Published:Updated:

கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!

கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!
பிரீமியம் ஸ்டோரி
கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!

கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!

கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!

கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!

Published:Updated:
கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!
பிரீமியம் ஸ்டோரி
கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!
கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!

சென்னையைச் சேர்ந்த சசிகலா ஆஷாவுக்கு 31 வயது. அவருடைய எட்டாவது வயதில், நிரந்தரப் பற்கள் ஒவ்வொன்றாக விழ ஆரம்பித்தன. பால் பற்கள் விழுந்தால், நிரந்தரப் பற்கள் முளைக்கும்; நிரந்தரப் பற்கள் விழுந்தால், மீண்டும் முளைக்காது. எதனால் பற்கள் விழுகின்றன என்று பரிசோதித்தபோது, அவருக்கு `ஜெனரலைஸ்டு அக்ரஸ்ஸிவ் பெரியோடோண்டைட்டிஸ்’ (Generalized Aggressive Periodontitis) என்னும் மரபியல் பிரச்னை இருப்பது தெரியவந்தது. இந்தப் பிரச்னை இருப்பவர்களுக்கு ஈறு பாதிக்கப்பட்டு, பற்களைத் தாங்கிப்பிடிக்கும் எலும்புகள் சிதைந்துவிடும். அதன்படி, சசிகலா ஆஷாவுக்கு 30 வயதுக்குள் கிட்டத்தட்ட முக்கால்வாசிப் பற்கள் விழுந்துவிட்டன. இதனால் அவர் பல் செட் பயன்படுத்திவந்தார். அதிலும் சிரமம் ஏற்படவே, இம்பிளான்ட் எனப்படும் செயற்கைப் பல் பொருத்துதல் சிகிச்சைக்கு வந்தார்.

பொதுவாக, தாடை எலும்பு இம்பிளான்ட் செய்யும் அளவுக்கு இல்லை எனில், இடுப்பு எலும்பை எடுத்து, தாடை எலும்பு அளவுக்கு வடிவத்தை மாற்றிப் பொருத்துவோம். அதன் பிறகு ஆறு மாதங்கள் கழித்து, செயற்கைப் பல் பொருத்தப்படும். இந்தச் சிகிச்சை முறைக்கு மாதக்கணக்கில் காத்திருக்க வேண்டும்; சிகிச்சையும் நீண்டுகொண்டே செல்லும் என்பதால், இதற்கு மாற்றாக வந்ததுதான் ‘ஸைகோமா இம்பிளான்ட்.’ அதாவது, மேல் தாடை எலும்பு முற்றிலும் சிதைந்திருந்தால், அவருக்கு வழக்கமான எலும்பு கிராஃப்டிங் அறுவைசிகிச்சை செய்வதற்குப் பதிலாக, கன்ன எலும்பில் செயற்கைப் பல்லைத் தாங்க ஏதுவாக ஆணி போன்ற இம்பிளான்ட் பொருத்தப்படும். இதில் வலது, இடது பக்கங்களில் தலா ஒரு இம்பிளான்ட் பொருத்தினால் போதும்.

கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!

ஒட்டுமொத்த விகடனுக்கும் ஒரே ஷார்ட்கட்!

சசிகலாவுக்கு மேல்தாடை முற்றிலும் பாதிக்கப்பட்டிருந்ததால், அவருக்கு மேல் தாடையின் வலது, இடது பக்கங்களில் தலா இரண்டு  இம்பிளான்ட் பொருத்த வேண்டியிருந்தது. இது சிக்கலான அறுவைசிகிச்சைதான். மேல்தாடையில்  நான்கு இம்பிளான்ட் பொருத்தப்படுவதால், இதற்கு ‘குவாட் ஸைக்கோமா அறுவைசிகிச்சை’ (Quad Zygoma Surgery) என்று பெயர்.

சசிகலா ஆஷாவுக்கு `மேக்ஸில்லா’ (Maxilla) எனப்படும் மேல் தாடைப் பகுதியில்  செயற்கை ஈறு பொருத்தவேண்டியிருந்தது. இதற்காக, அவருக்காகவே மேல்தாடை ஈறு பிரத்யேகமாக வடிவமைக்கப்பட்டது. செயற்கை ஈறு தயாரிக்க, நோயாளியின் வாய்ப்பகுதியை கோன் பீம் சி.டி ஸ்கேன் செய்து, முப்பரிமாணத் தொழில்நுட்பம் மூலமாகப் பல்வேறு கோணங்களில் 600 புகைப்படங்கள் எடுக்கப்பட்டன. இந்தப் புகைப்படங்களின் மூலமாக, சிகிச்சை பெறுபவரின் மேல்தாடை ஈறின் அளவு 1/1000 மைக்ரான் அளவுக்கு மிகத் துல்லியமாகக் கணக்கிடப்பட்டது.

பிறகு, அக்ரிலிக் பாலிமர் என்ற பொருளைப் பயன்படுத்தி ஈறு அச்சில் வார்க்கப்பட்டது. டைட்டானியம் உலோகத்தால் செய்யப்பட்ட நான்கு உலோக இம்பிளான்ட்டுகள், செயற்கை ஈறு, நோயாளியின் மேல்தாடையில் நிரந்தரமாகப் பொருத்துவதற்கு தயாரானதும், அறுவைசிகிச்சைக்கான நாளைத் திட்டமிட்டோம்.

கன்ன எலும்பைத் துளைத்து செயற்கைப் பற்கள்... நம்பிக்கை தரும் சிகிச்சை!

கன்ன எலும்புப் பகுதியில், டிரில் மூலம் மேலும் துளைகள் இடப்பட்டன.  எல்லா துளைகளையும் சரியாக இட்டு முடித்த பின்னர், அக்ரிலிக் பாலிமர் ஈறு, நோயாளியின் மேக்ஸில்லா பகுதியில் இணைக்கப்பட்டது. இம்பிளான்ட்டுகள் மற்றும் அக்ரிலிக் ஈறின்  உதவியோடு செயற்கைப் பல் செட், நோயாளியின் மேல் தாடையில் நிரந்தரமாகப் பொருத்தப்பட்டது. இதனால், நோயாளிக்கு செயற்கைப் பற்கள் கழன்று விழ வாய்ப்பு இல்லை.

இந்தச் செயற்கைப் பற்கள், இயற்கைப் பற்கள்போலவே அழகாகக் காட்சியளிக்கும். இயற்கையான பற்கள்போலவே சூடு, குளிர்ச்சி ஆகியவற்றைத் தாக்குப்பிடிக்கும். அறுவைசிகிச்சை முடிந்த முதல் ஆறு மாதங்களுக்கு மட்டும் நோயாளிகள் கடினமான உணவுப் பொருட்களைச் சாப்பிடக் கூடாது.

10 வருடங்களுக்கு முன்பெல்லாம், செயற்கை ஈறு பொருத்தப்பட்டு ஆறு மாதங்களுக்குப் பிறகுதான் பல் செட் பொருத்த முடியும். இன்றைய நவீன மருத்துவ விஞ்ஞான வளர்ச்சியின் காரணமாக, மூன்றே நாட்களில் பல் செட் பொருத்திக்கொள்ள முடியும் என்பது நோயாளிகளுக்கு மிகவும் சாதகமான விஷயம்.

- வி.மோ.பிரசன்ன வெங்கடேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism