Published:Updated:

இனி எல்லாம் சுகமே - 14

இனி எல்லாம் சுகமே - 14
பிரீமியம் ஸ்டோரி
இனி எல்லாம் சுகமே - 14

செரிமானம் அறிவோம்!

இனி எல்லாம் சுகமே - 14

செரிமானம் அறிவோம்!

Published:Updated:
இனி எல்லாம் சுகமே - 14
பிரீமியம் ஸ்டோரி
இனி எல்லாம் சுகமே - 14
இனி எல்லாம் சுகமே - 14

நாம் சாப்பிடும்  உணவுகளைப் பிரித்து, செரிக்கும் முக்கியமான வேலையைச்செய்யும் சிறுகுடலில், ஏதாவது பிரச்னை ஏற்பட்டால் என்ன ஆகும்? குழாயைத் திறந்துவிட்டால் வேகமாக நீர் கொட்டுவதுபோல கடும் வயிற்றுப்போக்கு ஏற்படும். வயிற்றுப்போக்கு ஏற்படுகிறது என்றாலே சிறுகுடலில் ஏதோ பிரச்னை எனஅறிந்துகொள்ளலாம்.  ஃபுட் பாய்சன் ஏற்பட்டால், சிறுகுடல் உடனடியாகப் பாதிக்கப்படும். பொதுவாக, சிறுகுடல் தற்காலிகமாக மட்டுமே பாதிக்கப்படும். இதனால், பெரிய அளவில் பிரச்னை இல்லை. ஆனால், ஒரு சிலருக்கு நீண்ட நாட்களுக்கு சிறுகுடல் பாதிக்கப்படும் வாய்ப்பு உண்டு. பொதுவாக, எட்டு வழிகளில் சிறுகுடல் பாதிப்படைகிறது. அவற்றைப் பார்ப்போம்.

டிப்பு மடிப்பாக இருக்கும் சிறுகுடலில் மட்டும் கிட்டத்தட்ட ஏழு லிட்டர் அளவுக்குத் தண்ணீர் பயணித்துக்கொண்டே இருக்கிறது. சிறுகுடல் செயல்பட வேண்டும் என்றால் தண்ணீர் அவசியம். நம் உடலின் பெரும்பகுதி தண்ணீர் இங்குதான் இருக்கிறது. ‘விபரியோ காலரே’ என்ற கிருமி சிறுகுடலைத் தாக்கும் போது, சிறுகுடலில் நீரோட்டம் தடைப்படும். இதனால், கடும்வயிற்றுப்போக்கு ஏற்படும். உடலில் நீர் இழப்பு ஏற்படும். சிறுகுடலில் இருக்கும் நீர் எல்லாம் வயிற்றுப்போக்குக் காரணமாக வெளியேறிக்கொண்டே இருக்கும். அதிக நீர் இழப்பால் கண்கள் பாதித்து, தோல் சுருங்கி, பின் இதயம், சிறுநீரகச் செயல்பாடும் குறைந்து, உயிருக்கே ஆபத்தாகவும் முடியலாம்.

கி
ராமங்களில் இருக்கும் சுத்தமற்ற கிணறு, சிறுநீர், மலம் போன்றவை கலந்த ஏரி, குளம், ஆற்று நீரில் `ஜார்டியா’ எனும் பூச்சி இருக்கும்.  இது, ஒரு செல் உயிரி வகையைச் சேர்ந்தது. இது, நீர் மூலம் நமது உடலுக்குள் சென்றால், வயிற்று உப்புசம், வயிற்றுவலி, நுரைத்து மலம் வெளியேறுதல், உணவில் இருந்து சத்துக்களை முழுமையாகக் கிரகிக்க முடியாத நிலை போன்றவை ஏற்படும். எனவே, முடிந்தவரை நீரை நன்கு காய்ச்சி, வடிகட்டி அருந்த வேண்டும்.

ற்போது, பலர் பலவிதமான நோய்களுக்கு மாத்திரை சாப்பிட்டுக்கொண்டே இருக்கிறார்கள். மூட்டுவலி உள்ளிட்ட சில பிரச்னைகளுக்கான மாத்திரை எடுக்கும்போது, இரைப்பையில் புண்கள் ஏற்படுவதுபோலவே சிறுகுடலிலும் புண்கள் ஏற்படும். இதனால், சிறுகுடலின் பணிகள் மெள்ள மெள்ள பாதிக்கப்படும் வாய்ப்பு இருக்கிறது.

காசநோயைப் பொறுத்தவரையில், உடலின் எந்தப் பகுதியில் வேண்டுமானாலும் வரும். சிறுகுடலில் டி.பி வந்தால் வயிற்றுவலி, வாந்தி, பேதி போன்றவை ஏற்படும். சிறுகுடல் டி.பி ஏற்படுவது சற்று அரிது என்பதால், கவலைப்பட வேண்டாம்.

இனி எல்லாம் சுகமே - 14

ஒட்டுமொத்த விகடனுக்கும் ஒரே ஷார்ட்கட்!

ப்பண்டிசைடிஸ், குடும்பக் கட்டுப்பாடு, கர்ப்பப்பை, பித்தப்பை அறுவைசிகிச்சைகள் செய்துகொண்டவர்களில் சிலருக்கு வயிற்றுவலி, வாந்தி, வயிற்று உப்பசம் போன்ற பிரச்னைகள் ஏற்படலாம். இந்த அறுவைசிகிச்சைகள் செய்துகொண்டதால் ஏற்பட்ட தழும்புகள் சிறுகுடலில் படுவதால், இந்தத் தொந்தரவுகள் ஏற்படுகின்றன.

கோதுமை, பார்லி, ஓட்ஸ்  போன்ற உணவுகளில் குளூட்டன் என்றொரு பொருள் இருக்கிறது. இது பலருக்கும் ஒவ்வாமையை ஏற்படுத்தும். வட இந்தியாவில் `சீலியாக்’ எனும் நோய் ஏற்பட இதுதான் காரணம். குளூட்டன் சிறுகுடலில் இருக்கும் உறிஞ்சிகளை (Villus) பாதிப்பதால், ஊட்டச்சத்து கிரகித்தல் பிரச்னை ஏற்படும்.  பலவிதமான இடங்களில், சுத்தம் இல்லாத சாப்பாட்டை உண்ணும்போது, சிறுகுடலில் அசுத்தங்கள் சேர்ந்து, இயல்பாக இருக்கவேண்டிய அளவைவிட பாக்டீரியா எண்ணிக்கை அதிகரித்துவிடும் வாய்ப்பு இருக்கிறது. இதனாலும், சிறுகுடல் உறிஞ்சிகள் பாதித்து, படிப்படியாக சத்துக்களை கிரகிக்கும் தன்மை குறைந்துவிடும். இதனை `டிராபிக்கல் ஸ்ப்ரூ’ (Tropical Sprue) என்கிறார்கள்.

சிறுகுடல் சுவரில்தான் இரட்டை சர்க்கரைகளான லேக்டோஸ் போன்றவற்றை உடைக்கும் `டைசாக்ரைடேஸ்’ எனும் என்சைம் சுரக்கும். இதுதான் நாம் சாப்பிடும் உணவில் இருந்து குளுக்கோஸைப் பிரித்து எடுக்கிறது. பால் பொருட்களில் கேலக்டோஸ் எனும் சர்க்கரை இருக்கும். டைசாக்ரைடு என்சைம் குறைவாக சுரந்தால், கேலக்டோஸ்  செரிமானம் ஆகாது. இதனால், பால் பொருட்களைச் சாப்பிடுபவர்களுக்கு, குமட்டல், வாந்தி போன்றவை ஏற்படும்.

டல்பருமன் குறைப்புக்காகச் செய்யப்படும் பேரியாட்ரிக் அறுவைசிகிச்சையின்போது, சிறுகுடலின் சிறுபகுதி வெட்டி எடுக்கப்படும் அல்லது பைபாஸ் செய்யப்படும். உணவை  செரிக்கும் தன்மை செயற்கையாகக் குறைக்கப்படும். இந்த முறையால், சிலருக்கு சிறுகுடலில் பாதிப்புகள் ஏற்பட்டன. இதனால், பேரியாட்ரிக் அறுவைசிகிச்சை கைவிடப்பட்டு, ரெஸ்ட்ரிக்டிவ் அறுவைசிகிச்சை முறை செய்யப்படுகிறது.

- தொடரும்

டந்த இதழில், `சிறுகுடல் இல்லாமல் ஒரு மனிதன் உயிர்வாழ முடியாது’ எனச் சொல்லியிருந்தேன். `ஏன் அப்படிச் சொல்கிறீர்கள்?’ என ராஜேஷ் எனும் வாசகர் கேட்டிருக்கிறார்.

சில அறுவைசிகிச்சைகளில் சிறுகுடலின் பகுதிகள் வெட்டி எடுக்கப்படுவது உண்டு. ஆனால், சிறுகுடலை ஒட்டுமொத்தமாக மருத்துவர்கள் அகற்ற மாட்டார்கள். சிறுகுடலின் கடைசிப் பகுதியான இலியத்தைக் கொஞ்சம் கொஞ்சமாகத் தியாகம் செய்ய முடியும். இலியம் பகுதி குறையும்போது, வைட்டமின் பி12 குறைபாடு ஏற்படும். இதை, மாத்திரை மற்றும் ஊசிகள் மூலமாகச் சமாளித்துக்கொள்ளலாம்.

பித்த உப்பை உறிஞ்சுவது இலியம்தான்.  இது சேதமாவதால் பித்த உப்பை இழக்க நேரிடும். அப்போது, கல்லீரல் தனக்குத் தானே அட்ஜஸ்ட் செய்துகொள்ளும். வயிற்றுப்போக்கு பிரச்னை மட்டும் இருக்கும். அறுவைசிகிசிச்சையில் இலியம் பாதி வரை நீக்கப்படும் சூழ்நிலை ஏற்பட்டால், அதன் பின்னர் உடலில் நீர் இழப்பு அதிகம் ஏற்படும். இதை டிரிப்ஸ் ஏற்றி, கொஞ்சம் சமாளித்துக்கொள்ளலாம். ஆனால், சிறுகுடலின் நடுப்பகுதியான  ஜெஜினம்  குறைந்தபட்சம் ஒரு மீட்டர் நீளமாவது இருக்க வேண்டும். ஜெஜினத்தையும் வெட்டவேண்டிய சூழ்நிலை ஏற்பட்டால், நிலைமை மோசமாகிவிடும். நாம் சாப்பிடும் உணவுகளை சிறுகுடல் உறிஞ்ச வேண்டும். சிறுகுடலால் உறிஞ்ச முடியவில்லை எனில், அது சிறுகுடல் செயலிழப்பு என்று அர்த்தம்.

பொதுவாக, லட்சத்தில் ஒருவருக்கு சிறுகுடல் செயலிழப்பு ஏற்படுகிறது. சிறுகுடல் செயலிழந்துவிட்டால், அவரால் நேரடியாகச் சாப்பிட முடியாது. தகுந்த டயட்டீஷியன்கள் மூலம் சிறுகுடலில் செரிக்கப்பட்ட  உணவு எப்படி இருக்குமோ அதைப்போல செரிக்கப்பட்ட  புரதம், ஸ்டார்ச், கொழுப்பு, வைட்டமின்கள் எல்லாம் சேர்த்து, ஒரு திரவ உணவு தயாரிக்கப்படும்.  ரத்தக் குழாய் வழியாக இந்தச் சத்துக்கள் கொடுக்கப்படும்.பொதுவாக, சிறுகுடல் செயலிழப்பு என்பது விபத்து, வன்முறைச் செயல்களால் ஒருவர் பாதிக்கப்படும்போதே ஏற்படுகிறது. ஒரு சிலருக்கு சிறுகுடலில் ரத்த ஓட்டம் குறைவாக இருந்தாலும் சிறுகுடல் செயலிழப்பு ஏற்படலாம்.