Published:Updated:

எடை குறைக்க உதவுமா ஏர்ஃப்ரையர் சமையல்?

எடை குறைக்க உதவுமா ஏர்ஃப்ரையர் சமையல்?
பிரீமியம் ஸ்டோரி
News
எடை குறைக்க உதவுமா ஏர்ஃப்ரையர் சமையல்?

ஹெல்த்

“எவ்ளோ சாப்பிட்டாலும், வெயிட் கூடாமலேயே இருந்தா நல்லாயிருக்கும்ல?” என்று சிலர் வேடிக்கையாகச் சொல்லக் கேட்டிருப்போம். அதையே உத்தியாகக்கொண்டு வடிவமைக்கப்பட்டதுதான் ஏர் ஃப்ரையர். அதாவது, `நீங்கள் பக்கெட் சிக்கன் பிரியராக இருந்தாலும் ஏர் ஃப்ரையரில் சமைத்த உணவாக இருந்தால், எடை கூடுமே என்ற கவலையில்லாமல் உண்ணலாம்’ என்றுதான் இதன் தயாரிப்பாளர்கள் விளம்பரம் செய்கின்றனர்.  `ஏர் ஃப்ரையர்கள் மூலமாகச் சமைத்துச் சாப்பிடும்போது, எண்ணெயில் ‘டீப் -ஃப்ரை’ செய்வதைவிட கொழுப்பு குறைவாக இருப்பதால், அவை ஆரோக்கியமானவை’ என்ற கருத்து மக்களிடையே வலுப்பெற்றிருக்கிறது.

எடை குறைக்க உதவுமா ஏர்ஃப்ரையர் சமையல்?

 `நான்கு கப் எண்ணெய் ஊற்றி சமைக்கவேண்டிய ‘ஃப்ரெஞ்ச் ஃப்ரைஸை, இரண்டே டீஸ்பூன் எண்ணெயில் சமைக்க முடிந்தால்?’ `முடியும்’ என்கின்றன ஏர் ஃப்ரையர்ஸ்.

ஏர் ஃப்ரையர்ஸ் எப்படிச் செயல்படுகின்றன?


ஏர் ஃப்ரையர் இயந்திரத்தினுள் சூடான காற்று வேகமாகச் சுழற்றிவிடப்படும். இதன் மூலம் உணவுப் பொருளின் ஈரத்தன்மை உறிஞ்சப்பட்டு, சிறு சிறு எண்ணெய்த் துளிகளிலேயே வறுக்கப்பட்ட உணவின் தன்மையையும், மிருதுவான அமைப்பையும் அந்த உணவு பெற்றுவிடுகிறது. ‘மைலார்டு விளைவு’ (Maillard Reaction) எனப்படும் ஒருவித ரசாயன எதிர்வினை தூண்டப்பட்டு, காற்றில் வறுத்த உணவின் நிறமும் சுவையும் அதிகரிக்கும்.

நன்மைகள்

* காற்றால் உணவுகளை வறுக்கும் முறையில் பத்தில் ஒரு பங்காக, குறைந்த அளவிலான எண்ணெய் பயன்படுத்தப்படுவதால், எடை குறைப்புக்கு உதவுகிறது.

* சூடான எண்ணெயைக் கையாளும்போது ஏற்படும் சின்னச் சின்ன விபத்துகள்  தவிர்க்கப்படுகின்றன.

* சூடான எண்ணெயை மேலும் மேலும் சூடாக்கி, அடுத்தடுத்த பயன்பாடுகளுக்காக உபயோகிக்கும்போது ஏற்படும் மாற்றங்களால் ‘அக்ரிலமைடு’ (Acrylamide) என்கிற ரசாயனம் உருவாகலாம். இது, சில வகை புற்றுநோய்களின் வளர்ச்சிக்கான சாத்தியக்கூறுகளை கொண்டிருப்பதாகச் சொல்கிறது புற்றுநோய் ஆராய்ச்சிக்கான சர்வதேச நிறுவனம். ஏர்ஃப்ரையரில் இதை தவிர்க்கலாம். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
எடை குறைக்க உதவுமா ஏர்ஃப்ரையர் சமையல்?

* `சிறுநீரகம், கர்ப்பப்பை, கணையம், மற்றும் மார்பகப் புற்றுநோய்களின் காரணியாக அக்ரிலமைடு இருக்கிறது’ என்று கூடுதல் ஆய்வுகள் கூறுகின்றன. காற்றினால் வறுக்கப்படும் உணவுகளை உண்ணும்போது, அக்ரிலமைடு கலவையால் ஏற்படும் ஆபத்துகளைக் குறைக்கலாம்.

எடை குறைக்க உதவுமா ஏர்ஃப்ரையர் சமையல்?



அபாயங்கள்

* ஏர் ஃப்ரையர்களில் வறுத்த உணவுகளில் அக்ரிலமைடு ரசாயனம் உருவாவது ஓரளவு தடுக்கப்பட்டாலும், தீங்கு விளைவிக்கும் பாலிசைக்ளிக் அரோமாட்டிக் ஹைட்ரோகார்பன் (Polycyclic Aromatic
Hydrocarbons) போன்ற ரசாயனக் கலவைகள் உருவாகலாம். அவையும் புற்றுநோய் வருவதற்கான அபாயங்களை ஏற்படுத்துபவை.

* காற்றில் வறுக்கப்படும் உணவுகள் ஆரோக்கியமானவை என்பதற்கு இதுவரை எந்த ஆதாரமும் இல்லை. எந்தச் சமையல் முறையாக இருந்தாலும், பொரித்த உணவுகளைத் தவிர்ப்பதே நல்லது. ஆரோக்கியமான உணவுப் பழக்கத்துக்கு மாறுவதே அடிப்படை!

பவித்ரா பூ