலைக்கு உத்தரவாதம் தரும் பயிற்சிகள்!
உடல் சமநிலைக்கு உத்தரவாதம் தரும் பயிற்சிகள்!

ஃபிட்னெஸ்கார்த்திக் முருகேசன், பிசியோதெரபிஸ்ட்

பிரீமியம் ஸ்டோரி

நாம் எந்த வேலையைச் செய்யவேண்டும் என்றாலும், அதற்கு உறுதுணையாக இருப்பது நமது உடலின் சமநிலைத்தன்மை. பல்வேறு காரணங்களால், உடல் சமநிலைத்தன்மையில் குறைபாடு ஏற்படும் வாய்ப்பு உண்டு. அவற்றை மேம்படுத்த, இந்த பேலன்ஸிங் பயிற்சிகள் உதவும். நாம் அடிக்கடி விளையாட்டாகச் செய்யக்கூடிய சிலவற்றைப் பயிற்சிகளாகச் செய்யலாம். இப்படிச் செய்யும்போது, விளையாட்டுடன் அதற்கான பலன்களும் நமக்குக் கிடைக்கும். பேலன்ஸிங் பெற உதவும் பெர்ஃபெக்ட் பயிற்சிகள் இங்கே...

யார் செய்யலாம்... செய்யக் கூடாது?

70 வயது வரை உள்ள அனைவரும் இந்தப் பயிற்சிகளைச் செய்யலாம். பேலன்ஸிங் குறைபாடு  உள்ளவர்களும், பக்கவாதம் உள்ளவர்களும் இந்தப் பயிற்சியைத் தாராளமாகச் செய்யலாம். அறுவைசிகிச்சை செய்துகொண்டவர்கள், அடிபட்டவர்கள் செய்யக் கூடாது.

இதில் உள்ள அனைத்துப் பயிற்சிகளையும் தினமும் மூன்று வேளைகளும் செய்யலாம். 15 விநாடிகள் 10 முறை என்ற கணக்கில் தொடர்ந்து செய்யலாம்.

உடல் சமநிலைக்கு உத்தரவாதம் தரும் பயிற்சிகள்!

ஒன் லெக் ஸ்டேண்டிங் (One Leg Standing)

பயிற்சி: விரிப்பில் நேராக நிற்க வேண்டும். கைகளைப் பக்கவாட்டில் நீட்டி, இடது காலை மடக்கி நொண்டி அடிப்பதுபோல் நிற்க வேண்டும்.  இந்த நிலையில் 15 விநாடிகள் நிற்க வேண்டும். பிறகு, மீண்டும் பழையநிலைக்குத் திரும்ப வேண்டும். இதேபோல வலது காலுக்கும் செய்ய வேண்டும். இது ஒரு செட். இதைத் தொடர்ந்து 10 முறை செய்யலாம்.

பலன்கள்: உடல் சமநிலைத்தன்மை பெற உதவும்; கால் தசைகள் வலுப்பெறும்; முதுகுத்தண்டு நேராக உதவும்.

உடல் சமநிலைக்கு உத்தரவாதம் தரும் பயிற்சிகள்!

பேக் வாக் (Back Walk)

பயிற்சி: விரிப்பில் நேராக நிற்க  வேண்டும். இப்போது, முன்புறம் பார்த்தபடியே பின்னோக்கி நடக்க வேண்டும். குறிப்பாக எந்தப் பக்கமும் திரும்பக் கூடாது.

பலன்கள்: கவனமின்மை குறையும்; உடலை நம் கட்டுப்பாட்டில் வைத்திருக்க உதவும்.

உடல் சமநிலைக்கு உத்தரவாதம் தரும் பயிற்சிகள்!

சைடு பை சைடு (Side By Side)

பயிற்சி: விரிப்பில் நேராக நிற்க வேண்டும். கைகளை இடுப்பில் வைத்துக்கொள்ள வேண்டும். இப்போது, இடது காலைப் பக்கவாட்டில் மேலே உயர்த்த வேண்டும். முடிந்த அளவு உயர்த்துவது போதுமானது. இந்த நிலையில் 15 விநாடிகள் நிற்க வேண்டும். பின் மீண்டும் பழையநிலைக்கு வர வேண்டும். இதேபோன்று வலது காலுக்கும் செய்ய வேண்டும். இது ஒரு செட். இதேபோல் தொடர்ந்து 10 முறை செய்யலாம்.

பலன்கள்: கால் தசைப் பிடிப்புகள் நீங்கும்; உடல் சமநிலை பெற உதவும்; வயிற்றுப் பகுதியில் உள்ள தசைகள் இறுகும்.

உடல் சமநிலைக்கு உத்தரவாதம் தரும் பயிற்சிகள்!

நீ பெண்ட் (Knee Bend)

பயிற்சி: விரிப்பில், நாற்காலியின் பின்புறம் நேராக நிற்க வேண்டும். நாற்காலியின் மீது கைகளை வைத்துக்கொள்ளவும். பின்பு, முட்டியைச் சிறிது மடக்கியபடி நிற்க வேண்டும். இந்த நிலையில்15 விநாடிகள் நிற்க வேண்டும். பின் மீண்டும் பழையநிலைக்கு வர வேண்டும். இதேபோல் தொடர்ந்து 10 முறை செய்யலாம்.

பலன்கள்: முட்டிவலி உள்ளவர்களுக்கு நல்ல பலன் கிடைக்கும்; முட்டிவலியைப் போக்கும்; கால் தசைகளை உறுதியாக்கும்.

உடல் சமநிலைக்கு உத்தரவாதம் தரும் பயிற்சிகள்!

டாண்டெம் வாக் ஸ்டேண்டிங் (Tandem Walk Standing)

பயிற்சி: விரிப்பில் நேராக நிற்க வேண்டும். கால்முட்டியை மடக்காமல், ஒவ்வோர் அடியாக அடிமேல் அடி வைத்து அடிப் பிரதட்சணம் செய்வதுபோல் நடக்க வேண்டும்.

பலன்கள்:
பாதத் தசைகளில் உள்ள வலி நீங்கும்; கணுக்காலில் ஏற்படும் வலி குறையும்; நடக்கும்போது ஏற்படும் தடுமாற்றம் குறையும்.

உடல் சமநிலைக்கு உத்தரவாதம் தரும் பயிற்சிகள்!

ஸ்குவாட்டிங் (Squating)

பயிற்சி:
விரிப்பில், நேராக நிற்க வேண்டும். பின்பு, கைகளை முன்புறமாக நீட்டி, பாதி அமர்ந்த நிலையில் நிற்க வேண்டும். இந்த நிலையில் 15 விநாடிகள் வரை நிற்க வேண்டும். பின், மீண்டும் பழையநிலைக்குத் திரும்ப வேண்டும். இதேபோல், 10 முறை செய்யலாம்.

பலன்கள்:  சீரான இதயத் துடிப்புக்கு உதவும்; உடலில் உள்ள கொழுப்பைக் குறைக்கும்;உடல் எடையைக் குறைக்கும். காலின் வடிவமைப்பை மேம்படுத்தும்.

உடல் சமநிலைக்கு உத்தரவாதம் தரும் பயிற்சிகள்!

டோ ஸ்டேண்டிங் (Toe Standing)

பயிற்சி: விரிப்பில் நேராக நிற்க வேண்டும். கால்களை மடக்காமல், குதிகால்களை மட்டும் தூக்க வேண்டும். நம்முடைய உடலின் முழு எடையையும் காலின் முன்புறம் தாங்குமாறு நிற்க வேண்டும். இந்த நிலையில் 15 விநாடிகள் நிற்க வேண்டும். பிறகு, மீண்டும் பழையநிலைக்கு வர வேண்டும். இதேபோல் தொடர்ந்து 10 முறை செய்யலாம்.

பலன்கள்:
கால் சமநிலைத்தன்மை பெற உதவும்; கால் தசைகள் வலுப்பெறும்; முதுகுத்தண்டு நேராக உதவும்.

- ச.மோகனப்பிரியா, அ. ஐஸ்வர்ய லட்சுமி

படங்கள்: வாசீம் இஸ்மாயில்

மாடல்: கோமா கார்த்தி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு