Published:Updated:

ஸ்டார் ஃபிட்னெஸ் - அரை வயிற்றுச் சாப்பாடு... அதிகம் பேசாத அமைதி...

ஒட்டுமொத்த விகடனுக்கும் ஒரே ஷார்ட்கட்

Use App
ஸ்டார் ஃபிட்னெஸ் - அரை வயிற்றுச் சாப்பாடு... அதிகம் பேசாத அமைதி...
ஸ்டார் ஃபிட்னெஸ் - அரை வயிற்றுச் சாப்பாடு... அதிகம் பேசாத அமைதி...

நடிகர் விஜயின் ‘என்றும் இளமை’ சீக்ரெட்ஸ்

பிரீமியம் ஸ்டோரி

43வது வயதில் அடியெடுத்து வைத்திருக்கும் விஜய் தற்போது 61வது படத்தில் நடித்துக்கொண்டிருக்கிறார். அதே ஸ்லிம், ஸ்பிரிங் உடம்பும் இளமையுமாக வலம்வருவது விஜய் ஸ்பெஷல். இந்த இளமையைத் தக்கவைத்துக்கொள்ள அவர் என்னவெல்லாம் செய்கிறார்?

படப்பிடிப்பு என்றால் அதிகாலை 5 மணிக்கு எழுந்துவிடுவார். வீட்டிலேயே உள்ள ஜிம்மில் அரைமணிநேர ஜாகிங் அல்லது ட்ரெட்மில் வாக்கிங்.  இது வார்ம்அப் பயிற்சி மட்டும் அல்ல, ஒட்டுமொத்த உடற்பயிற்சியுமே அவ்வளவுதான். அதிகாலையிலேயே படப்பிடிப்புத் தளத்தில் இருக்க வேண்டும் என்றால் காலையில் விட்ட நடைப்பயிற்சியை ஷூட்டிங் முடித்து வந்ததும் மாலையில் மறக்காமல் முடித்துவிடுவார்.

மூன்று இட்லி அல்லது இரண்டு தோசை, இவ்வளவுதான் விஜயின் காலை உணவு. மதியம் சிக்கன் பிளஸ் சப்பாத்தி. அதுவும் சப்பாத்தி குறைவாகவும் சிக்கன் அதிகமாகவும் இருக்க வேண்டும். சைவ உணவென்றால் காய்கறி பிளஸ் சப்பாத்தி. இந்த காம்பினேஷனிலும் சப்பாத்தி குறைவாகவும் காய்கறிகள் அதிகமாகவும் இருக்க வேண்டும். மட்டனைத் தொட மாட்டார். நொறுக்குத்தீனிக்கு எப்போதும் நோதான்!
‘வயிற்றை நிரப்பாதே’ - இதுதான் விஜய்யின் டயட் மந்திரம். எவ்வளவு பசித்தாலும் எவ்வளவு ருசித்தாலும் அரை வயிற்றுக்குமேல் சாப்பிடவே மாட்டார். மாலையில் ஃப்ரூட் சாலட் கட்டாயம். பிறகு டீ, காபி, சூப் இந்த மூன்றில் ஏதாவது ஒன்று. கூடவே கொஞ்சம் பிஸ்கட். இரவு மீண்டும் இட்லி, தோசை. ஆனால் ஏழு மணிக்குள் சாப்பாட்டை முடித்துவிட்டு 10 மணிக்குள் தூங்கச் சென்றுவிடுவார்.

ஸ்டார் ஃபிட்னெஸ் - அரை வயிற்றுச் சாப்பாடு... அதிகம் பேசாத அமைதி...

மாதம் ஒருமுறை சென்னைக்குள்ளேயே ஃபேமிலி அவுட்டிங். எந்த இடம் என்பதை முடிவு செய்வது மகன் சஞ்சய். பெரும்பாலும் அது சிட்டிக்குள் ஏதாவது ஹோட்டலாக இருக்கும். இப்படி வெளியில் சாப்பிடும் நேரங்களில் விஜய் விரும்பிச் சாப்பிடுவது மீன்.

‘எப்படி அப்படியே இருக்கீங்க. ஒரே மாதிரி உடம்பை எப்படி மெயின்டெயின் பண்றீங்க?’ இது விஜயைச் சந்திப்பவர்கள் அவரிடம் தவறாமல் கேட்கும் கேள்வி. இப்படிச் சமீபத்தில் கேட்டவர்கள் சமந்தாவும் சிவகார்த்திகேயனும். ‘அதுக்காக ஸ்பெஷலா எதுவும் பண்றது இல்லை. என் ஜீனே அப்படித்தான்னு நினைக்கிறேன்...’ அவர்களிடம் சொன்ன இதே பதில்தான் அனைவருக்கும்.

ஆனால் ஒரு விஷயத்தை இவர் விடாமல் பின்பற்றுகிறார். டென்ஷனை அருகில் அண்டவிடுவது இல்லை. ‘அவங்க படம் அப்படிப் போகுதாமே, இவங்க படம் இப்படிப் போகுதாமே’ என்று மனதைத் தேவையில்லாமல்  அலைபாய விடுவதில்லை.

 ‘நம் உழைப்புக்கேற்ற பலன் நமக்குக் கிடைக்கும்’ என்று நினைப்பார்.  ‘அதிகம் பேசாத அமைதிதான் இவரின் ரிலாக்ஸ் மனநிலைக்குக் காரணம்’ என்கிறார்கள் இவரை அறிந்தவர்கள்.

- ம.கா.செந்தில்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு