Published:Updated:

அழகுக்கு அழகு சேர்க்கும் உணவுகள்!

சன்னா சுண்டல்
பிரீமியம் ஸ்டோரி
சன்னா சுண்டல்

ஆரோக்கியம் அளிக்கும் ரெசிப்பிகளை வழங்குகிறார், அழகுக்கலை நிபுணர் வசுந்தரா

அழகுக்கு அழகு சேர்க்கும் உணவுகள்!

ஆரோக்கியம் அளிக்கும் ரெசிப்பிகளை வழங்குகிறார், அழகுக்கலை நிபுணர் வசுந்தரா

Published:Updated:
சன்னா சுண்டல்
பிரீமியம் ஸ்டோரி
சன்னா சுண்டல்

ளம் தலைமுறையினர் தங்கள் அழகுக்கு அழகு சேர்ப்பதற்காக விதம்விதமான க்ரீம்கள், சிகிச்சைகளை நோக்கியே செல்கின்றனர். உண்மையில், உணவுதான் நமது அழகுக்கும் ஆரோக்கியத்துக்கும் 80 சதவிகித காரணம். உணவுப் பழக்கங்களால் கூந்தலிலிருந்து சருமம்வரை அனைத்தையும் பாதுகாக்க முடியும்.

அழகுக்கலை நிபுணர் வசுந்தரா
அழகுக்கலை நிபுணர் வசுந்தரா

பயோட்டின், புரோட்டீன் போன்ற பி-காம்ப்ளக்ஸ் சத்துகள் கொண்ட முட்டை, கடலை ஆகியவையும் காய்கறிகளும் கூந்தல் பிரச்னைகளுக்குத் தீர்வு தரும், சருமத்தைப் போஷாக்காக வைத்திருக்கும். அப்படியான ஆரோக்கியம் அளிக்கும் ரெசிப்பிகளை வழங்குகிறார், அழகுக்கலை நிபுணர் வசுந்தரா.

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

சன்னா சுண்டல்

தேவையானவை:

  • கொண்டைக்கடலை - ஒரு கப்

  • தண்ணீர் - 3 கப்

  • மஞ்சள்தூள் - ஒரு சிட்டிகை

  • காய்ந்த மிளகாய் - ஒன்று

  • பச்சை மிளகாய் - ஒன்று

  • பெருங்காயத்தூள் - கால் டீஸ்பூன்

  • சாம்பார் பொடி - 2 டீஸ்பூன்

  • தேங்காய்த் துருவல் - 2 டீஸ்பூன்

  • கொத்தமல்லித்தழை - ஒரு டீஸ்பூன் (பொடியாக நறுக்கியது)

  • கடுகு, சீரகம், உளுத்தம்பருப்பு - சிறிதளவு

  • எண்ணெய் - ஒரு டேபிள்ஸ்பூன்

  • உப்பு - ஒரு டீஸ்பூன்

சன்னா சுண்டல்
சன்னா சுண்டல்

செய்முறை:

முந்தைய இரவே வெதுவெதுப்பான நீரில் கொண்டைக் கடலையை ஊற வைக்கவும். மறுநாள் அதை எடுத்து ஒரு கப் கடலைக்கு 3 கப் தண்ணீர் சேர்த்து, மஞ்சள்தூள், உப்பு சேர்த்து குக்கரில் மூன்று விசில் வரும் வரை வேகவிடவும். பிறகு அதைத் தனியாக எடுத்து வைத்துவிடலாம்.

ஒரு கடாயில் எண்ணெய்விட்டு அதில் கடுகு, சீரகம், உளுத்தம்பருப்பு சேர்க்கவும். எல்லாம் பொரிந்து லைட் பிரவுன் நிறத்துக்கு வந்ததும் காய்ந்த மிளகாய், நறுக்கிய பச்சை மிளகாய் சேர்த்துக்கொள்ளவும். அடுத்து, பெருங்காயத்தூள், சாம்பார் பொடி போட்டு வதக்கவும். இதனுடன் வேகவைத்த கொண்டைக்கடலையைச் சேர்த்து தேங்காய்த் துருவல், கொத்தமல்லித்தழை சேர்த்து இறக்கிப் பரிமாறவும்.

சுண்டலில் புரோட்டீன் அதிகம் உள்ளதால் முடிவளரச் செய்யும், முடிகொட்டுவதை நிறுத்தும். சருமத்துக்கும் நல்லது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

புல்ஸ் ஐ

தேவையானவை:

  • முட்டை - ஒன்று

  • எண்ணெய் - ஒரு டீஸ்பூன்

  • வெண்ணெய் - கால் டீஸ்பூன்

  • மிளகுத்தூள் - கால் டீஸ்பூன்

  • உப்பு - கால் டீஸ்பூன்

புல்ஸ் ஐ
புல்ஸ் ஐ

செய்முறை:

ஒரு கடாயில் எண்ணெய் விட்டுக்கொள்ளவும். அடுத்து அதில் வெண்ணெயைவிட்டு நான்கு விநாடிகள் கழித்து முட்டையை உடைத்து ஊற்றவும். மூன்று நிமிடங்கள் வரை வேகவிடவும். பின்னர், மூடிபோட்டு ஒரு நிமிடத்துக்கு வேகவிடவும். பிறகு மூடியைத் திறந்து உப்பையும் மிளகுத்தூளையும் தூவிப் பரிமாறவும்.

முட்டையில் பயோட்டின், புரோட்டீன் ஆகிய சத்துகள் உள்ளன. இவை கூந்தல் வளர்ச்சிக்கு மிகவும் நல்லது.

காட்டி ரோல்

தேவையானவை:

  • கோதுமை சப்பாத்தி - 6

  • நறுக்கிய கேரட் - ஒரு கப்

  • நறுக்கிய பீன்ஸ் - ஒரு கப்

  • நறுக்கிய கீரை - ஒரு கப்

  • நறுக்கிய வெள்ளரிக்காய் - ஒரு கப்

  • நறுக்கிய வெங்காயம் - ஒரு கப்

  • நறுக்கிய தக்காளி - ஒரு கப்

  • பனீர் - ஒரு கப்

  • ஆலிவ் எண்ணெய் - 2 டேபிள்ஸ்பூன்

  • கரம் மசாலாத்தூள் - ஒரு டீஸ்பூன்

  • மஞ்சள்தூள் - ஒரு டீஸ்பூன்

  • மிளகாய்த்தூள் - ஒரு டீஸ்பூன்

  • உப்பு - தேவைக்கேற்ப

காட்டி ரோல்
காட்டி ரோல்

செய்முறை:

கடாயில் ஆலிவ் எண்ணெய்விட்டு அதில் வெங்காயத்தைச் சேர்த்து வதக்கவும். கரம் மசாலாத்தூள், மஞ்சள்தூள், மிளகாய்த்தூள் ஆகியவற்றைக் கலந்து வறுக்கவும். இப்போது கேரட், பீன்ஸ், வெள்ளரிக்காய், கீரை சேர்க்கவும். உப்பு சேர்த்து வதக்கவும். கடைசியாக தக்காளியைச் சேர்த்து அதற்கு மேலே பனீரும் போட்டு வதக்கவும். இவற்றை சப்பாத்திகளுக்குள் வைத்து ரோல் செய்து பரிமாறவும்.

ராஜ்மா

தேவையானவை:

  • கறுப்பு ராஜ்மா - ஒரு கப்

  • தண்ணீர் - 4 கப்

  • சோம்பு - 2 கிராம்

  • பட்டை - சிறிய துண்டு

  • கிராம்பு - 2

  • நறுக்கிய வெங்காயம் - ஒரு கப்

  • மிளகாய்த்தூள் - ஒரு டீஸ்பூன்

  • கரம் மசாலாத்தூள் - அரை டீஸ்பூன்

  • ஆம்சூர் பவுடர் - கால் டீஸ்பூன்

  • மல்லித்தூள் (தனியாத்தூள்) - கால் டீஸ்பூன்

  • மஞ்சள்தூள் - கால் டீஸ்பூன்

  • இஞ்சி - பூண்டு விழுது - ஒரு டீஸ்பூன்

  • பாதாம் - 10 கிராம்

  • முந்திரி - 10 கிராம்

  • அரைத்த தக்காளி - 2 கப்

  • உப்பு - ஒரு டீஸ்பூன்

  • எண்ணெய் - 2 டேபிள்ஸ்பூன்

ராஜ்மா
ராஜ்மா

செய்முறை:

ராஜ்மாவை இரவு முழுவதும் (10 மணி நேரம்) ஊறவைக்கவும். மறுநாள் ராஜ்மாவோடு 4 கப் தண்ணீர் சேர்த்து உப்பு போட்டு நான்கு விசில் வரும் வரை குக்கரில் வேகவிடவும்.

கடாயில் எண்ணெய்விட்டு சோம்பு, பட்டை, கிராம்பு சேர்க்கவும். வெங்காயம் சேர்த்து பிரவுன் நிறத்துக்கு வரும் வரை வறுக்கவும். மிளகாய்த்தூள், கரம் மசாலாத்தூள், ஆம்சூர் பவுடர், மல்லித்தூள், மஞ்சள்தூள் ஆகியவற்றைச் சேர்த்து வறுக்கவும். அதோடு இஞ்சி - பூண்டு விழுதையும் சேர்த்துக் கொள்ளவும். தனி கடாயில் பாதாம், முந்திரி ஆகிய வற்றைச் சேர்த்து லேசாக வறுத்து அரைத்து மசாலா வோடு கலந்துகொள்ளவும். அரைத்து வைத்த தக்காளியையும் அதோடு சேர்த்துக் கலக்கவும். இந்த மசாலா கலவையில் ராஜ்மாவைச் சேர்த்துக் கலந்து இறக்கிப் பரிமாறவும்.

புரோட்டீன், இரும்புச்சத்து நிறைந்த ராஜ்மா கூந்தல் வளர்ச்சிக்கும் சருமப் பாதுகாப்புக்கும் உதவும்.

திக் ஷேக்

தேவையானவை:

  • ஸ்டராஃபெர்ரி - 3

  • மாதுளை ஜூஸ் - அரை கப்

  • ஐஸ் க்யூப்ஸ் - 4

  • பால் - ஒரு கப்

  • கிரீக் யோகர்ட் - ஒரு கப்

அழகுக்கு அழகு சேர்க்கும் உணவுகள்!

செய்முறை:

கொடுக்கப்பட்டுள்ளவை எல்லாவற்றையும் (மாதுளை ஜூஸ் நீங்கலாக) மிக்ஸியில் அரைத்துக்கொள்ளவும். இதனுடன் மாதுளை ஜூஸைக் கலந்துகொள்ளவும். இந்த திக் ஷேக்கைச் சாப்பிட்டால் பசி அடங்கியதுபோல் இருக்கும். அவசரமான காலை நேரங்களில் இதனை ஈஸியாகச் செய்து சாப்பிடலாம். திக் ஷேக் ஆரோக்கியமான கலவை என்பதால் உடலுக்கு மிகவும் நல்லது. குறிப்பாகக் கூந்தல் வளர்ச்சிக்கு உகந்தது.

கூந்தல் வளர்ச்சிக்கு...

20 வயதுக்குமேல் வயது ஆக ஆக முடிகொட்டுவது அதிகரிக்கும், முடி உதிரும். இது மரபணுவின் தொடர்ச்சியாகவும் நடக்கும். குடும்பத்தில் அப்பா, தாத்தா ஆகியோருக்கு இந்தப் பிரச்னை இருந்தால், அடுத்த தலைமுறைக்கும் தொடரும். எடை குறைத்தல், மீண்டும் எடை கூடுதல் என மாறி மாறி நிகழ்ந்தாலும் முடி வலுவிழக்கும். ஹார்மோன் பிரச்னை நேர்ந்தாலும், தைராய்டு சுரப்பியில் சிக்கல் ஏற்பட்டாலும் முடி கொட்டும்.

திக் ஷேக்கில் நாம் சேர்த்திருக்கும் வாழைப்பழத்தில் புரோட்டீன், வைட்டமின் டி6, மெக்னீசியம் ஆகியவை இருப்பதால் கூந்தல் வளப்படும். இரும்புச்சத்து குறைந்தால் அனீமியா ஏற்பட்டு முடி கொட்டும். வைட்டமின் சி, இரும்புச்சத்து வழங்குவது. எனவே வைட்டமின் சி நிறைந்த மாதுளை, ஸ்டராஃபெர்ரி எடுத்துக்கொள்கிறோம். கிரீக் யோகர்டில் தயிரோடு பி2 பி6, பி12, ப்ரோ-பயாடிக் கால்சியம், புரோட்டீன் போன்ற வேறு சில பொருள்களும் கலந்திருக்கின்றன. இதைக் கடைகளில் வாங்க வேண்டும். வைட்டமின் டி5 கொண்ட இது முடிகொட்டுதலைத் தடுக்கும். புரோட்டீன் நிறைந்த பால், முடியைக் காக்கும். இதுபோன்ற உணவுப் பழக்கத்தின் மூலம் கூந்தலைக் காக்கலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism