Published:Updated:

உறுதியான எலும்புகள் 40 வயதிலும்!

உறுதியான எலும்புகள் 40 வயதிலும்!
பிரீமியம் ஸ்டோரி
உறுதியான எலும்புகள் 40 வயதிலும்!

உறுதியான எலும்புகள் 40 வயதிலும்!

உறுதியான எலும்புகள் 40 வயதிலும்!

உறுதியான எலும்புகள் 40 வயதிலும்!

Published:Updated:
உறுதியான எலும்புகள் 40 வயதிலும்!
பிரீமியம் ஸ்டோரி
உறுதியான எலும்புகள் 40 வயதிலும்!
உறுதியான எலும்புகள் 40 வயதிலும்!

40 வயதை கடந்தவர்களுக்கு, குறிப்பாகப் பெண்களுக்கு ஏற்படும் முக்கியப் பிரச்னைகளில் ஒன்று, எலும்பு பலவீனம். மார்பகப் புற்றுநோய், மூளை நரம்புகளில் ஏற்படும் நோய்களைவிட எலும்பு பலவீனம்தான் பெண்களுக்கு அதிக அளவில் ஏற்படுகிறது. பெண்களில் 50 சதவிகிதம் பேர் எலும்பு பலவீனம் காரணமாக எலும்பு முறிவு, ஆஸ்டியோபொரோசிஸ் என்ற எலும்பு அடர்த்திக் குறைதல் போன்ற பிரச்னைகளால் பாதிக்கப்படுகிறார்கள்.

எலும்பு பலவீனம் ஏன் ஏற்படுகிறது?

இளம் வயதில் கால்சியம், பாஸ்பரஸ் ஆகிய தாதுஉப்புக்களை கிரகித்து எலும்பு செல்கள் உருவாகின்றன. பழைய செல் மறைவதும், அந்த இடத்தை பூர்த்தி செய்ய புதிய செல்கள் உருவாவதும் தினசரி நடப்பவைதான். வயது அதிகரித்தல், ஹார்மோன் மாற்றங்கள்,  ஊட்டச்சத்து குறைபாடு, மது, புகை பழக்கம் உள்ளிட்ட சில காரணங்களால் புதிய செல்கள் உருவாவது பாதிக்கப்படும். இதனால், எலும்பு அடர்த்தி குறைதல் நோய் ஏற்படுகிறது.

ஹார்மோன் மாற்றத்தால்.  ஆண்களை விட பெண்களுக்கு இந்தப் பாதிப்பு அதிகம். 35 வயதுக்குப் பின், ஒரு பெண்ணுக்கு ஒவ்வொரு ஆண்டும் 0.3 சதவிகிதம் என்ற அளவில், எலும்பு அடர்த்திக் குறையும். 60 வயதுக்குள், 30 முதல் 35 சதவிகிதம் எலும்பின் அடர்த்தி குறைகிறது.

மாதவிலக்கு நின்ற பெண்களுக்கு ‘ஈஸ்ட்ரோஜன்’ அளவு குறைவதும் எலும்பு பலவீனத்துக்கு ஒரு முக்கியக் காரணம்.

பிறந்தது முதல் 30 வயது வரை எலும்புத் திசுக்கள் ஆரோக்கியமாக இருக்கும். மாதவிலக்கு நின்ற பெண்களுக்கு எலும்புத் திசுக்கள் சுருங்குவதால் எலும்புகள் பலவீனம் அடையும்.

ஒட்டுமொத்த விகடனுக்கும் ஒரே ஷார்ட்கட்!

- வி.மோ.பிரசன்ன வெங்கடேஷ்

எலும்பு பலவீனம் தடுக்க... தவிர்க்க!

கால்சியம் சமநிலையில் இருந்தால் எலும்பு பலவீனத்தைத் தவிர்க்கலாம். எலும்புகள் உறுதியாகவும் தரமானதாகவும் இருக்க கால்சியம், வைட்டமின் டி முக்கியம்.

தினமும் 20 நிமிடங்கள் காலை சூரிய ஒளி உடலில் படும்படி வேலைகளோ பயிற்சிகளோ செய்யலாம். நடைப்பயிற்சி, ஏரோபிக்ஸ் போன்ற பயிற்சிகள் மூலம் தசைகள் மட்டும் அல்லாமல், எலும்புகளும் வலுவடைகின்றன.

மீன், பால், நட்ஸ், புரோகோலி, ஆரஞ்சு, கேழ்வரகு ஆகியவற்றைத் தினசரி உணவில் சேர்த்துக்கொள்ள வேண்டும்.  

காபி, டீ, மது, புகை பழக்கத்தை தவிர்க்க வேண்டும். 

சீரற்ற மாதவிடாய் பிரச்னை உள்ளவர்கள், மருத்துவப் பரிசோதனை செய்துகொள்வது நல்லது.

மெனோபாஸ் மற்றும் 45 வயதுக்கு மேற்பட்ட பெண்களும், மரபியல் காரணமாக எலும்பு பலவீனம் உள்ள பெண்களும் தகுந்த சிகிச்சை முறைகளை மேற்கொண்டால், எலும்பு அடர்த்திக் குறைவதைத் தடுக்கலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism