Published:Updated:

ஸ்டார் ஃபிட்னெஸ் - அதர்வாவின் அசத்தல் ஃபிட்னெஸ்!

ஸ்டார் ஃபிட்னெஸ் - அதர்வாவின்  அசத்தல்  ஃபிட்னெஸ்!
பிரீமியம் ஸ்டோரி
ஸ்டார் ஃபிட்னெஸ் - அதர்வாவின் அசத்தல் ஃபிட்னெஸ்!

உடலுக்கு ட்ரெக்கிங்...மனசுக்கு டிராவலிங்...

ஸ்டார் ஃபிட்னெஸ் - அதர்வாவின் அசத்தல் ஃபிட்னெஸ்!

உடலுக்கு ட்ரெக்கிங்...மனசுக்கு டிராவலிங்...

Published:Updated:
ஸ்டார் ஃபிட்னெஸ் - அதர்வாவின்  அசத்தல்  ஃபிட்னெஸ்!
பிரீமியம் ஸ்டோரி
ஸ்டார் ஃபிட்னெஸ் - அதர்வாவின் அசத்தல் ஃபிட்னெஸ்!

டத்துக்குப் படம் லுக்லைக்கில் வெரைட்டி காட்டினாலும், உடலைக் கச்சிதமாகப் பார்த்துக்கொள்ளும் நடிகர்களில் ஒருவர் அதர்வா. தன் ஃபிட்னெஸ் ரகசியங்களைப் பற்றி அவர் பகிர்ந்துகொள்ளும் தகவல்கள் சுவாரஸ்யமாக இருக்கின்றன.

ஸ்டார் ஃபிட்னெஸ் - அதர்வாவின்  அசத்தல்  ஃபிட்னெஸ்!

‘‘ஃபிட்னெஸ், நடிகர்களுக்கு மட்டுமல்ல, எல்லோருக்குமே ரொம்ப முக்கியம். ஷூட்டிங் இருக்கோ, இல்லையோ தினமும் ஒன்றரை மணி நேரம் உடற்பயிற்சிக்காக நேரம் ஒதுக்கிடுவேன். என்னோட ஃபிட்னெஸுக்கு முக்கியமான காரணம், உடற்பயிற்சியைத் தவறாமல் ஃபாலோ பண்றதுதான்.

ஃபிட்னெஸ் தொடர்பான ஒரு புத்தகத்தைப் புரட்டி, அதுல இருக்கிற பயிற்சிகளை எல்லாம் பண்ணணும்னு அவசியம் இல்லை. நான் அப்படிப் பண்ணவும் மாட்டேன். உடற்பயிற்சிகளின் அடிப்படைத் தன்மையைப் புரிஞ்சுக்கிட்டு, எது நமக்கு எளிமையா இருக்கோ அதைச் செய்யலாம். ஏன்னா, ஒவ்வொரு நாளும் நாம ஒவ்வொரு மனநிலையில இருப்போம். நான், அந்தந்த மனநிலைக்குத் தகுந்த மாதிரி கடினமான அல்லது எளிமையான உடற்பயிற்சிகளைப் பண்ணுவேன். காலையில சீக்கிரம் எழுந்து, வாக்கிங், புஷ்-அப், ஸ்பிட் ஸ்குவாட்னு சில பயிற்சிகள் பண்ணுவேன். பயிற்சிகளுக்கு முன்னாடி ரெண்டு லிட்டர் தண்ணீர் குடிப்பேன். என்னோட பயிற்சிகள் எப்பவுமே சிம்பிள் அண்ட் பெஸ்ட்டா இருக்கும். பயிற்சிகளுக்குப் பிறகு பழங்கள், வேகவைத்த முட்டை சாப்பிடுவேன்.

ஸ்டார் ஃபிட்னெஸ் - அதர்வாவின்  அசத்தல்  ஃபிட்னெஸ்!

ஷூட்டிங்ல இருக்கும்போது, ஸ்பாட்லேயே பயிற்சிகள் செய்வேன். பிரேக்ல அடிக்கடி ஜூஸ் குடிப்பேன். தினமும் இரவு ஏழு மணியிலிருந்து எட்டு மணிக்குள்ள என்னோட இரவு உணவு முடிஞ்சிடும். சாப்பிட்டதும் தூங்கிட மாட்டேன். எனக்கு ஓர் இடத்துல சும்மாவே உட்கார்ந்து இருக்கிறது பிடிக்காது. ஏதாவது விளையாடுவேன். இவைதான் ஃபிசிக்கலா நான் பண்ற விஷயங்கள். டயட்டை ரொம்பத் தீவிரமா ஃபாலோ பண்ணுவேன். சிலர் கொஞ்சநாள் டயட்டை ஃபாலோ பண்ணிட்டு, அப்படியே விட்டுடுவாங்க. அப்படிப் பண்றதுல பிரயோஜனமே இல்லை. நான், வாரத்துல ஐந்து நாள்கள் டயட்டைக் கட்டாயம் ஃபாலோ பண்ணுவேன். ஒரே ஒருநாள் மட்டும் பிடிச்சதைச் சாப்பிடுவேன்.  ஏன்னா, நான் விதவிதமா சாப்பிட்டுப் பழகின ஆளு. சினிமாவுக்கு வந்த பிறகு அதையெல்லாம் மறந்துடணும்னு முடிவுபண்ணிட்டேன்.

நான் எடுத்துக்கிற டயட்ல பெரும்பாலும் காய்கறிகள்தான் இருக்கும். வேகவைத்த சிக்கன், முட்டை அப்பப்போ எடுத்துக்குவேன். மசாலா தடவிய அசைவ உணவுகள் எதையுமே நான் எடுத்துக்கிறதில்லை. உடற்பயிற்சிகள் மட்டுமல்ல, என்னோட டயட்டும் இப்படி எளிமையாத்தான் இருக்கும்.

தவிர, என்னோட உடம்பை ஃபிட்டா வெச்சுக்கிறதுக்கு உடற்பயிற்சிகள், டயட்... இந்த ரெண்டு விஷயங்களைத் தவிர்த்து இன்னொரு காரணமும் இருக்கு. அதுதான், டிராவல். அடிக்கடி டிராவல், ட்ரெக்கிங் போவேன். அப்படிப் போகும்போது உடம்புக்கும் மனசுக்கும் புது அனுபவம் கிடைக்கும். சமீபத்துலகூட  ஹிமாச்சல் போயிட்டு வந்தேன். இவ்வளவுதான் உடம்புக்கு நான் தர்ற பயிற்சிகள். மற்றபடி, சிக்ஸ்பேக் வைக்கிறது, எய்ட் பேக் வைக்கிறது எல்லாமே அவங்கவங்க உடல்நிலையைப் பொறுத்தது. நம்ம உடம்புக்கு அது செட் ஆகுமானு தெரிஞ்சுக்கிட்டுப் பண்ணுங்க. ஒரு நாளைக்கு ஒரு மணி நேரமாவது உடற்பயிற்சிக்கு நேரம் ஒதுக்குங்க. ஏன்னா, உடம்பு நல்லா இருந்தாதான் மனசும் நல்லா இருக்கும்!’’

- கே.ஜி.மணிகண்டன்