Published:Updated:

பல் ஹைஜீன்

பல் ஹைஜீன்
பிரீமியம் ஸ்டோரி
பல் ஹைஜீன்

பல் ஹைஜீன்

பல் ஹைஜீன்

பல் ஹைஜீன்

Published:Updated:
பல் ஹைஜீன்
பிரீமியம் ஸ்டோரி
பல் ஹைஜீன்
பல் ஹைஜீன்

பற்கள், வாய் ஹைஜீன்

அழகான, ஆரோக்கியமான, ஈர்க்கும் புன்னகை வாழ்நாள் முழுக்க நீடிக்க, வாயையும் பற்களையும் சுத்தமாகப் பராமரிப்பது மிகமிக அவசியம். எப்படிப் பராமரிப்பது என்று பல் மருத்துவர்களைக் கேட்டாலே, சொல்லித்தருவார்கள். ஆனால், இது எல்லாம் தெரிந்ததுதானே என்று நாம் கவனக்குறைவாக இருப்பதுதான், வாய் ஹைஜீன் கெட முக்கியக் காரணம்.

எப்படிப் பல் விளக்குவது?

தினமும் இரண்டு வேளை பல் துலக்க வேண்டும் என்று சொன்னாலும் யாரும் அதைப் பின்பற்றுவது இல்லை. ஒருவேளை பல் தேய்த்தாலும், சரியாகச் செய்கிறார்களா என்றால்? அதுவும் இல்லை. பிரஷ்ஷில் பேஸ்டை வைத்துச் சில நிமிடங்கள் வேகமாகத் தேய்க்கிறார்கள். சிலரோ, நீண்ட நேரம் தேய்தேய் எனத் தேய்க்கிறார்கள். இவை சரியான முறை கிடையாது. மேலும், பிரஷ்ஷை  கிடைமட்டமாகவோ மேலும் கீழுமாகவோ தேய்க்கவும் கூடாது. பற்களின் மேல் வட்ட வடிவில் சுற்றித் தேய்க்க வேண்டும். ஒவ்வொரு  பல்லையும் தேய்ப்பதற்கு  ஓரிரு விநாடிகள் எடுத்துக்கொள்ள வேண்டும். மிகவும் வேகமாக, நீண்ட நேரம் பல் தேய்த்துக்கொண்டே இருந்தால், எனாமல் தேய்ந்துவிடும். மிகக் குறைவான நேரம் மட்டுமே பல் தேய்ப்பதால் அழுக்குகள், கிருமிகள் அகலாது. பொதுவாக, ஒரு முறை முழுமையாகப் பல் தேய்க்க இரண்டு மூன்று நிமிடங்கள் எடுத்துக்கொள்வது நல்லது. காலை, இரவு இரு வேளையும் பல் தேய்ப்பது, பற்களைச் சுத்தமாக வைத்திருக்க உதவும்.

டூத் பிக் வேண்டாம்!

தற்போது, டூத் பிக் உபயோகம் அதிகரித்து உள்ளது. பற்களுக்கு இடையே ஏதேனும் சிக்கிவிட்டால், டூத் பிக் பயன்படுத்துகின்றனர். டூத் பிக்கால் ஈறுகளுக்கும் பற்களுக்கும் இடையே சந்து உருவாகும். அடிக்கடி குத்துவதால் பற்கள் தேய்ந்து, ஓட்டை விழ ஆரம்பிக்கும். டூத் பிக்களுக்கு பதில் கடைகளில் கிடைக்கும் டெண்ட்டல் ஃபிளாஸ் (Dental Floss) பயன்படுத்தலாம்.

பல் ஹைஜீன்

ஒட்டுமொத்த விகடனுக்கும் ஒரே ஷார்ட்கட்!

பல்லின் அடிப்பகுதியை முதலில்  மெதுவாகத்  தேய்க்க வேண்டும். ஒவ்வொரு பல்லையும் இது போல தேய்க்க வேண்டும்.  இதற்கு, 15 விநாடிகள் செலவிடலாம்.

பல்லின் பின்புறத்தைப் பலர் சரியாகச் சுத்தம்செய்வது கிடையாது. இதனால், வெளிப்பல் வெள்ளை நிறத்தில் இருந்தாலும், பல்லுக்குப் பின்புறம் மஞ்சள் நிறத்தில் இருக்கும். எனவே, பல் தேய்க்கும்போது பல்லின் பின்புறத்தையும் சுத்தம்செய்ய வேண்டும்.

உணவை மெல்ல உதவும் பற்களின் மேல் பகுதியைத் தனியாக வட்டவடிவில் தேய்க்க வேண்டும்.

பற்களின் மேலே இருக்கும் ஈறுகள் மீது பிரஷ் வைத்துத் தேய்த்துவிட்டால், பல் பாதிக்கப்படும். எனவே, ஒரு கண்ணாடியைப் பார்த்து, ஈறுகள் மேல் படாதவாறு பற்களைச் சுத்தம்செய்ய வேண்டும்.

இன்டர்டெண்ட்டல் பிரஷ் 

முதியவர்களுக்கு  ஈறுகளுக்கும் பற்களுக்கும் இடையே இடைவெளி இருக்கும். இதில், உணவுத் துணுக்குகள் சிக்கிக்கொள்ளும். இந்தப் பிரச்னை இருப்பவர்கள் இன்டர்டெண்டல் பிரஷ் பயன்படுத்தி பற்களை சுத்தம் செய்தால், பற்கள் பாதிப்பு அடைவதைத் தடுக்கலாம். வாட்டர் பாட்டிலை சுத்தம்செய்யும் பிரஷ்ஷின் மினியேச்சர் வடிவம் போல இந்த பிரஷ் இருக்கும்.

பிரஷ் பாதுகாப்பு 


பல வீடுகளில் பிரஷ்ஷை பாத்ரூமில் வைத்திருப்பார்கள். இது மிகவும் தவறானது. பாத்ரூமில் லட்சக்கணக்கான கிருமிகள் இருக்கும். பிரஷ்ஷை அங்கே வைக்கும்போது, கிருமித் தொற்று ஏற்பட வாய்ப்பு உண்டு. எனவே, பாத்ரூமில் பிரஷ்ஷை வைக்காதீர்கள். அதே போல பல் விளக்கி முடித்த பிறகு பிரஷ்ஷை  மூடுவதற்கான பிரத்யேக மூடிகளைப் பயன்படுத்தி மூடிவிடவும். மருந்தகங்களில் இதற்கான மூடிகள் கிடைக்கும்.

எந்த பிரஷ் வாங்கலாம்? 

பொதுவாக, பெரியவர்கள் அனைவரும் எந்த பிரஷ் வேண்டுமானாலும், எந்த பிராண்ட் வேண்டுமானாலும் பயன்படுத்தலாம். பேஸ்ட்டும் அப்படித்தான். சற்று மென்மையான பிரஷ் பயன்படுத்துவது நல்லது. பல வீடுகளில் மாதக்கணக்கில், ஆண்டுக்கணக்கில் பிரஷ்களை மாற்ற மாட்டார்கள். பிரஷ் நார்கள் நன்கு வளைந்த பிறகும்கூட மாற்ற மாட்டார்கள். வளைந்த நார்கள் ஒரே இடத்தில் குத்தி ஈறுகளைச் சேதப்படுத்தும். பொதுவாக, ஒரு மாதத்துக்கு மேல் ஒரு பிரஷ் சேதமடையாமல் இருப்பது கடினம். எனவே, மாதம் ஒரு முறையாவது பிரஷ்ஷை மாற்றலாம்.

- பு.விவேக் ஆனந்த்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism