Published:Updated:

நோய் நாடி..! - பெருகி வரும் சிறுநீரக பாதிப்புகள்!

நோய் நாடி..! - பெருகி வரும்  சிறுநீரக பாதிப்புகள்!
பிரீமியம் ஸ்டோரி
நோய் நாடி..! - பெருகி வரும் சிறுநீரக பாதிப்புகள்!

- தற்காத்துக்கொள்ள விரிவான வழிகாட்டி...கம்ப்ளீட் மெடிக்கல் கைடு!

நோய் நாடி..! - பெருகி வரும் சிறுநீரக பாதிப்புகள்!

- தற்காத்துக்கொள்ள விரிவான வழிகாட்டி...கம்ப்ளீட் மெடிக்கல் கைடு!

Published:Updated:
நோய் நாடி..! - பெருகி வரும்  சிறுநீரக பாதிப்புகள்!
பிரீமியம் ஸ்டோரி
நோய் நாடி..! - பெருகி வரும் சிறுநீரக பாதிப்புகள்!
நோய் நாடி..! - பெருகி வரும்  சிறுநீரக பாதிப்புகள்!

நோயை வெல்வ தற்கான முதல் படி, அதைப் பற்றிய விழிப்பு உணர்வை வளர்த்துக்கொள்வதுதான். அந்த வகையில், தொடர்ந்து நோய்களைப் பற்றி வெளிச்சம் தந்துவரும் ‘நோய் நாடி’ பகுதியில், சிறுநீரகப் பிரச்னைகள் பற்றி விரிவாகப் பேசுகிறார், தாம்பரம் அருகில் உள்ள முடிச்சூர், ‘அன்னை அருள்’ மருத்துவமனையின் சிறுநீரகவியல் சிறப்பு நிபுணர் டாக்டர் வெங்கடேஷ். 

நோய் நாடி..! - பெருகி வரும்  சிறுநீரக பாதிப்புகள்!

ஒட்டுமொத்த விகடனுக்கும் ஒரே ஷார்ட்கட்!

‘‘ஒருவர் உயிர் வாழ ஒரு சிறுநீரகமே போதுமானது. ஆனால், இயற்கை ஒவ்வொருவருக்கும் இரண்டு சிறுநீரகங்களைக் கொடுத்துள்ளது. இருந்தும் அவற்றைச் சரிவரப் பராமரிக்காமல் பிரச்னை களைப் பெற்று, வளரவிட்டு இரண்டு சிறுநீரகங்களும் செயலிழக்கும் நிலைமை வரை செல்வதற்கு, மக்களின் அறியாமையே காரணம்’’ என்று ஆரம்பித்த டாக்டர் வெங்கடேஷ், அதைப் போக்கும்விதமான தகவல்களை விரிவாகத் தந்தார்.

சிறுநீரகத்தின் முக்கியப் பணிகள்!

• 1300-க்கும் மேற்பட்ட ரத்தக் கழிவுகளை வெளியேற்றுவது

• ரத்த அழுத்தத்தைக் கட்டுக்குள் வைப்பது

• ரத்தவிருத்தி

• வெயிலில் இருந்து கிடைக்கும் `விட்டமின் டி’யை முழுவதும் பய னுள்ளதாக மாற்றுவது

• ரத்தத்தில் உள்ள புரதத்தை பாதுகாப்பது

• எலும்பை பலமாக வைப்பது

• சாப்பிடும் உணவு, மருந்துகளில் உள்ள கழிவுகள், விஷத் தன்மையை பிரித்து வெளியேற்றுவது உள்ளிட்ட இன்னும் பல.

சிறுநீரகம்... சில தகவல்கள்!

• சிறுநீரகத்தின் சீரான இயக்கம் நம் கையில்தான் இருக்கிறது. குடிக்கும் தண்ணீர் தொடங்கி உட்கொள்ளும் உணவு, மாத்திரை மருந்துகள் வரை எச்சரிக்கையோடு இருக்க வேண்டும்.

• உடல் நிலை, வாழும் சூழல், சாப்பிடும் உணவுகள், குடிக்கும் தண்ணீரின் அளவு போன்றவற்றைப் பொறுத்து ஒருவருக்கு வெளியேறும் சிறுநீரின் அளவு மாறுபடும். ஒரு நாளைக்கு ஒருவர் தெளிவான, நிறமில்லாத 2 லிட்டர் அளவுக்கு சிறுநீர் கழிக்க வேண்டும். அதற்குத் தேவையான தண்ணீரைக் குடிக்க வேண்டும். 

• சிறுநீரகப் பிரச்னை ஒரே நாளில் வரக்கூடியது அல்ல. அதேசமயம், ஆரம்பத்திலேயே அதை அறிந்துகொள்வதற்கு அறிகுறிகளும் இருக்காது. சிறுநீரகத்தில் பாதிப்பு இருப்பதற்கான அடிப்படை அறிகுறிகள் தென்படும்போது சிறுநீரக பாதிப்பானது வளர்ந்த நிலையில் இருக்கும். அதனால், வருடத்துக்கு ஒருமுறை சிறுநீர் மற்றும் ரத்தப் பரிசோதனை செய்து ஆரம்ப நிலையிலேயே பாதிப்புகளைக் கண்டறிந்து சரிசெய்யவேண்டியது அவசியம்.

ஒரு மில்லியன் வடிகட்டிகள்!

ஆரோக்கியமான சிறுநீரகத்தில் ஒரு மில்லியன் வடிகட்டிகள் (nephrons) இருக்கும். கிட்னியின் சீரான இயக்கத்துக்குத் துணிபுரிபவை இந்த வடிகட்டிகள். கிட்னி பாதிக்கப்படும்போது இந்த வடிகட்டிகளின் எண்ணிக்கை குறைய ஆரம்பிக்கும். 45 வயதைக் கடந்தவர்களுக்கு இயற்கையாகவே இதன் எண்ணிக்கை குறைய ஆரம்பிக்கும். 90 வயதில் 60 சதவிகித  வடிகட்டிகள் மட்டுமே இருக்கக்கூடும். என்றாலும், அந்த வயதின் உடல் உறுப்புகளின் செயல்பாட்டுக்கு அதுவே போதுமானதாக இருக்கும். ஆனால், கிட்னி பாதிப்பு வந்த இளம் வயதினருக்கு அவர்களின் உடல் உறுப்புகளின் செயல்பாட்டுக்கு ஈடுகொடுக்கும் எண்ணிக்கையில் இந்த வடிகட்டிகள் இல்லாதுபோகும்போது, அது நாளுக்கு நாள் பாதிப்பின் அளவை அதிகரித்து உயிரிழப்புவரை அழைத்துச் செல்லக்கூடும்.

சிறுநீரகப் பிரச்னைகள்... யார் யாருக்கு?

ஆண், பெண், குழந்தைகள், பெரியவர்கள் என பாகுபாடின்றி யாரும் சிறுநீரகப் பிரச்னையால் பாதிக்கப்படலாம். ரத்த அழுத்தம் உள்ளவர்கள், சர்க்கரை நோயாளிகள், 60 வயதைக் கடந்தவர்கள், சுயமாக மருந்து, மாத்திரைகள் சாப்பிடுபவர்கள், அளவுக்கு அதிகமாக உப்பு எடுத்துக் கொள்பவர்கள், தேவையான தண்ணீர் குடிக்காதவர்கள்... என இவர்கள் சிறுநீரக பாதிப்புகளுக்கு முதன்மை இலக்காவார்கள். இந்தியாவில் பல லட்சம் பேர் சிறுநீரகப் பாதிப்புக்கு உள்ளாகிறார்கள் என்றும், 2:1 என்னும் விகிதத்தில் ஆண்கள் மற்றும் பெண்கள் சிறுநீரகக் கல் பிரச்னையால் பாதிக்கப்படுவதாகவும் ஆய்வுகள்    கூறுகின்றன.

அறிகுறிகள்

• கால் வீக்கம்

• அதிக மற்றும் குறைந்த சிறுநீர் வெளியேறுவது

நோய் நாடி..! - பெருகி வரும்  சிறுநீரக பாதிப்புகள்!

• இரவில் அடிக்கடி சிறுநீர் கழிப்பது 

• மூச்சுவிடுவதில் சிரமம்

• ரத்தசோகை

• உயர் ரத்த அழுத்தம்

• எலும்பு பலமின்மை மற்றும் எளிதில் உடைந்துபோவது

• பசியின்மை

• வாந்தி

நோய் நாடி..! - பெருகி வரும்  சிறுநீரக பாதிப்புகள்!

• சட்டென தோல் உரிந்துபோவது

• அடிக்கடி விக்கல்

• எடை கூடுவது, குறைவது

• மலட்டுத்தன்மை

• உடலுறவில் நாட்ட மின்மை உள்ளிட்ட இன்னும் பல.

சிறுநீரகக் கல்லும், நாம் செய்யவேண்டியதும்!

உலக அளவில் சிறுநீரக பாதிப்பு உள்ளவர்களில் 12% பேர் சிறுநீரகக் கல் பிரச்னையை எதிர்கொள் கிறார்கள். இந்தியாவில் இது 30 - 40% ஆகும்.  குஜராத், மத்தியப்பிரதேசம், உத்தரப்பிரதேசம் போன்ற மாநிலங்களை ‘ஸ்டோன் பெல்ட்’ என்றும், இங்குள்ள மக்களில் அதிகமானோர் சிறுநீரகக் கல் பிரச்னையால் அவதிப்படுகிறார்கள் என்று தெரிவிக்கப்பட்டுள்ளது.  

• சிறுநீரகக் கல்லானது, ஏற்கெனவே ஏதேனும் வியாதி இருப்பவர்களில் 12% பேருக்கு வரலாம். வயது வித்தியாசம் கிடையாது. ஆனால், வயதுக்கு ஏற்ப சிறுநீரகக் கல் வருவதற்கான காரணங்கள் மாறக்கூடும்.

• சிறுநீரகத்தில் இருந்து சிறுநீர் பைக்குச் செல்லும் வழியில் 5 இடங்கள் குறுகலாக இருக்கும். பெரும்பாலும் அந்த இடங்களில்தான் அடைப்பு ஏற்படக்கூடும். அதாவது சிறுநீர் செல்லும் பாதையில் அழுக்கான நீர் செல்லும்போது கரைசல்கள் ஆங்காங்கே ஓட்டிக்கொள்ளும். அது தொடரும்போது படிப்படியாக அளவு அதிகரித்து அடைப்பு பெரிதாகி அடைத்துக்கொள்ளும். இதனால் சிறுநீர் வெளியேறுவதில் சிக்கல் உண்டாகி, சிறுநீரகத்தில் தேங்கி, சிறுநீரகம் வீங்கும். இதனால் சிறுநீரகக் கல் உருவாகும்.

• பெரும்பாலும் சிறுநீரகக் கல் உருவாகக் காரணம் நாம் சாப்பிடும் உணவில் உள்ள உப்புதான். எந்த அளவுக்கு உப்பைக் குறைத்துக்கொள்கிறோமோ அந்த அளவுக்கு சிறுநீரகத்துக்கு நல்லது.

• சிறுநீரகக் கல்லை உடனடியாக நீக்கவில்லை எனில், அதன் பாதிப்பு கொஞ்சம் கொஞ்சமாக அதிகரித்து உயிரிழப்புவரை ஏற்படுத்தக்கூடும். சிறுநீரகக் கல்லை நீக்கிய பிறகு, மீண்டும் வராமல் இருப்பதற்கான மருத்துவ ஆலோசனைகளையும் பின்பற்ற வேண்டும். 

• 4 மில்லிமீட்டருக்கு குறைவான அளவில் இருக்கும் கல் அல்ட்ரா சவுண்ட் (ultra sound) சோதனையில் தெரியாது என்பதால், நேரடியாக சி.டி ஸ்கேன் எடுப்பது நல்லது.

• சிறுநீரக் கல் பிரச்னை ஏற்பட்டவர் களுக்கு  ஒவ்வொரு வருடமும் 5% என வளர்ந்து 10 வருடத்தில் 50% அளவுக்கு வளரக்கூடும். 4 - 7 மில்லிமீட்டர் அளவிலான கற்கள் சிறுநீர் வழியாகவே வெளியேறிவிடும். சிறுநீரகக் கல்லை ஒளி அலை மூலமாக உடைத்து நீக்குதல் தொடங்கி பலவித சிகிச்சை முறைகள் இன்றைக்கு வந்துவிட்டன. 7 மில்லிமீட்டருக்கு அளவுக்கு அதிகமான கல்லை அறுவை சிகிச்சை செய்துதான் நீக்க முடியும். வேறு மருந்து, மாத்திரை சிகிச்சைகள் கிடையாது.


சிறுநீரகக் கல் நீக்கப்பட்டவர்கள் ஸ்டோன் அனாலிசிஸ் (stone analysis) சோதனையின் மூலம் கல் வந்ததற்கான காரணம், இனி வராமல் தடுக்க வழி போன்றவற்றை மருத்துவரிடம் கேட்டறிந்து கடைப்பிடிக்க வேண்டும். 

செயலிழப்பில் இரண்டு வகை!

நோய் நாடி..! - பெருகி வரும்  சிறுநீரக பாதிப்புகள்!

தற்காலிகம், நிரந்தரம் என சிறுநீரகச் செயலிழப்பு இரண்டு வகைகளில் நேரும். வேறு ஏதேனும் ஒரு நோய்க்காக ஒரு மருந்தை தொடர்ந்து சாப்பிட்டு வந்ததன் பக்கவிளைவாக சிறுநீரகம் பாதிக்கப்படுவது, தற்காலிகச் செயலிழப்பு. இதனைச் சரிசெய்துவிடலாம். ஆனால், நாள்பட்ட நிரந்த செயலிழப்பால் பாதிக்கப்பட்டவர்களுக்கு சிறுநீரக மாற்று அறுவை சிகிச்சை மட்டுமே நிரந்தரத் தீர்வு. சிகிச்சைக்குப் பிறகு மருத்துவ ஆலோசனைகளைப் பின்பற்றுவது மீண்டும் பிரச்னை ஏற்படாமல் இருக்க உதவும். இன்று உலகம் முழுவதும் நாள்பட்ட நிரந்த சிறுநீரகச் செயலிழப்பால் பாதிக்கப்பட்ட 67% சதவிகிதம் பேரில் 40% பேர் சர்க்கரை நோயாலும், 27% பேர் ரத்த அழுத்தத்தாலுமே பாதிக்கப்பட்டுள்ளார்கள் என்பது குறிப்பிடத்தக்கது. 

சிறுநீரக மாற்று சிகிச்சை!

சிறுநீரகத்தின் இழந்த வடிகட்டிகளை மீண்டும் புதுப்பிக்க எந்தவித மாத்திரை மருந்துகளும் கிடையாது. இப்படிப்பட்டவர்களுக்கு, டயாலிசிஸ் எனப்படும் ரத்த சுத்திகரிப்பு வைத்தியம் (வாரத்தில் மூன்று தடவை என 12 - 15 மணி நேரம்) செய்யப்படுகிறது. இதில் ரத்தத்தில் உள்ள கழிவுப் பொருட்கள் அதற்கான கருவி மூலமாக வெளியேற்றப்பட்டு, சிறுநீரகத்தின் 10% பணி மேற்கொள்ளப்படும். அதோடு உணவுக் கட்டுப்பாடு, உப்புக் கட்டுப்பாடு, ரத்த அழுத்ததை கட்டுக்குள் வைத்திருப்பது, திரவம் (தண்ணீர் உள்ளிட்ட) உட்கொள்வதில் கட்டுப்பாடு போன்றவற்றையும் பின்பற்ற வேண்டியது மிக அவசியம்.

நோய் நாடி..! - பெருகி வரும்  சிறுநீரக பாதிப்புகள்!

இறுதிகட்ட சிகிச்சையாக, சிறுநீரக மாற்று அறுவை சிகிச்சை செய்துகொள்ளலாம். ஒருவர் உயிர் வாழ ஒரு கிட்னி போதுமானது என்பதால், வேறு ஒருவரின் இரண்டு கிட்னிகளில் ஒன்றை வாங்கிப் பொருத்திக்கொள்ளலாம். இன்று ஆசியாவிலேயே கிட்னி மாற்று அறுவை சிகிச்சையில் தமிழகம் முன்னணியில் இருக்கிறது என்பது குறிப்பிடத்தக்கது.

தற்காப்பு நடவடிக்கைகள்!

• சிறுநீரக பாதிப்புக்கான அறிகுறிகள் இல்லை என்பதால், பாதிப்பு எதுவும் இல்லை என்றிருக்காமல்,

நோய் நாடி..! - பெருகி வரும்  சிறுநீரக பாதிப்புகள்!

வருடம் ஒருமுறை ரத்தம் மற்றும் சிறுநீர் பரிசோதனை செய்துகொள்ள வேண்டும்.   

• ரத்த அழுத்தத்தை கட்டுக்குள் வைத்திருக்க வேண்டும். 

• உயரத்துக்கு ஏற்ற எடையை பராமரிக்க வேண்டும். 

• புகைப்பழக்கம் மற்றும் மதுப்பழக்கத்தை முற்றிலும் தவிர்க்க வேண்டும். 

நோய் நாடி..! - பெருகி வரும்  சிறுநீரக பாதிப்புகள்!

• சுயமருத்துவமாக வலி நிவாரணிகளோ, மற்ற மருந்து மாத்திரைகளோ எடுத்துக்கொள்ளக் கூடாது.

• கால்சியம் உணவுகளை அளவோடு எடுத்துக்கொள்ள வேண்டும்.

நோய் நாடி..! - பெருகி வரும்  சிறுநீரக பாதிப்புகள்!

• விட்டமின்-சி உணவுப் பொருட்கள், திராட்சை, கோஸ், ‘பெரி’ என முடியும் காய்கறி, பழங்கள் போன்றவற்றைத் தொடர்ந்து சாப்பிடுவதைத் தவிர்க்க வேண்டும்.

• தினம் 2 லிட்டர் தெளிவான, நிறமில்லாத சிறுநீர் வெளியேறும் அளவுக்குத் தண்ணீர் குடிக்க வேண்டும்.

• `மொத்தத்தில், சிறுநீரகங்களின் சீரான செயல்பாட்டைக் குறைக்கும், கெடுக்கும் விதமான உணவு மற்றும் வாழ்க்கைமுறைப் பழக்க வழக்கங்களைத் தவிர்த்து வாழ்ந்தால், சிறுநீரகங்களும் நீடூழி வாழும் ஆரோக்கியமாக!’’

நோய் நாடி..! - பெருகி வரும்  சிறுநீரக பாதிப்புகள்!

• டாக்டர் வெங்கடேஷின் வார்த்தைகள் தாங்கி நின்றன எச்சரிக்கையையும், அறிவுரையை யும்!

சா.வடிவரசு

சுயமருத்துவம்... முதல் எதிரி!

உடலின் தேவையில்லாத கழிவு, நச்சுகளை வெளியேற்றுவது சிறுநீரகங்கள்தான். மருத்துவரின் ஆலோசனையின்றி வலி நிவாரணி அல்லது மாத்திரைகளைத் தொடர்ந்து எடுத்துக்கொள்ளும்போது, அந்தக் கழிவு, நச்சுகளைத் தொடர்ந்து வெளியேற்றும் செயல்முறையில் சிறுநீரகங்கள் நிச்சயமாக பாதிக்கப் படும். எனவே, சுயமாக மருந்து, மாத்திரைகள் எடுத்துக்கொள்வது சிறுநீரக ஆரோக்கியத்துக்கான முதல் எதிரி.

கட்டணங்கள்

நோய் நாடி..! - பெருகி வரும்  சிறுநீரக பாதிப்புகள்!

ரத்த பரிசோதனை: 50 - 300 ரூபாய்

• சிறுநீர் பரிசோதனை: 50 - 300 ரூபாய்

• அல்ட்ரா சவுண்ட் (ultra sound): 300 - 750 ரூபாய்

• சி.டி ஸ்கேன் (CT scan): 1500 - 2,500 ரூபாய்

நோய் நாடி..! - பெருகி வரும்  சிறுநீரக பாதிப்புகள்!

• சிறுநீரகக் கல் நீக்க: 30 - 40 ஆயிரம் ரூபாய் 

• சிறுநீரக மாற்று அறுவை சிகிச்சை: 3.5 - 7 லட்சம் ரூபாய்

குறிப்பு: கட்டணங்கள் இடத்துக்கும், மருத்துவமனைக்கும் ஏற்ப மாறுபடும். அரசு மருத்துவமனைகளில் இலவசமாக மேற்கொள்ளப்படும்.

அதிக உப்பு... ரொம்ப தப்பு!

நோய் நாடி..! - பெருகி வரும்  சிறுநீரக பாதிப்புகள்!

உடல் தேவைக்கும் அதிகமான அளவுக்கு உப்பு சாப்பிடுவதால் கிட்னி பாதிப்பு மட்டுமல்லாமல் உயர் ரத்த அழுத்தம், மாரடைப்பு, வாத நோய் உள்ளிட்ட இன்னும் பல பிரச்னைகள் வரக்கூடும். எனவே, ஒரு நாளைக்கு 5 கிராம் உப்பு என்பதில் கவனமாக இருக்கவும்.

என்னென்ன பரிசோதனைகள்?

நோய் நாடி..! - பெருகி வரும்  சிறுநீரக பாதிப்புகள்!

1. ரத்தப் பரிசோதனை: ரத்தத்தில் உள்ள 1,300 கழிவுப் பொருட்களில் ஏதேனும் ஒன்று அல்லது இரண்டினை தனியாக எடுத்து, அதன் அளவு அதிகமாக இருக்கிறதா என்பதை சோதனை செய்து, `ஆம்’ எனில் சிறுநீரகம் தன் பணியினைச் சரிவர செய்யவில்லை என்பதை உறுதி செய்யலாம்.  

நோய் நாடி..! - பெருகி வரும்  சிறுநீரக பாதிப்புகள்!

2. சிறுநீர் பரிசோதனை: ரத்தத்தில் உள்ள புரதம் (கண்ணுக்குத் தெரிந்த, தெரியாத) சிறுநீரில் வெளியேறுகிறதா என்பதைக் கண்டறிந்து, `ஆம்’ எனில் சிறுநீரகச் செயல்பாட்டின்மையை கண்டறியலாம்.

3.
ஜி.எஃப்.ஆர் (GFR Glomerular Filtration Rate): சிறுநீரகச் செயல்பாட்டின் நிலையையும், பாதிப்பின் தன்மையையும் கண்டறியும் சோதனை முறை இது. இதன் முடிவு, பாதிப்பை ஐந்து நிலைகளாகக் கூறும். ஐந்தாவது நிலை என்றால், மிகவும் க்ரிடிக்கலான நிலை என்று சொல்லலாம்.

4. அல்ட்ரா சவுண்ட் (Ultra sound): சிறுநீரகத்தில் அளவு, சுருக்கிய நிலையில் இருக்கிறதா, ஏதேனும் அடைப்பு இருக்கிறதா போன்றவற்றை இந்தப் பரிசோதனையில் கண்டறியலாம்.

நோய் நாடி..! - பெருகி வரும்  சிறுநீரக பாதிப்புகள்!

5. கிட்னி பயாப்ஸி (Kidney Biopsy): ஊசி மூலமாக சிறுநீரகத் திசுவில் ஒரு மிகச் சிறிய பகுதியை எடுத்து மைக்ரோஸ்கோப் வழியாகப் பார்த்து பாதிப்பின் தீவிரம், சரிசெய்யக்கூடிய சாத்தி யக்கூறு போன்ற வற்றைக் கண்டறியும் பரிசோதனை.

இந்த ஐந்து அடிப்படை பரிசோதனைகளைத் தாண்டி, பாதிப்பின் வீரியத்தைப் பொறுத்து இன்னும் பல பரிசோதனைகள் மேற்கொள்ளவேண்டி வரும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism