Published:Updated:

முதுமையைத் தாமதமாக்கும் ஃபேஷியல் யோகா

முதுமையைத் தாமதமாக்கும் ஃபேஷியல் யோகா
பிரீமியம் ஸ்டோரி
முதுமையைத் தாமதமாக்கும் ஃபேஷியல் யோகா

மாலதி, யோகா மற்றும் இயற்கை மருத்துவர்

முதுமையைத் தாமதமாக்கும் ஃபேஷியல் யோகா

மாலதி, யோகா மற்றும் இயற்கை மருத்துவர்

Published:Updated:
முதுமையைத் தாமதமாக்கும் ஃபேஷியல் யோகா
பிரீமியம் ஸ்டோரி
முதுமையைத் தாமதமாக்கும் ஃபேஷியல் யோகா

கத்தின் அழகு முகத்தில் தெரியும் என்பார்கள். முக அழகுக்கு முக்கியத்துவம் கொடுக்காதவர்களே இல்லை எனச் சொல்லலாம். முகம் பளிச்சிட நாம் மேற்கொள்ளும் பராமரிப்புகள் பல. இளமையைத் தக்க வைப்பதற்கு காஸ்ட்லியான காஸ்மெட்டிக்ஸ், மாதம் தவறாத பார்லர் விசிட்.... இவற்றின் தேவையே இல்லாமல் செய்கிறது ஃபேஷியல் யோகா.  முகத்துக்கான யோகா பயிற்சிகளான இவை, முதுமைத்தோற்றத்தைத் தள்ளிப்போட்டு உங்களை என்றும் பதினாறாக வைக்கும். அதற்கான பயிற்சிகள் இங்கே...

முதுமையைத் தாமதமாக்கும் ஃபேஷியல் யோகா

கபால் ராந்திரா தாட்டி (Kapal Randhra Dhauti)

பத்மாசன நிலையிலோ அல்லது சாதாரணமாகவோ உட்கார வேண்டும். முதுகுத்தண்டு நேராக இருக்கும்படி அமர வேண்டும்.

* கைகளை நெற்றியின்மீது வைக்க வேண்டும். பெருவிரல் கண்களின் பக்கவாட்டில் இருக்கட்டும். இப்போது மூச்சை இழுத்து விட வேண்டும்.

முதுமையைத் தாமதமாக்கும் ஃபேஷியல் யோகா



* பெருவிரல் மற்றும் ஆள்காட்டி விரலை ஒன்றாகக் குவித்துப் புருவத்தின்மீது வைக்க வேண்டும்.  

* பெருவிரலைக் கன்னத்திலும், மீதி உள்ள நான்கு விரல்களையும் கன்னத்தின் மேல்புறத்திலும் வைத்து சற்று அழுத்தம் கொடுக்க வேண்டும்.

* கைகளைக் கன்னத்தில் வைத்து மென்மையாக முகம் கழுவுவதுபோல் தேய்க்க வேண்டும்.

* கைகளைப் பக்கவாட்டில் மடக்கி, ஆள்காட்டி விரலை உதட்டுக்கு மேலும், நடுவிரலை தாடையின் மேலும் வைக்க வேண்டும்.

* தலையைப் பின்புறமாகச் சாய்த்து, தொண்டைப் பகுதிக்கு மேல் கைகளை மேலும்கீழுமாக வைக்க வேண்டும்.

இந்த நிலையில் சில விநாடிகள் இருக்கவேண்டும். பிறகு, மீண்டும் பழைய நிலைக்கு வரவேண்டும்.

பலன்கள்: மனஅமைதிக்கு உதவுகிறது. முகத் தசைகளில் ரத்த ஓட்டம் சீராகும். முகம் பொலிவு பெறுவதோடு, முகக் கொழுப்பு குறையும்.

முதுமையைத் தாமதமாக்கும் ஃபேஷியல் யோகா

கபாலபதி (Kapalbhati)

பத்மாசன நிலையிலோ அல்லது சாதாரணமாகவோ அமர வேண்டும். முதுகுத்தண்டு நேராக இருக்க வேண்டும். கைகள் இரண்டையும் சின் முத்திரையில் வைக்க வேண்டும். ஆள்காட்டி விரல் நுனியும் கட்டைவிரல் நுனியும் தொட்டுக்கொண்டிருப்பதே சின் முத்திரை. கண்களை மூடி சீராக மூச்சை இழுத்துவிட வேண்டும். இதேபோல், தொடர்ந்து 2 நிமிடங்கள் செய்யலாம்.

பலன்கள்: ரத்த ஓட்டம் சீராகப் பாய உதவுகிறது. நோய் எதிர்ப்புச் சக்தியை அதிகரிக்கிறது. மேலும், உடல் எடை குறைக்க உதவுவதோடு, கண்களுக்கு ஓய்வும் தரும்.

முதுமையைத் தாமதமாக்கும் ஃபேஷியல் யோகா

ஷண்முகி முத்திரை (Shanmukhi Mudra)

பத்மாசன நிலையில் (சப்பணம் இட்டு) அமர வேண்டும். இரண்டு கைகளையும் முகத்தின்மீது வைக்க வேண்டும். கைகளின் பெருவிரல் காதுகளைத் தொட்டபடி இருக்கட்டும். இப்போது, ஆள்காட்டி விரல் கண்களுக்கு மேலும், நடுவிரல் மூக்கின் பக்கவாட்டிலும், மோதிர விரல் மூக்கின் மேலும், சுண்டு விரல் தாடையையும் தொட்டுக்கொண்டிருக்க வேண்டும். சீராக மூச்சை இழுத்துவிட வேண்டும். இதேநிலையில், ஐந்து நிமிடங்கள் வரை இருக்கலாம்.

பலன்கள்: இது, உடலின் சமநிலைத்தன்மையை மேம்படுத்த உதவும். மனச்சோர்வு, மனஅழுத்தத்தைக் குறைப்பதோடு கண்கள் ஓய்வு பெறவும் உதவுகிறது.

முதுமையைத் தாமதமாக்கும் ஃபேஷியல் யோகா

ஷீட்டலி பிராணாயாமம் (Sheetali pranayama)

பத்மாசன நிலையில் உட்கார வேண்டும். இரண்டு கைகளையும் சின் முத்திரையில் வைக்க வேண்டும். கண்கள் மூடிய நிலையில் நாக்கை வெளியே நீட்டி, உருளை போன்று உட்புறமாக மடக்கி வைத்துக்கொள்ள வேண்டும். இப்போது நாக்கின் வழியாக மூச்சை உள் இழுக்க வேண்டும். மூச்சை உள்ளே இழுத்ததும், நாக்கை உள்ளே கொண்டு செல்ல வேண்டும். பிறகு, பற்களின் வழியாக மூச்சை வெளியிட வேண்டும். இதேபோல் ஐந்து முறை செய்யலாம். இறுதியாக, இரண்டு கைகளின் உள்ளங்கைகளையும் தேய்த்து, கண்களில் வைக்க வேண்டும். பின்பு கண்களைத் திறக்க வேண்டும்.

பலன்கள்: உடல் குளிர்ச்சி அடைய உதவுகிறது. சுவாசம் உடலினுள் சீராகப் பரவ உதவுகிறது. நுரையீரல் பிரச்னைகள், சளி மற்றும் காய்ச்சலைக் குணப்படுத்தக்கூடியது. மன அமைதிக்கு உதவுகிறது.

முதுமையைத் தாமதமாக்கும் ஃபேஷியல் யோகா

வருண் முத்திரை (Varun Mudra)

சப்பணம் இட்டு, முதுகுத்தண்டு நிமிர்ந்து உட்கார வேண்டும். உள்ளங்கை வானத்தை நோக்கி இருக்குமாறு நீட்ட வேண்டும். இப்போது, சுண்டுவிரல் நுனியும் பெருவிரல் நுனியும் தொட்டுகொண்டிருக்க வேண்டும். இதேநிலையில் ஐந்து நிமிடங்கள் வரை இருக்க வேண்டும்.

பலன்கள்: உடல் நீர்வறட்சி ஏற்படாமல் இருக்க உதவும். தொண்டை வறட்சியைச் சரிசெய்வதோடு, செரிமானத்துக்கு உதவும். சரும வறட்சியைச் சரிசெய்து, சருமம் புத்துணர்வு பெற உதவும்.

மீன் போன்று சிரியுங்கள் (Smiling Fish)

மெல்லிய புன்னகையோடு, கன்னத்தை உள்ளே இழுத்துக்கொள்வது போலச் செய்யவேண்டும். உதட்டை மீன் போன்று குவித்து வைத்துக்கொள்ள வேண்டும். இந்தநிலையில் சில விநாடிகள் வரை இருக்கலாம்.

முதுமையைத் தாமதமாக்கும் ஃபேஷியல் யோகா

வானத்துக்கு முத்தம் கொடுங்கள் (Blow kisses)

தலையைப் பின்புறமாகச் சாய்த்து, வானத்தை நோக்கிப் பாருங்கள். இப்போது, உதட்டைக் குவித்து, முத்தம் கொடுப்பதுபோல வைக்க வேண்டும். இதேநிலையில் சில நொடிகள் இருக்கலாம். பிறகு, பழைய நிலைக்குக் கொண்டுவர வேண்டும். சிறிது இடைவெளி விட்டு இந்தப் பயிற்சியை 10 முறை செய்யலாம்.

முதுமையைத் தாமதமாக்கும் ஃபேஷியல் யோகா

வாய் கொப்பளிக்கலாம் (Gargle)

காற்றை, வாய்க்குள் இழுத்து வைத்துக்கொண்டு உதட்டைக் குவிக்க வேண்டும். இப்போது, காற்றை ஒரு கன்னத்தில் இருந்து மறு கன்னத்துக்குக் கொண்டு செல்ல வேண்டும். இதேபோல் மாற்றி மாற்றிச் செய்ய வேண்டும். இந்தப் பயிற்சி கிட்டத்தட்ட நாம் வாய்க் கொப்பளிக்கும் செயல்போல் இருக்கும். இதேபோன்று தொடர்ந்து 10 முறை செய்யலாம்.

முதுமையைத் தாமதமாக்கும் ஃபேஷியல் யோகா

பப்பெட் ஃபேஸ் (Puppet Face)

புன்னகைத்த நிலையில் கைகளைக் கன்னங்களின்மேல் வைக்க வேண்டும். இப்போது முகத்தின் மீது கைவைத்து மென்மையாக அழுத்தி மேலும் கீழுமாக அசைக்க வேண்டும். இந்தப் பயிற்சியை உதட்டுக்கு மேல் மட்டும்தான் செய்ய வேண்டும். இதை 10 விநாடிகள் வரை செய்யலாம்.

முதுமையைத் தாமதமாக்கும் ஃபேஷியல் யோகா

மெல்ல மெல்லப் புன்னகைக்கலாம் (The Sphinx Smile)

சாதாரணமாக முகத்தை வைத்துக் கொள்ளவேண்டும். மெல்ல மெல்லப் புன்னகை செய்ய வேண்டும். கண்கள் சாதாரணமாக இருக்கட்டும். இதேபோல், ஐந்து முறை செய்யலாம்.

முதுமையைத் தாமதமாக்கும் ஃபேஷியல் யோகா

ஆச்சர்யப்படுத்துங்கள் (Surprise Me)

சாதாரணமாக முகத்தை வைத்துக் கொள்ளவேண்டும். இப்போது, ஆச்சர்யப்படுவதுபோல் முகத்தின் பாவனையை மாற்ற வேண்டும். மீண்டும் பழைய நிலைக்கு வர வேண்டும். இதேபோல் மாறி மாறி ஐந்து முறை செய்யலாம்.

பலன்கள்: முகத்தில் உள்ள சதைகளைக் குறைக்க உதவுகிறது. முகத்தசைகளில் ரத்த ஓட்டம் சீராகும். களையான முகஅமைப்புக்கு உதவும். கன்னங்களில் உள்ள கொழுப்பைக் குறைக்க உதவும். கன்னத்தில் உள்ள தசைகளில் இயக்கங்கள் ஏற்பட்டு ரத்த ஓட்டத்தை மேம்படுத்தும்.

- ச.மோகனப்பிரியா
படங்கள்: மீ.நிவேதன்
மாடல்: பவித்ரா வர்ஷா