Published:Updated:

ஸ்கேன் - நடிகை லட்சுமி

ஸ்கேன் - நடிகை லட்சுமி

##~##

'சில நேரங்களில் சில மனிதர்கள்’ படத்தில் சிறந்த நடிகைக்கான தேசிய விருதைப் பெற்றவர். வண்ணத் திரையிலும் சின்னத்திரையிலும் தனக்கெனத் தனி முத்திரை பதித்தவர். நடிகை லட்சுமி நிஜத்திலும் செம சுறுசுறுப்பு. ஆரோக்கிய விஷயத்தில் அவர் காட்டும் அக்கறை, நம்மை அசர வைக்கிறது. 

•  ஒரே சமயத்தில் அதிக உணவை சாப்பிட்டால், கலோரி அதிகமாகி, உடலுக்கு நிச்சயம் பாதிப்பு என்பார். காலையில் எட்டு மணிக்குள் டிஃபன் சாப்பிடுவார். சத்தான உணவை உரிய நேரத்தில் சாப்பிடுவது அவரது உணவுக் கொள்கை. எவ்வளவு பிஸியாக இருந்தாலும், உணவு விஷயத்தில் வழக்கத்தை மாற்றிக்கொண்டதே இல்லை.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஸ்கேன் - நடிகை லட்சுமி

•  தினமும் பிரணாயாமம், யோகா மறக்காமல் செய்பவர். யோகாவின் மூலம், உடலில் சுறுசுறுப்பும், மனதில் அமைதியும் கிடைக்கிறது என்பதில் ஆழ்ந்த நம்பிக்கை.

•  மாலையில் தினமும் ஒரு மணி நேரம் வாக்கிங், வீடு திரும்பியதும் அரை மணி நேரம் பூஜை. சாய்பாபா பக்தையான இவர், தன்னை சந்திக்க வருபவர்களிடம், 'பிரார்த்தனை என்பது உடலையும் மனதையும் மலரவைக்கும் அற்புத விஷயம்’ என்பார்.

•  முடிந்தவரை வீட்டு வேலைகளை அவரே செய்வார். சாப்பிட்ட இடத்தை சுத்தம் செய்வதிலிருந்து சமையல் அறை வரை கைகளுக்குப் பயிற்சி கொடுத்தபடியே இருப்பார்.

•  'எந்த வேலை செய்வதாக இருந்தாலும், அதில் முழு ஈடுபாட்டுடன் செய்ய வேண்டும். அதில்தான் ஆத்ம திருப்தி இருக்கிறது. அதுவே நம் உடலையும் மனதையும் லேசாக்கி, அழகாய் வைத்திருக்கும். உடலை நேசிக்கக் கற்றுக்கொள்ளுங்கள்’ என்பார்.

•  'சேரில் அமரும்போதோ, தரையில் உட்காரும்போதோ, நிமிர்ந்து முதுகை நேராக்கி உட்கார்வதுதான் நல்லது’ என்பார். 'நிமிர்ந்து உட்கார்கையில் சுவாசம் சீராகும். அப்படிச் சீரான சுவாசம் இருக்கும்போது, சிந்திக்கும் எதுவும் தப்பாகாது. ஒழுங்காகச் செயல்பட முடியும்’ என்பார்.

•  படுத்தவுடன் தூக்கம் வந்துவிட்டால், அதுவே நாம் ஆரோக்கியமாக இருப்பதற்கான அடையாளம். எனக்கு அந்த வரம் இறை அருளால் கிடைத்திருப்பது மகிழ்ச்சி என்பார்.

- உமா ஷக்தி