Published:Updated:

மருந்தில்லா மருத்துவம் - 2

ஹெல்த்

மருந்தில்லா மருத்துவம் - 2

ம் உடலின் ஏழு சக்கரங்களைப் பற்றியும்,  அதனோடு தொடர்பு உள்ள உடலின் பாகங்களைப் பற்றியும் பார்த்தோம். ஏழு சக்கரங்களில் முதலாவதும், மிக முக்கியமானதுமான சக்கரம், மூலாதாரம். ஏழு சக்கரங்களில் முதலில் தோன்றுவது இந்த சக்கரம்தான். இது, தாயின் கர்ப்பப்பையில், ஏழாவது மாதத்தில் குழந்தைக்கு மலரும். நான்கு சிவப்பு நிற இதழ்களைக்கொண்ட ஒரு மலரைப் போன்ற வடிவுடையது. முதுகெலும்பின் நுனியில் உள்ளது. இதனால் சிசு உயிர்ப்பெறுகிறது. இந்தக் கட்டத்தில்தான், சிசுவின் அசைவைத் தாய் முழுமையாக உணர்வாள். குழந்தையின் ஐம்புலன்களில், செவி கேட்கும் திறன் பெறுகிறது. மூலாதாரம் என்ற பெயருக்கு ஏற்ப, மனித வாழ்வின், ஆரோக்கியத்தின் மூல ஆதாரமாக இந்தச் சக்கரம் விளங்குகிறது.

மூலாதாரச் சக்கரத்தை அட்ரினலின் சுரப்பியுடன் தொடர்புபடுத்துகிறோம். இந்தச் சுரப்பியானது மூலாதாரச் சக்கரத்தின் கட்டுப்பாட்டுக்குள் இருக்கிறது. மூலாதாரச் சக்கரம் இயங்கிக்கொண்டே இருக்க வேண்டும். அப்போதுதான் நாம் உயிர்ப்புடன் இருக்க முடியும்.

சாலையில் சென்றுகொண்டிருக்கிறோம். திடீரென, நம் பின்னால் லாரி வருகிறது. ஒரு சில விநாடிகளில் அது நம்மை இடித்துவிடும் என்ற நிலை. உடனே, துள்ளிக்குதித்து தப்பிக்கிறோம். இது, எப்படி நிகழ்கிறது? இந்த இடத்தில்தான் அட்ரினலின் சுரப்பி வேலைசெய்கிறது. திடீரென வரும் பயம், மனஅழுத்தம் மூலாதாரச் சக்கரத்துக்குள் ஊடுருவி, தடையை ஏற்படுத்துகிறது. அட்ரினல் சுரப்பியானது அட்ரினலின் ஹார்மோனைச் சுரக்கச்செய்கிறது. இந்தச் சூழ்நிலையில், பிரச்னையைப் பொறுத்து, இதயத்துடிப்பு அதிகரிக்கும், படபடப்பு, தலைசுற்றல் போன்றவை ஏற்படும். இந்த ஹார்மோன் இதயத்துடிப்பு உள்ளிட்ட சில நடவடிக்கைகளை மேற்கொண்டு ஆபத்தில் இருந்து நம்மைக் காக்க முயல்கிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
மருந்தில்லா மருத்துவம் - 2

இந்தச் சக்கரமானது அட்ரினலுடன் தொடர்பு கொண்டதாக இருந்தாலும், சிறுநீரகம், சிறுநீர்ப்பை, ரத்தக் குழாய், எலும்புகள் எனப் பல உறுப்புகளின் செயல்பாட்டுக்கு ஆதாரமாக விளங்குகிறது. அதாவது, இந்த சக்கரம் நேரடியாகவோ, மற்ற சக்கரங்களுடன் இணைந்தோ இந்த உறுப்புகளின் ஆரோக்கியமான செயல்பாட்டுக்கு வழிவகுக்கிறது. ஒரு சக்கரம் பாதிக்கப்பட்டால், அது வேறு சக்கரங்களையும் பாதிக்கும். எனவே, மூலாதாரச் சக்கரம் பாதிப்பால், வரும் நோய்களுக்கு மூலாதாரம் மட்டும் அன்றி வேறு சில சக்கரங்களுக்கும் சிகிச்சை அளிக்க வேண்டியிருக்கும். அதனால், நோயின் இடம், உறுப்பு, அறிகுறி மட்டும் இன்றி நோயின் மூலக்காரணத்தை அறிந்து, அதைச் சரிசெய்வதே மருந்தில்லா மருத்துவமுறையான ரெய்கியின் சிறப்பாகும்.

கர்ப்பகாலத்தில் பெண்ணுக்கு ஏற்படும் மனரீதியானப் பாதிப்பு குழந்தையின் மூலாதாரச் சக்கரத்தின் சுழற்சியில் பாதிப்பை ஏற்படுத்தும். ஆட்டிசம் (Autism) எனும் குழந்தைகளுக்கு ஏற்படும் பாதிப்பு, பெரும்பாலும் மூலாதாரச் சக்கரத்தின் வளர்ச்சிப் பாதிப்பால் நிகழ்கிறது. செவிப்புலன் செயல்படும் காலத்தில், தாயின் மனநிலை பாதிக்கப்பட்டால், சிசுவின் வளர்ச்சி பாதிக்கப்படும். இதனால்தான், ஒரு கர்ப்பிணிக்கு மகிழ்ச்சியான சூழல் தேவை என்று சொல்கிறோம்.

மூலாதாரச் சக்கரத்தில் பாதிப்பு ஏற்படும்போது, அதைச் சார்ந்த, அட்ரினல் மற்றும் சிறுநீரகம், ரத்தக் குழாய்கள், தோல், தசை, எலும்புகள் பாதிக்கப்படுகின்றன. ரெய்கி சிகிச்சை மூலம் மூலாதாரச் சக்கரத்தைப் பலப்படுத்தினால், பிரபஞ்சசக்தி, அட்ரினலை அடைந்து, ரத்த அழுத்தத்தைக் குறைக்கும். அனாஹதச் சக்கரத்துக்கும் சேர்த்துச்செய்தால், இதயப் படபடப்பைக் குறைக்கும். ஆக்ஞா சக்கரம், எல்லா சக்கரங்களையும் கட்டுப்படுத்துவதால், அதற்கும் சக்திப் பாதையைச் சரிசெய்ய வேண்டும்.

மரத்துக்கு வேர் போல, மனிதன் உயிர் வாழ மூலாதாரச் சக்கரம் இன்றியமையாதது. ரெய்க்கி தியானம் செய்வதால், நம் சக்கரங்கள் சக்தி பெற்று, உடல் நலத்துடன் வாழலாம்.

- தொடரும்

மூலாதாரச் சக்கர பாதிப்பும்...தீர்வும்!

உயர் ரத்த அழுத்தம்

மருந்தில்லா மருத்துவம் - 2



ரெய்க்கி – மன அழுத்தம், பயம் காரணமாக அட்ரினலின் அதிகமாகச் சுரப்பதால், உயர் ரத்த அழுத்தம் அதிகமாகலாம். இதை, மூலாதாரம் மற்றும் ஆக்ஞா சக்கரங்களுக்கு சக்தி அளிப்பதால் குணப்படுத்தலாம்.ஸுஜோக் அக்குபஞ்சர் முறையில், உள்ளங்கையில் அட்ரினல் சுரப்பியைக் குறிக்கும் புள்ளியிலும், கட்டை விரலின் நுனியில் இரண்டு புள்ளிகளிலும் சிகிச்சைஅளித்தால், நல்ல பலன் கிடைக்கும்.

ரத்தக் குழாய் நோய்கள்

மருந்தில்லா மருத்துவம் - 2



ரத்தக் குழாய் அடைப்பு (Coronary block), வெரிகோஸ் வெய்ன்ஸ் எனும், ரத்தம் மேலே செல்லாததால் காலில் வரும் பாதிப்பு, ரத்த அழுத்தம், மாரடைப்பு போன்ற உபாதைகள் வரும். மூலாதாரச் சக்கரம், உடலின் எல்லா ரத்தக் குழாய்களையும் கட்டுப்படுத்தும். அதனால், அடைப்பின் இடத்தையும், காரணத்தையும் பொறுத்து மூலாதாரத்துடன், வேறு சக்கரங்களின் சக்தி ஓட்டத்தையும் சரிசெய்ய வேண்டும்.

சிறுநீரகப் பாதிப்பு

மருந்தில்லா மருத்துவம் - 2



அளவுக்கு அதிகமான அல்லது நீண்ட நாட்களாக மருந்துகளை உட்கொள்வதால், சிறுநீரகத்தில் கற்கள் உருவாவது, செயலிழப்பது போன்ற பாதிப்புகள் வரலாம். ரெய்கியில் மூலாதாரச் சக்கரம், பின்புறம் உள்ள மணிப்பூரகச் சக்கரம், ஆக்ஞா சக்கரங்களுக்கு சக்தி அளிக்க வேண்டும்.

முதுகு வலி

மருந்தில்லா மருத்துவம் - 2



ரெய்கி மூலாதாரம், பின் ஸ்வாதிஸ்டானா, பின் மணிப்பூரகச் சக்கரங்களுக்கு சிகிச்சை அளிக்க வேண்டும். ஸுஜோக் அக்குபஞ்சரில் புறங்கையில் லம்பார் புள்ளியில் சிகிச்சைசெய்ய வேண்டும். அத்துடன், நோயின் தன்மையைப் பொறுத்து, தண்டுவட மெரிடியன் அல்லது கிட்னி மெரிடியனில் சிகிச்சை அளிக்க வேண்டும்.

எலும்பு சம்பந்தப்பட்ட நோய்கள்

மருந்தில்லா மருத்துவம் - 2



எலும்புத் தேய்மானம், புற்றுநோய், கால்சியம் குறைவினால் வரும் ஆஸ்டியோபொரோஸிஸ் போன்ற நோய்களுக்கும் மூலாதாரச் சக்கரத்துக்கு சிகிச்சை அளிக்க வேண்டும்.