Published:Updated:

கால்கள் கவனம்... சர்க்கரை நோய் அலெர்ட் !

கால்கள் கவனம்... சர்க்கரை  நோய் அலெர்ட் !
பிரீமியம் ஸ்டோரி
கால்கள் கவனம்... சர்க்கரை நோய் அலெர்ட் !

கால்கள் கவனம்... சர்க்கரை நோய் அலெர்ட் !

கால்கள் கவனம்... சர்க்கரை நோய் அலெர்ட் !

கால்கள் கவனம்... சர்க்கரை நோய் அலெர்ட் !

Published:Updated:
கால்கள் கவனம்... சர்க்கரை  நோய் அலெர்ட் !
பிரீமியம் ஸ்டோரி
கால்கள் கவனம்... சர்க்கரை நோய் அலெர்ட் !
கால்கள் கவனம்... சர்க்கரை  நோய் அலெர்ட் !

ர்க்கரை நோயாளிகளுக்கு, ரத்தத்தில் சர்க்கரை கட்டுக்குள் இல்லாமல் போகும்போது, நோய் எதிர்ப்புச்சக்தி குறையும். இதனால், உச்சி முதல் பாதம் வரை உடலின் ஒவ்வொரு உறுப்பும் பாதிக்கப்படுகிறது. அதிலும் குறிப்பாக அதிக அளவில் பாதிக்கப்பட்டு, அகற்றப்படும் உறுப்பு கால்கள்தான். நரம்பு மண்டலத்தை பாதிக்கும்போது காலில் உணர்வு குறைந்துவிடுகிறது. இதனால்தான் முள், கல், ஆணி போன்றவற்றால் காயங்கள் ஏற்பட்டாலும், கீழே விழுந்து புண் ஏற்பட்டாலும்கூட வலி ஏற்படுவது இல்லை. இதை கவனிக்காவிட்டால், பிற்காலத்தில் விரல் அல்லது காலையே அகற்றும் அளவுக்கு நிலைமை முற்றிவிடும். எனவே, சர்க்கரை நோயாளிகள் பாதங்களை பராமரிப்பது எப்படி என்று தெரிந்துகொள்ள வேண்டியது மிகவும் அவசியம்.

கால்கள் கவனம்... சர்க்கரை  நோய் அலெர்ட் !

ஒட்டுமொத்த விகடனுக்கும் ஒரே ஷார்ட்கட்!

கால்களைக் காப்போம்!

சர்க்கரை நோயாளிகளுக்கு மற்ற உறுப்புகளைவிட, காயம் அதிகம் ஏற்பட வாய்ப்புள்ள பகுதி கால்கள்தான். கால் விரல்கள் முதல் மூட்டு வரை நரம்புப் பாதைகள் இருப்பதால், காயம் ஏற்பட்டு ஒவ்வொரு விரலின் வழியாகவும் கிருமிகள் உட்புகும்போது, அவை மூட்டு வரை பாதிப்பை ஏற்படுத்தும்.

முள், கல் போன்ற ஏதாவது கால்களில் குத்தினால் இவர்களுக்கு தெரியாது. இதனால், ஒவ்வொரு அடி எடுத்துவைக்கும்போதும் அவை பாதத்தின் உள்ளே செல்கின்றன. இதைத் தவிர்க்க, சர்க்கரை நோய் இருப்பது உறுதியானதுமே, மிருதுவான காலணிகளைத் தேர்ந்தெடுத்து வாங்கி அணிவது அவசியம்.

காலணி வாங்க எது சரியான நேரம் என்று கேட்டால், பெரும்பாலானவர் இதற்கு எதற்கு நேரம் பார்க்க வேண்டும் என்று சொல்வார்கள்.  ஆம்.. சர்க்கரை நோயாளிகளுக்கு காலணி வாங்க கூட  நல்ல நேரம் உள்ளது. பகல் முழுக்கக் கால்களுக்கு வேலை கொடுப்பதால், சிலருக்கு மாலை நேரத்தில் கால்கள் சற்று வீங்கியிருக்கும். எனவே, மாலை நேரத்தில் காலணிகள் வாங்கினால், கால்களை இம்சிக்காத, சரியான அளவுள்ள காலணிகளை வாங்க முடியும்.

*ஷூ அணிவோர், விரல்கள் இருக்கும் முன் பகுதி, கூர்மையாக இல்லாமல், அகலமாக இருப்பதுபோல் வாங்க வேண்டும்.

*ஷூ அல்லது செருப்பில், நாம் கால் வைக்கும் அடிப்பாகம் மிகவும் மென்மையாகவும் இல்லாமல் மிகவும் கடினமாகவும் இல்லாமல், 20 ஷோர் (Shore) அளவு இருக்க வேண்டும்.

*தரமான தோல் அல்லது காட்டன் ஷூக்கள் அணியும்போது, அதில் உள்ள நுண் துளைகள் வழியாகக் காற்று சென்றுவரும்.

*தரமற்ற தோல், சின்தடிக் ஷூக்கள் காற்றோட்டத்தைப் பாதிக்கும் என்பதால், அவற்றைத் தவிர்க்க வேண்டும்.

*கால்களை இறுக்கமாகப் பிடிக்கும் பாயின்ட்டட் ஷூக்களைவிட சற்றுத் தளர்வான ஷூக்களைப் பயன்படுத்தலாம்.

*முள் போன்ற அடிப்பாகம்கொண்ட அக்குபிரஷர் செருப்புகள் அணிவதைத் தவிர்க்க வேண்டும்.    
 
*கால்களைத் தினமும் சோதிக்க வேண்டும். வயதானவர்களுக்குப் பார்வைத்திறன் குறைவாக இருந்தால், வேறொருவரிடம் தங்கள் கால்களைக் காட்டி, சோதனை செய்யச் சொல்ல வேண்டும்.

*கால்களில் சிராய்ப்பு அல்லது சிறு காயம் ஏற்பட்டாலோ, ரத்தம் வந்தாலோ, உணர்ச்சி வித்தியாசமாக இருந்தாலோ, உடனடியாக சிறு முதலுதவி செய்துவிட்டு, மருத்துவரை அணுக வேண்டும். மருத்துவர்கள் நரம்புகளைச் சோதனைசெய்து, காயங்களைக் குணப்படுத்தி புண் வராமல் தடுத்துவிடுவர்.

*சர்க்கரை நோயாளிகளுக்கு, சிறிய சிராய்ப்பு அல்லது கீறல்கூட புண்ணாக மாறிவிட வாய்ப்புகள் அதிகம். இவர்களுக்கு நோய் எதிர்ப்புச் சக்தி குறைவாக இருப்பதால், கிருமிகள் உட்புகுந்து வேறு நோய்கள் ஏற்படவும் வாய்ப்பு உள்ளது.

கால்கள் கவனம்... சர்க்கரை  நோய் அலெர்ட் !

*கால்களில் செருப்பு அணிந்தாலே, புண் ஏற்படும் வாய்ப்புகள் குறையும். வீட்டுக்குள் நடப்பதற்கும் பிரத்யேக செருப்புகள் வாங்கி அணிவது முக்கியம்.

*சாக்ஸ் போட்டு செருப்பு அணியலாம். வெள்ளை அல்லது வெளிர் நிறங்களில் சாக்ஸ் அணிந்தால், நீர்க்கசிவு அல்லது ரத்தக் கசிவு ஏற்பட்டாலும் உடனே அறிய முடியும்.

*வெயில் நேரங்களில் தரையில் நடப்பதால், கொப்புளங்கள் ஏற்பட வாய்ப்பு உள்ளதால் வெறுங்காலில் நடப்பதைத் தவிர்க்க வேண்டும்.

*தினமும் குறைந்தது  இரண்டு முறை பாதங்களை கழுவி, விரல் இடுக்குகளில்  துணியால் துடைத்த பின், ஏதேனும் ஒரு மாய்ஸ்சரைசிங் கிரீம் தடவ வேண்டும். இதனால், கால்களில் வெடிப்புகள் ஏற்படுவதைத் தவிர்க்கலாம்.

*கால்களைச் சோதனை செய்யும்போது, வீக்கமாகவோ, தோல் சிவப்பாகவோ மாறியிருக்கிறதா எனப் பார்க்க வேண்டும்.

*எலும்புகளில் பாதிப்பு இருந்தால், வீக்கமோ கிருமித் தொற்றோ அல்லது சிறு காயங்களால் சிவப்பு நிறமாக மாறவோ வாய்ப்பு உள்ளது.

*நகங்களை வெட்டுவதற்கு பதிலாக, நெயில் ஷேப்பர் கொண்டு தேய்த்து, நகங்களின் நீளத்தைக் குறைக்கலாம்.

*வீட்டில் காயத்துக்கான கிரீம்கள் இருந்தால், காயத்தின் மேல் தடவலாம். ஆனால், கிரீம்கள் திறக்கப்பட்டால், ஒரு மாதத்துக்குள் பயன்படுத்தப்பட வேண்டும்.

- ஜெ.விக்னேஷ்

கால் எலும்பு முறிவு கவனம் தேவை!

“சர்க்கரை நோயாளிகளுக்கு எலும்பு முறிவே ஏற்பட்டாலும்கூட, அதை அவர்களால் உணர முடிவது இல்லை. மைக்ரோ ஃப்ராக்சர் (Micro fracture) எனப்படும் சிறு எலும்பு முறிவுகள் ஏற்படும்போது, அவற்றைக் கவனிக்காமல் விடுவதால், கொஞ்சம் கொஞ்சமாகப் பெரிதாகி, பெரும் பாதிப்புகளை ஏற்படுத்தும். இதனால், காலின் வடிவம் மாறுவதுடன், எலும்பின் அடர்த்தி குறைந்துவிடும். பொதுவாக, இதுபோன்ற சிறு முறிவுகள், சில நாட்கள் ஓய்வு எடுத்தாலே குணமாகிவிடும். ஆனால், சர்க்கரை நோயாளிகள் தொடர்ந்து நடப்பதால், எலும்புகள் கூடாமல் முறிவு

ஒரு கட்டத்தில், எலும்பு மிருதுவாகி, உடையும் அளவுக்குச் சென்றுவிடும். இதனால், காலை ஊன்ற முடியாமல் அவதிப்படுவார்கள். அவர்களுக்குச் சாதாரண மாவுக்கட்டு பயன்படாமல் போகலாம். அறு வைசிகிச்சைகள் மூலமாக எலும்புகளைச் சீரமைப்பதால் மட்டுமே நடக்க முடியும். சிலருக்குக் காயங்கள் ஏற்படுவதாலும் எலும்புகள் பாதிப்படையலாம். கிருமிகள் உள்ளே சென்று எலும்புகளை அரித்துவிடும். சர்க்கரை நோயாளிகளின் உடலில் கிருமிகள் பரவுவது அதிகமாகவும் வேகமாகவும் நடக்கும்.

இதுபோன்ற பாதிப்புகளைத் தவிர்க்க, எங்கேயாவது இடித்துக் கொண்டாலோ, கீழே விழுந்தாலோ உடனடியாக ஒரு எக்ஸ்ரே எடுத்துவிடுவது நல்லது. சில சமயம் எக்ஸ்ரேவில், இந்தச் சிறு முறிவுகள் சரியாகத் தெரியாமல்போகலாம். அதுபோன்ற சூழலில், சில வார காலம் ஓய்வு எடுத்த பிறகு, மறுபடியும் எக்ஸ்ரே எடுத்துப் பார்த்தால், பிரச்னைகள் இருந்தால் கண்டறிய முடியும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism