Published:Updated:

குழந்தைகளுக்கு வாங்கித்தரக் கூடாத பொருட்கள்!

குழந்தைகளுக்கு வாங்கித்தரக் கூடாத பொருட்கள்!
பிரீமியம் ஸ்டோரி
குழந்தைகளுக்கு வாங்கித்தரக் கூடாத பொருட்கள்!

குழந்தைகளுக்கு வாங்கித்தரக் கூடாத பொருட்கள்!

குழந்தைகளுக்கு வாங்கித்தரக் கூடாத பொருட்கள்!

குழந்தைகளுக்கு வாங்கித்தரக் கூடாத பொருட்கள்!

Published:Updated:
குழந்தைகளுக்கு வாங்கித்தரக் கூடாத பொருட்கள்!
பிரீமியம் ஸ்டோரி
குழந்தைகளுக்கு வாங்கித்தரக் கூடாத பொருட்கள்!
குழந்தைகளுக்கு வாங்கித்தரக் கூடாத பொருட்கள்!

விளையாட்டுப் பொருட்கள் குழந்தைப் பருவத்தின் மிகப்பெரிய புதையல். அது பாதுகாப்பற்றதாக இருந்தால் உடல்நலத்துக்கே பாதிப்பை ஏற்படுத்திவிடும். விளையாட்டுப் பொருட்கள் என்பது விளையாட்டுக்கானது மட்டும் அல்ல... குழந்தையின் புத்திக்கூர்மை, இணைந்து செயல்படும் இயல்பு, அவற்றைப் பத்திரமாக வைத்துக்கொள்ள வேண்டும் என்ற பொறுப்புஉணர்வு என்று பலவகைகளிலும் குழந்தையின் வளர்ச்சிக்குத் துணைபுரிபவை விளையாட்டுப் பொருட்கள்.

அமெரிக்காவில் ஒவ்வொரு ஆண்டும் இரண்டரை லட்சம் குழந்தைகள் விளையாட்டு பொம்மைகளால் ஏற்பட்ட காயங்களுக்காக மருத்துவமனைக்கு வருகின்றனராம். ஆனால், இதுபோன்ற புள்ளிவிவரம் இங்கே இல்லை. அமெரிக்காவைக் காட்டிலும் அதிக அளவில் குழந்தைகள் இங்கே பாதிக்கப்பட்டுவருகின்றனர்.

அந்தக் காலத்தில், செப்பு சாமான், மரப்பாச்சி பொம்மை, பல்லாங்குழி, தாயக்கட்டை போன்ற விளையாட்டுப் பொருட்கள் தரத்திலும் பயன்பாட்டிலும் சிறந்ததாக இருந்தது. ஆனால், இன்றைய குழந்தைகளுக்கு வாங்கித்தரும் விளையாட்டுப் பொருட்களில் காரீயம் உள்ளிட்ட ரசாயனங்கள் ஒளிந்திருக்கிறது. எனவே, குழந்தைகளுக்கு டாய்ஸ் வாங்கும்போது கவனிக்க வேண்டியவை, தவிர்க்க வேண்டியவை பற்றி தெரிந்திருக்க வேண்டியது ஒவ்வொரு பெற்றோருக்கும் அவசியம்.

குழந்தைகளுக்கு வாங்கித்தரக் கூடாத பொருட்கள்!

ஒட்டுமொத்த விகடனுக்கும் ஒரே ஷார்ட்கட்!

சீன ப்ளாஸ்டிக் பொம்மைகள், ஃபர், செயற்கை நாரிழை கேசம் கொண்ட பொம்மைகள், பெயின்ட், தரம் குறைந்த கலர் க்ரயான்ஸ், சிலிக்கான் கொண்டு தயாரிக்கப்பட்ட பொருட்கள், விலை குறைந்த, தரமற்ற பொம்மைகளில் பாலிவினைல் க்ளோரைட் (polyvinyl chloride (PVC)) உள்ளிட்ட மோசமான ரசாயனங்கள் கலந்திருக்கும். அவற்றை, குழந்தை வாயில்வைத்தால், வயிறு சம்பந்தப்பட்ட உபாதைகள், வாந்தி, வயிற்று வலி, வயிற்றுபோக்கு, நுரையீரல் பாதிப்பு, அலர்ஜி போன்றவை ஏற்படலாம்.

 கூர்மையான முனைகள் கொண்ட பொம்மை, சிறு பொம்மைகள், சின்னச்சின்ன பாகங்கள் கொண்ட விளையாட்டுப் பொருட்கள் ஆபத்தானவை. ஏனெனில் குழந்தைகள் அவற்றை விழுங்கி விடலாம்.

 மூன்று முதல் ஆறு வயதுக்குட்பட்ட குழந்தைகளுக்கு பவுன்ஸர் (ரப்பர்) பந்தை வாங்கிக்கொடுத்தால் அதை பிடிக்கப்போய் விழவோ, சுவரில் மோதிக்கொள்ளவோ நேரிடும் என்பதால் அதிகம் மேலெழும்பாத சாஃப்ட் பந்து வாங்கிக்கொடுப்பது பாதுகாப்பானது.

 குழந்தைகள் பேட்டரியை நக்குவது, கடிப்பது, வாயில் போட்டுக்கொள்வது போன்ற செயல்களைச் செய்யும்போது அதில் உள்ள கரிப்பொருள் அவர்கள் வயிற்றுக்குள் சென்றால் விஷமாகிவிடும். எனவே, பேட்டரியில் இயங்கும் பொருட்களை தவிர்க்க வேண்டும்.

 சிந்தடிக் ஆடைகள் வியர்வையை உறிஞ்சாது என்பதால் தளர்வான காட்டன் உடைகளை வாங்கி தரலாம்.

 ஸ்டடி டேபிள், பேபி சார் என அவர்களுக்கான பொருட்கள் ஃபேன்ஸியாக இருப்பதைவிட, உறுதியானதாக இருக்கட்டும்.

குழந்தைகளின் பாதுகாப்பை உறுதிசெய்ய!


 விளையாட்டுப் பொருளின் பேக்கிங்கில் குறிப்பிடப்பட்டிருக்கும் எச்சரிக்கைகளை கவனமாகப் படித்து, வயதுக்கு ஏற்ற பொம்மைகளை தேர்ந்தெடுக்கலாம்.

 எடை இல்லாத விளையாட்டுப் பொருட்கள், முனை மழுங்கலான பொருட்கள், மரத்தாலான பொம்மைகள், இயற்கை சார்ந்த பொருட்கள் என குழந்தைகளுக்கு எந்த வகையிலும் பாதிப்பு ஏற்படுத்தாத பொருட்களாக வாங்கிக்கொடுக்கவும்.

- என்.மல்லிகார்ஜூனா

படங்கள்: ஜெ.தான்யராஜு, தே.அசோக்குமார்

மூளைத்திறனைத் தூண்டட்டும்!”

குழந்தைகளுக்கு வாங்கித்தரக் கூடாத பொருட்கள்!



“இரண்டு விஷயங்களை முன்னிறுத்தி உங்கள் குழந்தைகளுக்கான விளையாட்டுப் பொருட்களைத் தேர்ந்தெடுங்கள். மற்ற குழந்தைகளுடன் இணைந்து விளையாடும் இருநபர் அல்லது குழு விளையாட்டாக அது இருக்க வேண்டும். அடுத்ததாக, தாயம், பல்லாங்குழி, பசில்ஸ், கிராஃப்ட், சின்னச் சின்ன அறிவியல் செய்முறைகள் என மூளைக்கு வேலை கொடுக்கும், கற்பனைத் திறனைத் தூண்டும் விளையாட்டாக இருப்பது சிறப்பு.

வீட்டில் ஆண், பெண் என இரண்டு குழந்தைகள் இருந்தால், பெண் குழந்தைக்கு கிச்சன் செட், ஆண் குழந்தைக்கு துப்பாக்கி என்று நீங்களாகவே அவர்களுக்கான விளையாட்டுப் பொருட்களை தீர்மானிக்காதீர்கள். அவர்களுக்கு எது விருப்பம் என்பதைக் கேட்டு வாங்கிக் கொடுங்கள். விளையாட்டுப் பொருட்களை வாங்கித் தருவதை விட முக்கியமானது, பெற்றோரும் அவர்களுடன் அமர்ந்து விளையாடுவது, விளையாட கற்றுக்கொடுப்பது, கதை சொல்வது! அதை தவறாமல் செய்யுங்கள்”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism