Published:Updated:

இனி எல்லாம் சுகமே - 16

இனி எல்லாம் சுகமே - 16
பிரீமியம் ஸ்டோரி
இனி எல்லாம் சுகமே - 16

செரிமானம் அறிவோம்!

இனி எல்லாம் சுகமே - 16

செரிமானம் அறிவோம்!

Published:Updated:
இனி எல்லாம் சுகமே - 16
பிரீமியம் ஸ்டோரி
இனி எல்லாம் சுகமே - 16
இனி எல்லாம் சுகமே - 16

ணையத்தில் சுரக்க வேண்டிய ஹார்மோன்கள், என்சைம்கள்  ஒழுங்காக சுரக்கவில்லை எனில் செரிமான பிரச்னை, சர்க்கரை நோய் வரும் என ஓரளவுக்கு அனைவருக்கும் தெரியும். ஆனால், கணைய அழற்சி, கணையப் புற்றுநோய் குறித்த விழிப்புஉணர்வு இந்தியாவில் மிகவும் குறைவு. கணைய அழற்சியை திடீர் அல்லது குறுகிய கால கணைய அழற்சி, நாட்பட்ட கணைய அழற்சி என இரண்டாகப் பிரிக்கலாம்.

திடீர் அல்லது குறுகிய கால கணைய அழற்சி (Acute Pancreatitis)

பித்தப்பையில் இருந்து வரும் பித்தநாளத்துடன் கணையத்தில் இருந்து வரும் நாளம் இணைந்து சிறுகுடலில் இணைகின்றது. பித்தப்பைக் கல் இந்த குழாயை அடைக்கும்போது,  என்சைம்கள் வெளியேறுவது தடைப்பட்டு கணையத்திலேயே தங்கிவிடுகிறது. இப்படி கணையத்தில் தங்கும் என்ஸைம், கணைய செல்களை செரிமானம் செய்ய ஆரம்பிக்கும்.  இதனால், கணையம் மற்றும் என்ஸைம் அழுகி விஷமாகிவிடும். இந்த விஷம் உடலின் எந்தப் பகுதியையும் பாதிக்கலாம். சில சமயங்களில் மாத்திரை, மருந்துகள் கொடுத்தும் கட்டுப்படாது.

பித்தப்பைக் கற்களை போலவே ஆல்கஹாலும் ஆபத்தானது. இந்தியாவில் கணைய அழற்சிக்கு மிக முக்கியமான காரணமே ஆல்கஹால்தான். அளவுக்கு அதிகமாக ஆல்கஹால் அருந்தும்போது, அதில் உள்ள ரசாயனங்கள் கணையத்தின் என்சைம்களைப் பாதிக்கின்றன. இதனாலும், கணைய அழற்சி ஏற்படுகிறது. கணைய அழற்சி மிக மிக மோசமான வலியைத் தரும். மேல் வயிற்றில் ஆரம்பிக்கும் வலி அப்படியே முதுகுப்பக்கம் வரை பரவும்.

இனி எல்லாம் சுகமே - 16

குறுகிய காலக் கணைய அழற்சியால் 10-ல் ஒருவர் மரணத்தைச் சந்திக்கிறார். மதுப் பழக்கம் உள்ளவர்கள், கணைய அழற்சியால் அவதிப் படுபவர்களை நேரில் பார்த்தால், அதன் பிறகு குடிப்பதையே மறந்துவிடுவார்கள். அந்த அளவுக்கு மோசமான பாதிப்பை ஏற்படுத்தக்கூடியது. சிகிச்சை அளிக்கக்கூடிய மருத்துவர்களே வேதனை அடைவார்கள் என்றால் எந்த அளவுக்கு பாதிப்பு இருக்கும் எனப் புரியும்.

அமைலேஸ், லைபேஸ் என்சைம்களின் சுரப்பை ரத்த பரிசோதனை மூலம் கண்டறியலாம். சி.டி ஸ்கேன் செய்தால், கணையம் எந்த அளவுக்குப் பாதிக்கப்பட்டுள்ளது என அறியலாம். பெரும்பாலும், ஒரு வார சிகிச்சையில் இந்தப் பிரச்னை குணமாகிவிடும். வெகு சிலருக்கு அறுவைசிகிச்சை தேவைப்படலாம். கணைய அழற்சியைத்  தவிர்க்க, ஆரோக்கியமான உணவுமுறை அவசியம். டிரைகிளிசரைடு கொழுப்பு நிறைந்த உணவுகளை உட்கொள்வதைத் தவிர்க்க வேண்டும். சமீப காலத்தில் 25 -40 வயதினர் அதிக அளவில், கணைய அழற்சியால் கடுமையாகப் பாதிக்கப்படுகிறார்கள்.

இனி எல்லாம் சுகமே - 16

நாட்பட்ட கணைய அழற்சி (Chronic Pancreatitis) 

சிலருக்கு குழந்தைப் பருவத்தில் இருந்தே கணையத்தில் சுரக்கும் என்ஸைம் அடர்த்தியாக இருக்கும். இது பரம்பரைப் பிரச்னையாகவும் இருக்கலாம். இதனால், நாட்பட்ட கணைய அழற்சி ஏற்படலாம். இந்த வகை கணைய அழற்சி ஆரம்பத்தில் அறிகுறி தெரியாது. அவ்வப்போது வலி ஏற்படும், சர்க்கரை நோய் ஏற்படும், அஜீரணக்கோளாறு, எடைக் குறைதல் போன்ற பிரச்னைகள் ஏற்படும். நாட்பட்ட கணைய அழற்சியை முழுமையாகக் குணப்படுத்த முடியாது. ஆனால் தொடர் சிகிச்சை மூலம் நோயின் தீவிரத்தைக் கட்டுக்குள் வைக்க முடியும். நாட்பட்ட கணைய அழற்சி இருப்பவர்களுக்கு, கணையம் அடிக்கடி சுருங்கி, விரிவதால் இயல்பான நிலையில் இருக்காது. ஆங்காங்கே கால்சியம் திட்டுகள் கணையத்தில் படிந்திருப்பதைப் பார்க்க முடியும். 

குழந்தைகளுக்கு நாட்பட்ட கணைய அழற்சி இருப்பது கண்டுபிடிக்கப்பட்டால், ஜீன் தெரப்பி சிகிச்சையை முயற்சித்துப் பார்க்கலாம்.

இனி எல்லாம் சுகமே - 16

பல வருடங்களுக்குத் தொடர்ந்து ஆல்கஹால் அருந்துபவர்களுக்கு, நாட்பட்ட கணைய அழற்சி ஏற்படும். இவர்களுக்கு வலி அதிகமாக இருக்கும் என்பதால், முதலில் வலியைக் குறைக்கும் நிவாரணிகள் தர வேண்டியது இருக்கும்.கணையத்தில் சிலருக்கு ஸ்டென்ட் பொறுத்த வேண்டியது இருக்கும். கணைய அழற்சி ஏற்படுபவர்களுக்கு இன்னொரு பிரச்னை, ஊட்டச்சத்துக் குறைபாடு. என்சைம்கள் சரியாக உணவில் சேராததால் உணவில் இருந்து ஊட்டச்சத்துக்கள் உறிஞ்சப்படாது. இந்த நிலையில் வைட்டமின்கள், தாதுஉப்புகள் போன்றவற்றுக்கு மாத்திரை, மருந்துகள் எடுத்துக்கொள்ள வேண்டும்.

- தொடரும்

கணையத்தில்  தலைப்பகுதியில் புற்றுநோய் வந்தால் மஞ்சள் காமாலை ஏற்படும். மஞ்சள் நிறத்தில் போக வேண்டிய மலம், ஒருவித வெளிர் நிறத்தில் போகும். 

கணையப் புற்றுநோய்

கணையப் புற்றுநோய் உலகம் முழுவதும் அதிகரித்துக் கொண்டிருக்கும் பிரச்னை. இந்தியா போன்ற நாடுகளில் கணையப் புற்றுநோய் வந்து இறப்பவர்களின் எண்ணிக்கை அதிகம் என்றாலும், கணையத்தில் புற்றுநோய் வந்திருப்பதே பலருக்குத் தெரியாது. பரம்பரை காரணமாக, கணையப் புற்றுநோய் வருவதற்கு அதிக வாய்ப்பு இருக்கிறது. பொதுவாக, 50 வயதுக்கு மேற்பட்டவர்களுக்குக் கணையப் புற்றுநோய் வருகிறது. கணையத்தின் தலைப் பகுதி, நடுப்பகுதி, வால்பகுதி என எந்த இடத்தில் வேண்டுமானாலும் புற்றுநோய் வரலாம். ஆரம்பத்தில் கண்டுபிடித்தால் அறுவைசிகிச்சை  மூலம் புற்றுநோய் பரவுவதற்குள் நீக்கிவிடலாம்.

கணையத்தில்  தலைப்பகுதியில் புற்றுநோய் வந்தால் மஞ்சள் காமாலை ஏற்படும். மஞ்சள் நிறத்தில் போக வேண்டிய மலம், ஒருவித வெளிர் நிறத்தில் போகும்.  பித்த உப்புகள் வெளியேறாததால், தோலில் அரிப்புகள் இருக்கும். அதே சமயம் சிறுநீர் மஞ்சள் நிறத்தில் போகும். இந்த அறிகுறிகளை வைத்து, ஆரம்பத்திலேயே கண்டுபிடித்தால் அறுவைசிகிச்சை மூலம் கட்டியைக் குணமாக்கிவிடலாம்.

கணையத்தின் நடுப்பகுதி, வால்பகுதியில் புற்றுநோய் வந்தால், உடனடியாக அறிகுறி தெரியாது. சில நாட்களுக்குப் பிறகு அதீதமாக எடை குறையும், திடீரென கணையத்தில் இன்சுலின் செயல்பாடு குறைந்து, சர்க்கரை நோய்  வரும். பசி எடுக்காது, சர்க்கரை கட்டுக்குள்  வைத்திருப்பவர்களுக்கு, திடீரென தாறுமாறாக சர்க்கரை அளவு உயரும். ஒரு சிலருக்கு வலி இருக்கும், சிலருக்கு வலி இருக்காது. இவர்களுக்கு கணைய அறுவைசிகிச்சை நிபுணர் மூலம் கட்டி இருக்கும் பகுதியை வெட்டி எடுக்கப்பட்டு, அதற்கு ஏற்ப பித்தக்குழாய், சிறுகுடல் போன்றவற்றுடன் பைபாஸ் செய்யப்படும். இதற்கு ‘விப்பில்’ (Whipple) அறுவைசிகிச்சை எனப் பெயர். இந்த அறுவைசிகிச்சைக்குப் பிறகு, 10 - 15  ஆண்டுகள் வரைகூட வாழ முடியும். எனவே, அறிகுறிகள் இருந்தால் முடிந்தவரை விரைவாக சிகிச்சை எடுத்துக்கொள்வது நல்லது.