Published:Updated:

இதயக் கோளாறுகள் தவிர்க்கும் பூசணி விதை!

இதயக் கோளாறுகள் தவிர்க்கும் பூசணி விதை!
பிரீமியம் ஸ்டோரி
News
இதயக் கோளாறுகள் தவிர்க்கும் பூசணி விதை!

லீலா டயட்டீஷியன்ஹெல்த்

``ஆளி விதை, சூரியகாந்தி விதை போன்றவற்றின் மருத்துவ குணங்கள் பற்றி அதிகமாகக் கேள்விப்பட்டு அவற்றைப் பயன்படுத்துகிறோம். மிகச் சாதாரணமாகக் கிடைக்கும் பூசணி விதைகளுக்கும் மருத்துவ குணங்கள் உண்டென்கிற தகவல், பலருக்கும் புதிது. பூசணி விதைகள் சத்துகள் நிறைந்தவை, எண்ணற்ற நோய்களை குணப்படுத்தக்கூடியவை’’ என்கிறார் டயட்டீஷியன் லீலா. பூசணி விதைகளின் பலன்கள் பகிர்கிறார் அவர்.

இதயக் கோளாறுகள் தவிர்க்கும் பூசணி விதை!

‘‘பூசணி விதைகளில் ஆன்டிஆக்ஸிடன்ட் அதிகம் இருக்கிறது. புரதம், இரும்பு, மாங்கனீஸ் மற்றும் நார்ச்சத்து, பொட்டாசியம், பாஸ்பரஸ், ஃபோலேட், வைட்டமின் பி2, வைட்டமின் கே, ஒமேகா 3 மற்றும் 6 கொழுப்பு அமிலங்கள் உள்ளிட்ட ஏராளமான சத்துகள் நிறைந்திருக்கின்றன. இதயக் கோளாறு இருப்பவர்கள் தினமும் பூசணி விதை சாப்பிடுவதன் மூலம் இதய ஆரோக்கியத்தை மேம்படுத்தலாம். சாதாரணமாக எல்லோருமே அவ்வப்போது பூசணி விதைகளைச் சாப்பிட்டுவந்தால், பிற்காலத்தில் இதயக்கோளாறுகள் ஏற்படுவதைத் தவிர்க்கலாம். ரத்த அழுத்தம் சீராகும். கெட்ட கொழுப்பும் கரையும். கல்லீரலைப் பாதுகாப்பதிலும் பூசணி விதை முக்கியப் பங்காற்றுகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
இதயக் கோளாறுகள் தவிர்க்கும் பூசணி விதை!



மூளையின் செயல்பாட்டுக்கும் பூசணி விதை உதவுகிறது. குறிப்பாக மூளையை அதிகம் பயன்படுத்த வேண்டிய பணிகளில் இருப்பவர்களுக்கு வரக்கூடிய பாதிப்புகளை பூசணி விதைகள் சரிசெய்யும். சர்க்கரை நோயாளிகளுக்கு இன்சுலின் சுரப்பதில் சிரமம் ஏற்படும். அதைக் குறைக்க, தினமும் இரண்டு டீஸ்பூன் பூசணி விதைகள் சாப்பிட்டுவரலாம். செரிமானக் கோளாறுகளும் சரியாகும். விதைகளை நீர்விட்டு, கஷாயமாக்கி குடித்தால், வயிற்றிலுள்ள பூச்சிகள் மலத்துடன் வெளியேறும்.

பூசணி விதைகளில் இயற்கையான பைட்டோஈஸ்ட்ரோஜென் நிறைந்திருப்பதால் மெனோபாஸ் வந்த பெண்களின் உடல் ஆரோக்கியம் மேம்படுகிறது. உடலின் நல்ல கொழுப்பை அதிகரித்து, ரத்த அழுத்தத்தைக் கட்டுக்குள்வைப்பதுடன், மெனோபாஸ் அறிகுறிகளான உடல் சூடாவது, மூட்டுவலி போன்றவற்றுக்கும் தீர்வளிக்கின்றன.

இதயக் கோளாறுகள் தவிர்க்கும் பூசணி விதை!

பூசணி விதையிலிருக்கும் ட்ரிப்டோபன் என்கிற அமினோ அமிலம்  ஆழ்ந்த உறக்கத்துக்கு உதவுகிறது. இந்த அமினோ அமிலம்தான் செரட்டோனின் ஹார்மோனாக மாறி, பிறகு தூக்கத்துக்கான ஹார்மோன் என்றழைக்கபடும் மெலட்டோனினாக மாறுகிறது. தூங்கச் செல்வதற்கு சிலமணி நேரம் முன் சிறிதளவு பூசணி விதைகளைச் சாப்பிடுவது ஆழ்ந்த உறக்கத்துக்கு உத்தரவாதம் தரும்.

வெள்ளைப்படுதல் மற்றும் மாதவிடாய்க் கோளாறுகளால் அவதிப்படும் பெண்கள் தினமும் பூசணி விதைகளை நெய்யில் வறுத்துச் சாப்பிட்டு வந்தால் பலன் கிடைக்கும்.

பூசணி விதைகளைப் பொடியாக்கி, பாலில் கலந்து குடித்தால் உடல் சூடு குறையும். ஆண்கள் சாப்பிடுவதால் உயிரணுக்களின் எண்ணிக்கை அதிகரிக்கும்.

30 கிராம் பூசணி விதைகளில் 1.7 கிராம் நார்ச்சத்து, 13 கிராம் கொழுப்புச்சத்து, 5 கிராம் கார்போஹைட்ரேட், 7 கிராம் புரதச்சத்து போன்றவை உள்ளன. ஒருநாளைக்கு 30 கிராம் பூசணி விதைகளைச் சாப்பிடலாம். அதாவது ஒரு கைப்பிடி அளவு எடுத்துக்கொள்ளலாம்.

உலர்ந்த நிலையில் கிடைக்கும் பூசணி விதைகளை அப்படியே சாப்பிடலாம். நெய்யில் வறுத்துச் சாப்பிட்டால் சுவையாக இருக்கும். உப்பு, நீர் சேர்த்து வேகவைத்து வடிகட்டி, நல்லெண்ணெயில் வறுத்தும் சாப்பிடலாம். உப்பு, மிளகாய்த்தூள் தூவியும் சாப்பிடலாம். பழ ஜூஸ்களின் மேலே தூவிச் சாப்பிட சுவையாக இருக்கும்.

உளுந்து, கடலைப்பருப்பு, சீரகம், புளி, காய்ந்தமிளகாய், உப்பு சேர்த்து வதக்கி துவையல், சட்னி வடிவங்களில் தயாரித்தும் சாப்பிடலாம். மற்ற வகை விதைகளுடன் சேர்த்தும் சாப்பிடலாம்.

பூசணி விதைகளை எப்படிச் சாப்பிட்டாலும் அவற்றைப் பயன்படுத்துவதற்கு முன்னர் நீரில் ஊறவைத்து நன்றாகக் கழுவ வேண்டும்.’’

எம்.மரிய பெல்சின்