Published:Updated:

வெயிட் வேண்டாம் லைட்டா இருங்க!

வெயிட் வேண்டாம் லைட்டா இருங்க!

பிரீமியம் ஸ்டோரி

டியில் கனம் இல்லை என்றால் வழியில் பயம் இல்லை. ஆனால் வயிற்றில் கனம் என்றால், வாழ்க்கையே பயம்தான். திரும்பிய திசையெல்லாம் தொப்பையைக் குறைப்பதற்கான பேச்சுக்களே ஒலிக்கின்றன. இதோ சில எளிய டிப்ஸ்களை அளிக்கிறார்,  புதுச்சேரி மேவரிக் ஃபிட்னெஸ் சென்டரின் பயிற்சியாளர் சஞ்சய்.

''கடந்த ஆண்டு உடல் பருமன் தொடர்பாக இந்திய நகர்ப்புற மக்கள் 4,000 பேரிடம் நடத்தப்பட்ட ஆய்வில் பல அதிர்ச்சிகரமான தகவல் வெளியானது. பங்கெடுத்தவர்களில் 43 சதவீதம் பேர் உடல் பருமன் பிரச்னையால் அவதிப்பட்டு வருவதாகவும், நான்கில் மூன்று பேருக்கு உடல் பருமன் பிரச்னை இருப்பதாகவும் ஆய்வு கணித்துள்ளது. இந்த ஆய்வின் உச்சக்கட்ட அதிர்ச்சியே,  நகர்ப்புற மக்கள் சராசரியாக 11 கிலோ எடையைக் குறைக்க வேண்டும் என்பதுதான்'' என்று எச்சரிக்கையுடன் தொடங்கிய சஞ்சய், விரிவாகப் பேசினார்.

வெயிட் வேண்டாம் லைட்டா இருங்க!

உணவு கட்டுப்பாடு

பிடித்த உணவை அளவாகவும், பிடிக்காத உணவை கொஞ்சமாகவும் எடுத்துக்கொள்வதில் தவறு இல்லை. தினமும் காலை, கலோரி அதிக முள்ள உணவை உட்கொள்ளலாம். இது, அன்றையை தினம் செயல்படுவதற்குத் தேவையான சக்தியைத் தருகிறது. புரதம் மற்றும் நார்ச்சத்து அடங்கிய உணவை மதியம் எடுத்துக் கொள்வது நல்லது. கலோரி குறைவான உணவை  இரவில் எடுத்துக்கொள்வதினால் உணவு செரிமானமாவதில் எந்தவிதப் பிரச்னையும் இல்லாமல் இரவில் சுகமான தூக்கம் வரும்.

சாஃப்ட் டிரிங்ஸ் தவிர்க்கலாமே

எடை கூடுவதற்கு முக்கிய எதிரியே ஜூஸ், குளிர்பானங்கள்தான். அதிலுள்ள சர்க்கரையின் அளவுதான் பல்வேறு நோய்களுக்கு வித்திடுகிறது. சர்க்கரை நோய் உள்ளவர்கள் கார்பனேட்டட் குளிர்பானங்கள் பருகுவதைக் குறைத்துக் கொள்வது நல்லது.  மாற்றாக க்ரீன் டீயைப் பருகலாம்.

எளிதான உடற்பயிற்சிகள்

கிடைத்த நேரங்களில் சின்னச் சின்ன உடற்பயிற்சிகளைச் செய்யலாம். ஒரு நாளைக்கு 30 முதல் 45 நிமிடத்துக்கு ஏரோபிக்ஸ் செய்வது நல்லது. இதைக் காலை, மதியம், இரவு எனப் பிரித்துக்கூடச் செய்யலாம். கலோரிகளை அது கண்டிப்பாகக் குறைக்கும். பக்கத்தில் இருக்கும் அலுவலகத்துக்கு நடந்து செல்வது, மாடிப் படிகளில் ஏறுவது, குனிந்து நிமிர்ந்து வேலை செய்வது கண்டிப்பாகச் சிறிய அளவிலாவது பலனைக் கொடுக்கும். ஒரே இடத்தில் பல மணி நேரம் உட்கார்ந்து இருப்பதைத் தவிர்ப்பது நல்லது. ஈஸி வொர்க்அவுட்ஸ் செய்தால் அதிக சுறுசுறுப்பையும், உற்சாகத்தையும் பெற முடியும்.  

மிதி, நட, ஓடு

காலையில் நடைப்பயிற்சிதான், கலோரிகளைக் குறைக்க மிக எளிமையான வழி. 30 நிமிட நடைப்பயிற்சி வாழ்வை சுகமாக்கும். இன்னும் அதிகக் கலோரிகளைக் குறைக்க சைக்கிளிங் மற்றும் ஓட்டப்பயிற்சி மேற்கொள்ளலாம். இந்த இரண்டு பயிற்சிகள் மூலம், 200 முதல் 300 கி.கலோரிகள் வரை தாராளமாகக் குறைக்க முடியும். எவர் ஒருவர், வாரத்துக்கு 3,500 கி. கலோரிகளைக் குறைக்கிறார்களோ அவர்கள் ஆரோக்கியமாக இருக்கிறார்கள்.

எதில் எவ்வளவு கலோரி?

நாம் உட்கொள்ளும் உணவு, 55% கார்போஹைட்ரேட் மற்றும் 45% புரதம் மற்றும் கொழுப்புச் சத்து நிறைந்ததாக இருக்க வேண்டும். ஆரோக்கியமாக இயங்க, நாள் ஒன்றுக்கு 2,000 கி.கலோரிகள் எடுத்துக்கொள்ள வேண்டும்.

ஒரு கிராம் கொழுப்பில் - 9 கி.கலோரி

ஒரு கிராம் கார்போஹைட்ரேட்டில் - 4 கி. கலோரி

ஒரு கிராம் புரதத்தில் - 4 கி. கலோரி

- நா.இள.அறவாழி

மாடல்: வினோத்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு