ஸ்கேன் - நாசர்

##~## . இளைஞர் களுக்கு சவால்விடும் உடல் வலிமையும், அதீத சுறுசுறுப்புடனும் ஆச்சர்யப்பட வைப்பவர்

. 55 வயதான நாசர். 'நடிப்புக்கு... நாசர்’ என்று திரை உலகமே சொல்லும் மனிதர்.

. ''சிறுவனாக இருக்கும்போது, அப்பா தினமும் கட்டாயப்படுத்தித் தரும் நான்கைந்து வேப்பங்கொழுந்து, சோப்புக்குப் பதிலாக, சந்தனம், வெட்டிவேர், கஸ்தூரி மஞ்சள், கடலை மாவு கலந்து அம்மா அரைத்துத்தரும் வாசனைப் பொடி இவையே, தன் உடலை வனப்பாக வைத்திருக்கிறது என்கிறார்.

. அசைவ உணவு மிகக் குறைவாக சாப்பிடுவார். கீரை என்றால் பிரியம். ஒருநாள் பருப்புடன் சேர்ந்த கீரை, அடுத்த நாள் தண்ணீராக வெறும் கீரைக் கூட்டு என, தினமும் கீரையை விரும்பிச் சாப்பிடுவார்.

. டீ, காபி குடிக்க மாட்டார். காலையில் தினமும் கேழ்வரகுக் கஞ்சிதான் குடிப்பார்.

. கை வைத்தியம், நாட்டு வைத்தியத்தில் அதிகம் நம்பிக்கை கொண்டவர். சிறு உபாதை ஏற்பட்டாலும், சுக்கு, மிளகு, திப்பிலி, அதிமதுரம் பயன்படுத்தி சரிசெய்துகொள்வார். மாத்திரை மருந்து என்றாலே இவருக்கு அலர்ஜி.

. வீட்டுக்குள் உலாவுவதுதான் இவருக்கான நடைப் பயிற்சி. காலில் சக்கரம்தான் கட்டியிருக்கிறாரா எனும் அளவுக்கு வேகமாக நடை போடுவார். ஷூட்டிங் செல்லும் இடங்களில், 10 நிமிட நடையில் செல்லக்கூடிய இடங்களுக்கு காரைத் தவிர்த்து நடந்து சென்றுவிடுவார்.

. மதங்களைவிட, மனிதம் மதிப்பவர். கடுமையான உழைப்பாளி. வேலை விஷயத்தில் எந்த காம்ப்ரமைஸும் கிடையாது.

. இன்பதுன்பங்களை, வெற்றி தோல்விகளை சமமாகப் பார்க்கும் அளவுக்கு மனப்பக்குவமும் தெளிவும் உடையவர்.

. புத்தகம் படிக்கும் ஆர்வம் உடையவர். தற்போதைய பொழுதுபோக்கு ஆர்கிடெக்சர். புதிது புதிதாக எதையாவது செய்ய வேண்டும் என்ற தேடலுக்கு சொந்தக்காரர்.

. லண்டனில் ஷூட்டிங் முடிந்து தேம்ஸ் நதிக்கரையிலிருந்து அவர் எடுத்து வந்தது கூழாங்கற்கள் மட்டுமே என்பது ஆச்சர்யமான விஷயம்.

. - உமா ஷக்தி

ஸ்கேன் - நாசர்

Vikatan Correspondent