Published:Updated:

எண்ணெயில் என்ன இருக்கு?

எண்ணெயில் என்ன இருக்கு?
பிரீமியம் ஸ்டோரி
News
எண்ணெயில் என்ன இருக்கு?

கற்பகம், டயட்டீஷியன்ஹெல்த்

எண்ணெயில் என்ன இருக்கு?
எண்ணெயில் என்ன இருக்கு?
எண்ணெயில் என்ன இருக்கு?

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ரோக்கியத்துக்கு உகந்த எண்ணெய் எது என்பதில் மருத்துவர்கள் மத்தியிலேயே கருத்து வேறுபாடுகள் உண்டு. எந்த எண்ணெயைப் பயன்படுத்துகிறோம் என்பதைவிட, எப்படிப் பயன்படுத்துகிறோம் என்பதுதான் முக்கியம். குறிப்பாக, அளவுக்கு அதிகமான வெப்பநிலையில் எண்ணெயைப் பயன்படுத்தும்போது, எண்ணெயிலுள்ள ஊட்டச்சத்துகள் அனைத்தும் வெளியேறிவிடும். எண்ணெயை மீண்டும் மீண்டும் சூடுபடுத்திப் பயன்படுத்தினால், உடலுக்குப் பல்வேறு தீமைகள் வந்துசேரும்.

தாராளமாகப் பயன்படுத்தலாம்!

எண்ணெயில் என்ன இருக்கு?

தேங்காய் எண்ணெய்: இதில், ஒற்றை நிறைவுறாக் கொழுப்பு அமிலம் (Monounsaturated Fatty Acid) நிறைந்திருப்பதால், உடலுக்கு மிகவும் நல்லது. கல்லீரல், வயிறு தொடர்பான பிரச்னை உள்ளவர்கள் இந்த எண்ணெயைப் பயன்படுத்தலாம். எளிதில் செரிமானமாகும் தன்மைகொண்டது.

குறிப்பிட்ட அளவு பயன்படுத்தலாம்!

எண்ணெயில் என்ன இருக்கு?

நல்லெண்ணெய்: தாளிக்கவும், உணவில் ஊற்றிச் சாப்பிடவும் நல்லெண்ணெய் பயன்படுத்தலாம். கனிமச்சத்து நிறைந்த இந்த எண்ணெய் குடலின் இயக்கத்தைச் சீராகவைத்திருக்கும். பொரிப்பதற்கு நல்லெண்ணெய் பயன்படுத்துவதைத் தவிர்க்க வேண்டும். அதிகம் சுத்திகரிக்கப்படாத ‘எக்ஸ்ட்ரா வெர்ஜின்’ எண்ணெயைப் பயன்படுத்தலாம்.

எண்ணெயில் என்ன இருக்கு?

கடலை எண்ணெய்: செக்கில் ஆட்டிய கடலை எண்ணெயைப் பயன்படுத்த வேண்டும். வைட்டமின் ஈ சத்து நிறைந்துள்ளதால், ஆன்டிஆக்ஸிடன்ட் ஆகவும் பயன்படுகிறது.

தவிர்க்க வேண்டியவை

எண்ணெயில் என்ன இருக்கு?

பாமாயில், சோள எண்ணெய், கனோலா எண்ணெய்: பயன்பாட்டுக்கு வருவதற்கு முன்பே அதிக அளவில் சுத்திகரிக்கப்படுவதால், இந்த எண்ணெய்களில் ஊட்டச்சத்துகள் அனைத்தும் அழிந்திருக்கும். அவற்றைப் பயன்படுத்துவதால், உடலுக்கு எந்த நன்மையும் கிடைக்காது. எனவே, இவற்றை முற்றிலும் தவிர்ப்பது நல்லது.

எண்ணெயில் என்ன இருக்கு?

நெய்: உணவில் ஒரு நாளைக்கு மூன்று முதல் நான்கு டீஸ்பூன் நெய் சேர்த்துக்கொள்வதில் எந்தப் பிரச்னையும் இல்லை. தாளிப்பதற்கும், உணவில் நேரடியாகச் சேர்த்துச் சாப்பிடவும் நெய்யைப் பயன்படுத்தலாம். இதயநோய் உள்ளிட்ட நாள்பட்ட நோய்களுக்குச் சிகிச்சை பெறுபவர்கள் மருத்துவரின் ஆலோசனையுடன் நெய் சேர்த்துக்கொள்ளலாம்.

எண்ணெயில் என்ன இருக்கு?

ஆலிவ் எண்ணெய்: சாலட்டுக்குப் பயன்படுத்தவும், சமையலுக்குப் பயன்படுத்தவும் இதில் தனித்தனி வகைகள் உள்ளன. இரண்டையும் மாற்றிப் பயன்படுத்தக் கூடாது. ஆலிவ் எண்ணெயில் ஆன்டிஆக்ஸிடன்ட்ஸ் அதிகம். ஆனாலும் நம் மண்ணிலிருந்து கிடைக்கும் எண்ணெய்தான் உடலுக்கு  நல்லது என்பதால், இதை எப்போதாவது பயன்படுத்தலாம்.

எண்ணெயில் என்ன இருக்கு?

தவிட்டு எண்ணெய் (ரைஸ் பிரான் ஆயில்): அரிசித் தவிட்டிலிருந்து இந்த எண்ணெய் எடுக்கப்படுவதால், ஒமேகா 3, ஒமேகா 6 கொழுப்பு அமிலங்கள், ஊட்டச்சத்துகள் போன்றவை உள்ளன. இதைத் தாளிக்கவும் பொரிக்கவும் பயன்படுத்தலாம்.

ஜெனி ஃப்ரீடா