Published:Updated:

ஸ்கேன் - கருணாநிதி

ஸ்கேன் - கருணாநிதி

ஸ்கேன் - கருணாநிதி

ஸ்கேன் - கருணாநிதி

Published:Updated:
##~##

ஆட்சிக் கட்டிலில் இருந்தாலும் எதிர் அணியில் தொடர்ந்தாலும் புகழ்க் கடலில் மூழ்கி, விமர்சன முத்தெடுத்து வெளியே வருபவர். பொது வாழ்வில் தலைமுறைகள் தாண்டியும் வலம் வரும் தமிழ்த் தேனீ. அகவை தொண்ணூறை நெருங்கும் கலைஞரின் ஆரோக்கிய விஷயங்கள் மிகவும் எளிமையானவை. 

 வயது ஏறினாலும், பிசிறு தட்டாத அந்தச் சிம்மக் குரல், தமிழ்நாட்டு மக்களின் செவிகளில் பாயும் சூறாவளி!  

 காலை நான்கு மணிக்கே எழுந்து விடும் பழக்கம் உடையவர். வழக்கமான நடைப் பயிற்சிக்கு, வயது காரணமாக சமீபமாகத் தடை. ஆனாலும்,  யோகாப் பயிற்சிகளை மட்டும் தினமும் செய்துவிடுவார்.

 யோகா முடிந்து அரை மணி நேரத்திற்குப் பிறகு காபி அல்லது டீ குடிப்பார். அன்றைய தினசரிகளில் இருந்து அத்தனை பத்திரிகைகளையும் படித்து முடிப்பார்.

 இரண்டு இட்லிதான் அவரின் காலை உணவு.

ஸ்கேன்  - கருணாநிதி

 9 மணிக்கு பார்வையாளர்களைச் சந்திப்பார். தன் நேரம் மற்றும் அடுத்தவர் நேரத்தையும் மதிக்கும் குணமுடையவர்.

 11 மணிக்கு மோர் குடிப்பார். அதன் பிறகு ஒரு மணி நேரம் கழித்து கால் தம்ளர் கேரட் ஜூஸ்.

 இளமைக் காலங்களில் மீன் வகை உணவுகளை மிகவும் விரும்பிச் சாப்பிட்டவர், தற்போது அசைவத்தை அறவே தவிர்த்துவிட்டார். மதிய உணவு தயிர் சாதம் மட்டுமே. மிகவும் பிடித்தது முருங்கைக்காய் சாம்பார். சைவ உணவிலும் உப்பு, புளிப்பு, காரம், எண்ணெய் அறவே தவிர்ப்பவர்.

 மதியம் 2.30 மணி முதல் 3.30 மணி வரை ஓய்வு. தொலைக்காட்சி நிகழ்ச்சிகள் அல்லது ஏதாவது திரைப்படம் பார்ப்பார்.

 மாலையில் அரை தோசை, ஒரு காபி குடிப்பார்.

 இடையில் பசித்தால் தெரப்ட்டின் பிஸ்கெட் இரண்டு சாப்பிடுவார்.

 ஒரு பருக்கைகூட சிந்தாமல், அவர் சாப்பிட்டு முடித்த இடம் அவ்வளவு சுத்தமாக இருக்கும்.

 இரவு உணவாக இரண்டு இட்லி மற்றும் தாளிக்காத சட்னி சாப்பிடுவார்.

  இதுவரை சர்க்கரை, ரத்த அழுத்தம், ஞாபக மறதி என எந்தப் பிரச்னையும் வந்தது இல்லை.

- உமா ஷக்தி